ਚੰਡੀਗੜ੍ਹ, 13 ਮਈ (ਮਾਰਕੰਡਾ)- ਸਰਕਾਰੀ ਮੈਡੀਕਲ ਕਾਲਜ ਅਤੇ ਹਸਪਾਤਲ ਸੈਕਟਰ 32 ਚੰਡੀਗੜ੍ਹ ਨੇ 16 ਮਈ ਤੋਂ 23 ਜੁਲਾਈ ਤੱਕ ਗਰਮੀਆਂ ਦੀਆਂ ਛੁੱਟੀਆਂ ਦੌਰਾਨ ਜੀ.ਐਮ.ਸੀ.ਐਚ-32 ਅਤੇ ਸਾਊਥ ਕੈਂਪਸ ਹਸਪਤਾਲ ਸੈਕਟਰ 48 ਚੰਡੀਗੜ੍ਹ ਦੀ ਓ.ਪੀ.ਡੀ. ਦੇ ਸਮੇ ਵਿਚ ਤਬਦੀਲੀ ਕਰ ਦਿੱਤੀ ਗਈ ਹੈ | ਹੁਣ 16 ਮਈ ਤੋਂ ਓ.ਪੀ.ਡੀ ਰਜਿਸਟਰੇਸ਼ਨ ਸਵੇਰੇ 7.00 ਵਜੇ ਤੋਂ ਸਵੇਰੇ 10.00 ਵਜੇ ਤੱਕ, ਓ.ਪੀ.ਡੀ. ਸਮਾਂ ਸਵੇਰੇ 8.00 ਵਜੇ ਤੋਂ ਦੁਪਹਿਰ 2.00 ਵਜੇ ਤੱਕ ਤੇ ਖੂਨ ਇਕੱਠਾ ਕਰਨ ਵਾਲੇ ਕੇਂਦਰ ਦਾ ਸਮਾਂ ਸਵੇਰੇ 7.00 ਵਜੇ ਤੋਂ ਦੁਪਹਿਰ 12.00 ਵਜੇ ਤੱਕ ਹੋਵੇਗਾ | ਜਦਕਿ ਜੀ.ਐਮ.ਸੀ.ਐਚ.-32 ਦੀਆਂ ਐਮਰਜੈਂਸੀ ਸੇਵਾਵਾਂ 24 ਘੰਟੇ ਉਪਲਬਧ ਰਹਿਣਗੀਆਂ |
