ਜਲੰਧਰ, 15 ਜੁਲਾਈ (ਅ. ਬ.)- ਸ੍ਰੀ ਸੁਖਮਨੀ ਗਰੁੱਪ ਆਫ਼ ਇੰਸਟੀਚਿਊਸ਼ਨਜ਼ ਇਲਾਕੇ ਦੇ ਸਭ ਤੋਂ ਪੁਰਾਣੇ ਸਿੱਖਿਆ ਸੰਸਥਾਨਾਂ ਵਿਚੋਂ ਇਕ ਹੈ, ਜਿਸ ਦੀ ਸਥਾਪਨਾ ਸਾਲ 1972 ਵਿਚ “ਸੇਵਾ ਆਪਣੇ ਆਪ ਤੋਂ ਪਹਿਲਾਂ” ਦੇ ਸਿਧਾਂਤ ਨਾਲ ਉੱਚ ਗੁਣਵੱਤਾ ਵਾਲੇ ਪੇਸ਼ੇਵਰ ਤਿਆਰ ਕਰਨ ਦੇ ਉਦੇਸ਼ ਨਾਲ ਕੀਤੀ ਗਈ ਸੀ। ਪ੍ਰੋ. ਅਵਤਾਰ ਸਿੰਘ ਵਲੋਂ ਸਥਾਪਿਤ ਇਸ ਗਰੁੱਪ ਦੀ ਅਗਵਾਈ ਇਸ ਵੇਲੇ ਕੰਵਲਜੀਤ ਸਿੰਘ (ਚੇਅਰਮੈਨ, ਸ਼੍ਰੀ ਸੁਖਮਨੀ ਗਰੁੱਪ) ਤੇ ਡਾ. ਦਮਨਜੀਤ ਸਿੰਘ (ਡਾਇਰੈਕਟਰ, ਸ੍ਰੀ ਸੁਖਮਨੀ ਗਰੁੱਪ) ਕਰ ਰਹੇ ਹਨ। ਸਮੇਂ ਦੇ ਨਾਲ ਇਹ ਗਰੁੱਪ ਸਿੱਖਿਆ ਦੇ ਖੇਤਰ ਵਿਚ ਇਕ ਮਾਣਯੋਗ ਤੇ ਪ੍ਰਸਿੱਧ ਕੇਂਦਰ ਬਣ ਚੁੱਕਾ ਹੈ। ਪਿਛਲੇ 54 ਸਾਲਾਂ ਤੋਂ ਸ੍ਰੀ ਸੁਖਮਨੀ ਗਰੁੱਪ ਸਿੱਖਿਆਕ ਉਤਕ੍ਰਿਸ਼ਟਤਾ ਲਈ ਜਾਣਿਆ ਜਾਂਦਾ ਹੈ ਤੇ ਇੰਜੀਨੀਅਰਿੰਗ, ਮੈਡੀਕਲ, ਮੈਨੇਜਮੈਂਟ, ਕੰਪਿਊਟਰ ਐਪਲੀਕੇਸ਼ਨਜ਼, ਲਾਅ, ਫਾਰਮੇਸੀ, ਹੋਸਪਿਟੈਲਿਟੀ ਮੈਨੇਜਮੈਂਟ, ਨਰਸਿੰਗ, ਕਾਮਰਸ ਅਤੇ ਸਕੂਲੀ ਸਿੱਖਿਆ ਦੇ ਖੇਤਰਾਂ ਵਿਚ ਗੁਣਵੱਤਾ ਭਰੀ ਸਿੱਖਿਆ ਪ੍ਰਦਾਨ ਕਰ ਰਿਹਾ ਹੈ। ਸ਼੍ਰੀ ਸੁਖਮਨੀ ਗਰੁੱਪ ਦਾ ਇਕ ਮਜ਼ਬੂਤ ਗਲੋਬਲ ਐਲੁਮਨਾਈ ਨੈੱਟਵਰਕ ਤੇ ਸਰਗਰਮ ਪਲੇਸਮੈਂਟ ਸਹਾਇਤਾ ਪ੍ਰਣਾਲੀ ਹੈ। ਵੱਖ-ਵੱਖ ਕੰਪਨੀਆਂ ਨਿਯਮਿਤ ਤੌਰ ’ਤੇ ਕੈਂਪਸ ਭਰਤੀ ਲਈ ਆਉਂਦੀਆਂ ਹਨ ਅਤੇ ਟ੍ਰੇਨਿੰਗ ਅਤੇ ਪਲੇਸਮੈਂਟ ਵਿਭਾਗ ਵਿਦਿਆਰਥੀਆਂ ਨੂੰ ਪ੍ਰਮੁੱਖ ਮਲਟੀਨੇਸ਼ਨਲ ਕੰਪਨੀਆਂ ਅਤੇ ਹੋਰ ਮਾਣਯੋਗ ਸੰਸਥਾਵਾਂ ਵਿਚ ਰੋਜ਼ਗਾਰ ਦੇ ਮੌਕੇ ਪ੍ਰਦਾਨ ਕਰਦਾ ਹੈ।
