ਚੰਡੀਗੜ੍ਹ, 14 ਅਪ੍ਰੈਲ (ਅਜੀਤ ਬਿਊਰੋ)- ਸੰਯੁਕਤ ਕਿਸਾਨ ਮੋਰਚਾ ਗੈਰ ਸਿਆਸੀ ਭਾਰਤ ਦੀ ਜੂਮ ਮੀਟਿੰਗ, ਜਿਸ ਵਿਚ ਕਿਸਾਨੀ ਮਸਲਿਆਂ ਬਾਰੇ ਵਿਚਾਰਿਆ ਗਿਆ, ਕਿਸਾਨਾਂ ਦੀ ਤਰਾਸਦੀ 1 ਤਰੀਕ ਤੋਂ ਚਾਲੂ ਹੋਣ ਵਾਲੀ ਕਣਕ ਦੀ ਖ਼ਰੀਦ ਅੱਜ 13 ਦਿਨ ਬੀਤ ਜਾਣ 'ਤੇ ਵੀ ਪੰਜਾਬ ਸਰਕਾਰ ਰਹੀ ਫ਼ੇਲ੍ਹ, ਪਹਿਲਾਂ ਗਰਮੀ ਅਤੇ ਲੰਮਾ ਸਮਾਂ ਬਾਰਸ਼ਿ ਪੈਣ ਕਰਕੇ ਅਤੇ ਕੁਦਰਤੀ ਕਰੋਪੀ ਤੋਂ ਨਿਕਲਿਆ ਕਿਸਾਨ ਸਰਕਾਰਾਂ ਦੇ ਜਬਰ, ਕਹਿਰ ਦਾ ਮੰਡੀਆਂ 'ਚ ਸਾਹਮਣਾ ਕਰ ਰਿਹਾ ਹੈ | ਇਹ ਪ੍ਰਗਟਾਵਾ ਅੱਜ ਪ੍ਰਮੁੱਖ ਕਿਸਾਨ ਆਗੂਆਂ ਵਲੋਂ ਕੀਤਾ ਗਿਆ | ਇਸ ਸਬੰਧੀ ਕਿਸਾਨ ਆਗੂ ਇੰਦਰਜੀਤ ਸਿੰਘ ਕੋਟਬੁੱਢਾ, ਗੁਰਿੰਦਰ ਸਿੰਘ ਭੰਗੂ, ਸੁਖਜੀਤ ਸਿੰਘ ਹਰਦੋਝੰਡੇ, ਲਖਵਿੰਦਰ ਸਿੰਘ ਔਲਖ, ਬਚਿੱਤਰ ਸਿੰਘ ਕੋਟਲਾ ਅਤੇ ਗੁਰਸੇਵਕ ਸਿੰਘ ਆਦਿ ਨੇ ਕਿਹਾ ਕਿ ਪੰਜਾਬ ਸਰਕਾਰ ਦੀਆਂ ਆਪ ਦੀਆਂ ਏਜੰਸੀਆਂ ਹੀ ਕਣਕ ਨਹੀਂ ਖ਼ਰੀਦ ਰਹੀਆਂ ਕਿਸੇ ਨਾ ਕਿਸੇ ਆਨੇ ਬਹਾਨੇ ਨਵੀਂ ਦਾ ਕਾਰਨ ਬਰੀਕ ਦਾਣੇ ਦਾ ਕਾਰਨ ਦਾਣਾ ਬਦਰੰਗ ਦਾ ਕਾਰਨ ਜਿਹੜੀ ਕਣਕ ਸਰਕਾਰ ਦੇ ਮਾਪਦੰਡ 12 ਮੁਆਚਰ ਵਾਲੀ ਵੀ ਸਰਕਾਰ ਦੇ ਇੰਸਪੈਕਟਰ ਨਹੀਂ ਖ਼ਰੀਦ ਰਹੇ | ਇਹ ਕਿਸਾਨ ਦੇ ਪਿੱਠ ਵਿਚ ਛੁਰਾ ਮਾਰਨੇ ਵਾਲੀ ਗੱਲ ਹੈ ਕਿਉਂਕਿ ਪੁੱਤਾਂ ਵਾਂਗੂੰ ਪਾਲੀ ਫ਼ਸਲ ਮੰਡੀਆਂ ਵਿਚ ਰੁਲ ਰਹੀ ਹੈ | ਸਰਕਾਰ ਹਰ ਫ਼ਰੰਟ ਤੋਂ ਫੈਲ ਹੋਈ ਸਿਰਫ਼ ਇਕ ਢੇਰੀ 'ਤੇ ਖੜ੍ਹ ਕੇ ਸਰਕਾਰ ਦੇ ਐਮ.ਐਲ.ਏ ਸਾਹਿਬਾਨ ਨੇ ਫ਼ੋਟੋਆਂ ਖਿੱਚਵਾ ਕੇ ਵਾਹਵਾ ਖੱਟ ਕੇ ਕਹਿ ਰਹੇ ਹਨ ਕਿ ਅਸੀਂ ਕਿਸਾਨਾਂ ਪੱਖੀ ਹਾਂ |
