ਮੈਕਸ ਹਸਪਤਾਲ ਸਾਹਮਣੇ ਝਾੜੀਆਂ 'ਚੋਂ ਸੇਵਾ-ਮੁਕਤ ਮਹਿਲਾ ਕਰਮਚਾਰੀ ਦੀ ਲਾਸ਼ ਬਰਾਮਦ <br/>
ਅਜੀਤ ਡੈਸਕ
06-06-2026
ਸੁਪਰਡੈਂਟ ਸੀ ਅਤੇ ਉਨ੍ਹਾਂ ਦੀ ਮਾਨਸਿਕ ਸਿਹਤ ਠੀਕ ਨਹੀਂ ਰਹਿੰਦੀ ਸੀ | ਪਰਿਵਾਰਕ ਮੈਂਬਰਾਂ ਅਨੁਸਾਰ 3 ਜੂਨ ਨੂੰ ਮਿ੍ਤਕਾ ਦਾ ਪੁੱਤਰ ਇਲਾਜ ਲਈ ਆਪਣੀ ਮਾਂ ਨੂੰ ਮੈਕਸ ਹਸਪਤਾਲ ਲੈ ਕੇ ਆਇਆ ਸੀ | ਦੱਸਿਆ ਜਾਂਦਾ ਹੈ ਕਿ ਹਸਪਤਾਲ ਪਹੁੰਚਣ ਤੋਂ ਬਾਅਦ ਜਦੋਂ ਉਹ ਆਪਣਾ ਵਾਹਨ ਪਾਰਕ ਕਰਨ ਗਿਆ ਤਾਂ ਇਸ ਦੌਰਾਨ ਮਹਿਲਾ ਉੱਥੋਂ ਲਾਪਤਾ ਹੋ ਗਈ | ਪੁੱਤਰ ਵਲੋਂ ਹਸਪਤਾਲ ਅਤੇ ਆਸ-ਪਾਸ ਦੇ ਖੇਤਰ ਵਿਚ ਉਸ ਦੀ ਕਾਫ਼ੀ ਭਾਲ ਕੀਤੀ ਗਈ ਪਰ ਕੋਈ ਸੁਰਾਗ ਨਹੀਂ ਮਿਲਿਆ ਜਿਸ ਤੋਂ ਬਾਅਦ ਉਸਨੇ ਮੁਹਾਲੀ ਦੇ ਥਾਣਾ ਫ਼ੇਜ਼-1 ਵਿਖੇ ਗੁੰਮਸ਼ੁਦਗੀ ਦੀ ਸ਼ਿਕਾਇਤ ਦਰਜ ਕਰਵਾਈ | ਸ਼ੁੱਕਰਵਾਰ ਸ਼ਾਮ ਨੂੰ ਮਹਿਲਾ ਦੀ ਲਾਸ਼ ਮੈਕਸ ਹਸਪਤਾਲ ਦੇ ਸਾਹਮਣੇ ਝਾੜੀਆਂ ਵਿਚੋਂ ਬਰਾਮਦ ਹੋਈ ਜੋ ਇਲਾਕਾ ਚੰਡੀਗੜ੍ਹ ਪੁਲਿਸ ਅਧੀਨ ਆਉਂਦਾ ਹੈ | ਇਸ ਮਾਮਲੇ ਸੰਬੰਧੀ ਡੀ.ਐਸ.ਪੀ. ਧੀਰਜ ਕੁਮਾਰ ਨੇ ਦੱਸਿਆ ਕਿ ਮਹਿਲਾ ਦੇ ਨੱਕ ਵਿਚੋਂ ਖੂਨ ਨਿਕਲ ਰਿਹਾ ਸੀ ਜਿਸ ਦਾ ਇਕ ਕਾਰਨ ਬਦਲਦੇ ਮੌਸਮ ਨੂੰ ਵੀ ਮੰਨਿਆ ਜਾ ਸਕਦਾ ਹੈ | ਉਨ੍ਹਾਂ ਸਪਸ਼ਟ ਕੀਤਾ ਕਿ ਪਰ ਮੌਤ ਦੇ ਅਸਲ ਕਾਰਨਾਂ ਦਾ ਪਤਾ ਪੋਸਟਮਾਰਟਮ ਰਿਪੋਰਟ ਆਉਣ ਤੋਂ ਬਾਅਦ ਹੀ ਲੱਗ ਸਕੇਗਾ | ਉਨ੍ਹਾਂ ਕਿਹਾ ਫੋਰੈਂਸਿਕ ਸਾਇੰਸ ਦੇ ਮਾਹਰਾਂ ਨੂੰ ਲਾਸ਼ ਬਰਾਮਦ ਹੋਣ ਵਾਲੀ ਥਾਂ 'ਤੇ ਕੱੁਝ ਵੀ ਸ਼ੱਕੀ ਨਹੀਂ ਲੱਗਿਆ | ਫ਼ਿਲਹਾਲ ਪੁਲਿਸ ਅਧਿਕਾਰੀਆਂ ਅਨੁਸਾਰ ਮਾਮਲੇ ਦੀ ਜਾਂਚ ਜਾਰੀ ਹੈ |
