ਖਰੜ, 9 ਅਪ੍ਰੈਲ (ਗੁਰਮੁੱਖ ਸਿੰਘ ਮਾਨ)-ਭਾਰਤ ਦੇ ਚੋਣ ਕਮਿਸ਼ਨ ਵਲੋਂ ਜਾਰੀ ਹਦਾਇਤਾਂ ਅਨੁਸਾਰ ਵਿਧਾਨ ਸਭਾ ਹਲਕਾ ਖਰੜ-52 'ਚ ਸਪੈਸ਼ਲ ਇੰਟੈਂਸਿਵ ਰਿਵੀਜ਼ਨ ਤਹਿਤ ਸਾਲ 2003 ਦੀ ਵੋਟਰ ਸੂਚੀ ਦਾ ਮੌਜ਼ੂਦਾ ਵੋਟਰ ਸੂਚੀ ਨਾਲ ਵੋਟਰ ਮੇਪਿੰਗ ਦਾ ਕੰਮ ਚੱਲ ਰਿਹਾ ਹੈ, ਜੋ ਕਿ ਸਮਾਂਬੱਧ ਅਤੇ ਅਹਿਮ ਕਾਰਜ ਹੈ | ਇਹ ਜਾਣਕਾਰੀ ਸਾਂਝੀ ਕਰਦਿਆਂ ਵਿਧਾਨ ਸਭਾ ਹਲਕਾ ਖਰੜ-52 ਦੇ ਚੋਣਕਾਰ ਰਜਿਸਟ੍ਰੇਸ਼ਨ ਅਫ਼ਸਰ-ਕਮ-ਐੱਸ. ਡੀ. ਐੱਮ. ਗੁਰਮੀਤ ਸਿੰਘ ਨੇ ਹਲਕੇ 'ਚ ਪੈਂਦੇ ਸਮੂਹ ਪਿੰਡਾਂ, ਸ਼ਹਿਰਾਂ, ਸੁਸਾਇਟੀਆਂ, ਕਾਲੋਨੀਆਂ ਤੇ ਹਾਈਰਾਈਜ਼ ਇਮਾਰਤਾਂ 'ਚ ਰਹਿੰਦੇ ਸਮੁੱਚੇ ਵੋਟਰਾਂ ਨੂੰ ਅਪੀਲ ਕੀਤੀ ਕਿ ਉਹ ਹਲਕੇ 'ਚ ਤਾਇਨਾਤ ਬੀ. ਐਲ. ਓਜ਼. ਨੂੰ ਸਾਲ 2003 ਦੀ ਵੋਟ ਸੰਬੰਧੀ ਲੋੜੀਂਦੀ ਸੂਚਨਾ ਮੁਹੱਈਆ ਕਰਵਾਉਣ ਅਤੇ ਬੀ. ਐਲ. ਓਜ਼ ਨੂੰ ਸਹਿਯੋਗ ਕਰਨ |
