ਇੱਟਾਂ, ਰੇਤ, ਸਰੀਏ ਦੇ ਭਾਅ ਚੜ੍ਹੇ ਅਸਮਾਨੀ, ਆਮ ਲੋਕਾਂ ਲਈ ਘਰ ਬਣਾਉਣਾ ਬਣਿਆ ਸੁਪਨਾ

ਲੁਧਿਆਣਾ, 24 ਅਕਤੂਬਰ-ਲੋਹੇ ਦੀਆਂ ਵਧ ਰਹੀਆਂ ਕੀਮਤਾਂ ਦੇ ਕਾਰਨ ਕਾਰੋਬਾਰੀ ਤਾਂ ਦੁੱਖੀ ਦਿਖਾਈ ਦੇ ਹੀ ਰਹੇ ਹਨ ਅਤੇ ਇਨ੍ਹਾਂ ਕਾਰੋਬਾਰੀਆਂ ਕੋਲ ਕੰਮ ਕਰਨ ਵਾਲਿਆਂ ਤੋਂ ਲੈ ਕੇ ਮਕਾਨ ਬਣਾਉਣ ਵਾਲਾ ਹਰ ਇਕ ਵਿਅਕਤੀ ਦੁੱਖੀ ਦਿਖਾਈ ਦੇ ਰਿਹਾ ਹੈ,ਜੇਕਰ ਮਕਾਨ ਬਣਾਉਣ ਵਾਲੇ ਰਾਜ ਮਿਸਤਰੀ ਅਤੇ ਮਜ਼ਦੂਰਾਂ ਦੀ ਗੱਲ ਕੀਤੀ ਜਾਵੇ ਤਾਂ ਹਰ ਕੋਈ ਆਪੋ ਆਪਣੀਆਂ ਸਮਸਿਆਵਾਂ ਨੂੰ ਲੈ ਕੇ ਇਕ ਦੂਜੇ ਤੋਂ ਵਧਕੇ ਦੁੱਖੀ ਹਨ ਅਤੇ ਆਉਣ ਵਾਲੇ ਸਮੇਂ ਨੂੰ ਲੈ ਕੇ ਹੋਰ ਵੀ ਜਿਆਦਾ ਚਿੰਤਤ ਦਿਖਾਈ ਦੇ ਰਹੇ ਹਨ,ਕਿਉਂ ਕਿ ਮਕਾਨ ਬਣਾਉਣ ਵਾਲੀ ਇੱਟਾਂ, ਰੇਤ,ਬਜਰੀ, ਸਰੀਏ ਅਤੇ ਕਾਪਰ ਦੇ ਭਾਅ ਅਸ਼ਮਾਨੀ ਚੜਨ ਕਰਕੇ ਆਮ ਲੋਕਾਂ ਲਈ ਹੁਣ ਘਰ ਬਣਾਉਣਾ ਸੁਪਨਾ ਬਣਦਾ ਜਾ ਰਿਹਾ ਹੈ,ਕਿਉਂ ਕਿ ਆਏ ਦਿਨ ਲੋਹੇ ਦੀਆਂ ਕੀਮਤਾਂ ਵਿੱਚ ਆ ਰਹੇ ਉਛਾਲ ਕਾਰਨ ਸਰੀਏ ਦਾ ਭਾਅ 65 ਤੋਂ 70 ਰੁਪਏ ਕਿਲੋ ਹੋ ਚੁੱਕਿਆ ਹੈ,ਇਸੇ ਤਰ੍ਹਾਂ ਇੱਟਾਂ ਰੇਤ ਅਤੇ ਬਜਰੀ ਦੇ ਭਾਅ ਵੀ ਅਸਮਾਨ ਨੂੰ ਛੂਹ ਰਹੇ ਹਨ,ਭਾਵੇਂ ਕਿ ਸਰਕਾਰ ਵੱਲੋਂ ਪੰਜ ਰੁਪਏ ਫੁੱਟ ਰੇਤ ਦੇਣ ਦੇ ਦਾਅਵੇ ਤੇ ਵਾਅਦੇ ਕੀਤੇ ਗਏ ਸਨ, ਪਰ ਜਮੀਨੀ ਹਕੀਕਤ ਇਹ ਹੈ ਕਿ ਰੇਤ ਦਾ ਭਾਅ ਵੀ ਹੁਣ 30 ਤੋਂ 35 ਰੁਪਏ ਫੁੱਟ ਦੇ ਨੇੜੇ ਤੇੜੇ ਪੁੱਜ ਗਿਆ ਹੈ, ਜੋ ਕਿ ਆਮ ਲੋਕਾਂ ਦੀ ਜੇਬ ਤੇ ਭਾਰੂ ਪੈ ਰਿਹਾ ਹੈ, ਜੇਕਰ ਇੱਟਾਂ ਦੇ ਭਾਅ ਦੀ ਗੱਲ ਕੀਤੀ ਜਾਵੇ ਤਾਂ ਬੀਤੇ ਕਈ ਮਹੀਨਿਆਂ ਤੋਂ ਇੱਟ ਵੀ 11 ਹਜ਼ਾਰ ਨੂੰ ਜਾ ਢੁੱਕੀ ਹੈ, ਜਿਸ ਕਰਕੇ ਆਮ ਆਦਮੀ ਘਰ ਬਣਾਉਣ ਦਾ ਹੌਸਲਾ ਹੀ ਨਹੀਂ ਕਰ ਰਿਹਾ ਅਤੇ ਬਹੁਤੇ ਲੋਕਾਂ ਦੇ ਘਰਾਂ ਦੀਆਂ ਕੰਧਾਂ ਸੀਮਿੰਟ ਨੂੰ ਤਰਸ਼ਣ ਲੱਗੀਆਂ ਹਨ। ਫਰਸ਼ ਤੇ ਲੱਗਣ ਵਾਲੀ ਟਾਇਲ ਦੀਆਂ ਵਧ ਰਹੀਆਂ ਕੀਮਤਾਂ ਸਬੰਧੀ ਗੱਲਬਾਤ ਕਰਦਿਆਂ ਟਾਇਲ ਕਾਰੋਬਾਰੀ ਮਨਪ੍ਰੀਤ ਸਿੰਘ ਨੇ ਦੱਸਿਆ ਕਿ ਅਮਰੀਕਾ -ਇਜਰਾਈਲ ਅਤੇ ਈਰਾਨ ਵਿਚਕਾਰ ਲੱਗੇ ਯੁੱਧ ਤੋਂ ਬਾਅਦ ਟਾਇਲ ਦੇ ਭਾਅ ਵਿਚ ਆਏ ਉਛਾਂਲ ਨੇ ਕਾਰੋਬਾਰਾਂ ਨੂੰ ਤਬਾਹ ਕਰ ਕੇ ਰੱਖ ਦਿੱਤਾ ਹੈ।