ਚੰਡੀਗੜ੍ਹ, 25 ਜੁਲਾਈ (ਮਾਰਕੰਡਾ)-ਤੰਬਾਕੂ ਕੰਟਰੋਲ ਸਰੋਤ ਕੇਂਦਰ (ਆਰ. ਸੀ. ਟੀ. ਸੀ.) ਨੇ ਨਵੀਂ ਦਿੱਲੀ ਵਿਖੇ ਪ੍ਰੋਗਰਾਮ ਦੌਰਾਨ ਤੰਬਾਕੂ ਕੰਟਰੋਲ ਸਰੋਤ ਕੇਂਦਰ ਦੇ ਪ੍ਰਧਾਨ ਤੇ ਪੀ. ਜੀ. ਆਈ. ਦੇ ਪ੍ਰੋ. ਸੋਨੂ ਗੋਇਲ ਨੂੰ ‘ਸਪੈਸ਼ਲ ਰਿਕੋਗਨੀਸ਼ਨ ਐਵਾਰਡ’ ਨਾਲ ਸਨਮਾਨਿਤ ਕੀਤਾ। ਇਹ ਪੁਰਸਕਾਰ ਨਵੀਨਤਾ, ਡਿਜੀਟਲ ਜਨਤਕ ਸਿਹਤ, ਸਬੂਤ ਪੈਦਾ ਕਰਨ ਤੇ ਨੀਤੀ ਸਹਾਇਤਾ ਰਾਹੀਂ ਤੰਬਾਕੂ ਕੰਟਰੋਲ ਨੂੰ ਅੱਗੇ ਵਧਾਉਣ ਵਿਚ ਸ਼ਾਨਦਾਰ ਯੋਗਦਾਨ ਲਈ ਦਿੱਤਾ ਗਿਆ। ਇਹ ਸਨਮਾਨ ਸਕੂਲ ਆਫ਼ ਪਬਲਿਕ ਹੈਲਥ ਦੇ ਪ੍ਰੋਫੈਸਰ ਡਾ. ਯਵਾਨ ਜੇ. ਐਫ. ਹੁਟਿਨ, ਭਾਰਤ ਲਈ ਡਬਲਿਊ. ਐਚ. ਓ. ਦੇ ਪ੍ਰਤੀਨਿਧੀ ਦੁਆਰਾ ਪ੍ਰਾਪਤ ਕੀਤਾ ਗਿਆ। ਪ੍ਰੋ. ਸੋਨੂ ਗੋਇਲ ਨੇ 80 ਤੋਂ ਵੱਧ ਰਾਸ਼ਟਰੀ, ਖੇਤਰੀ ਵਰਕਸ਼ਾਪਾਂ, ਵੈਬੀਨਾਰ, ਸਲਾਹ-ਮਸ਼ਵਰੇ, ਕਾਨਫਰੰਸਾਂ ਤੇ ਸੰਮੇਲਨਾਂ ਵਿਚ ਹਿੱਸਾ ਲਿਆ। ਇਨ੍ਹਾਂ ਨੇ ਤੰਬਾਕੂ ਨਿਯੰਤਰਨ ਵਿਚ 3 ਤੋਂ 6 ਮਹੀਨੇ ਦੇ ਕੋਰਸਾਂ ਵਰਗੇ ਸਮਰਪਿਤ ਆਨਲਾਈਨ ਪੇਸ਼ੇਵਰ ਸਿਖਲਾਈ ਪ੍ਰੋਗਰਾਮਾਂ ਦੀ ਵੀ ਸ਼ੁਰੂਆਤ ਕੀਤੀ। ਇਸ ਤੋਂ ਇਲਾਵਾ ਕਈ ਥੋੜੇ ਸਮੇਂ ਦੇ ਪ੍ਰੋਗਰਾਮ ਵੀ ਕੀਤੇ। ਇਸੇ ਤਰ੍ਹਾਂ ਦੇਸ਼ ਭਰ ਦੇ ਪ੍ਰੋਗਰਾਮ ਪ੍ਰਬੰਧਕਾਂ, ਸਿਹਤ ਸੰਭਾਲ ਪ੍ਰਦਾਤਾਵਾਂ, ਖੋਜਕਰਤਾਵਾਂ ਤੇ ਜਨਤਕ ਸਿਹਤ ਪ੍ਰੈਕਟੀਸ਼ਨਰਾਂ ਲਈ ਨਿਰੰਤਰ ਸਮਰੱਥਾ ਵਿਕਾਸ ਨੂੰ ਯਕੀਨੀ ਬਣਾਇਆ ਗਿਆ। ਕੇਂਦਰ ਸਰਕਾਰ ਨੇ ਮਜ਼ਬੂਤ ਰਾਸ਼ਟਰੀ ਸਹਿਯੋਗ ਨੂੰ ਵੀ ਉਤਸ਼ਾਹਿਤ ਕੀਤਾ, ਜਿਸ ’ਚ ਏਮਜ਼ ਕੰਸੋਰਟੀਅਮ ਫਾਰ ਤੰਬਾਕੂ ਮੁਕਤ ਭਾਰਤ, ਕੰਸੋਰਟੀਅਮ ਆਫ਼ ਮੈਡੀਕਲ ਕਾਲਜਜ਼ ਫਾਰ ਤੰਬਾਕੂ ਮੁਕਤ ਭਾਰਤ ਤੇ ਨੈਸ਼ਨਲ ਅਕੈਡਮੀ ਆਫ਼ ਮੈਡੀਕਲ ਸਾਇੰਸਜ਼ ਟਾਸਕ ਫੋਰਸ ਅਤੇ ਕਈ ਸਰਕਾਰੀ ਵਿਭਾਗਾਂ, ਅਕਾਦਮਿਕ ਸੰਸਥਾਵਾਂ ਅਤੇ ਸਿਵਲ ਸੋਸਾਇਟੀ ਸੰਗਠਨਾਂ ਸਮੇਤ ਪਹਿਲਕਦਮੀਆਂ ਲਈ ਇਕ ਤਕਨੀਕੀ ਸਰੋਤ ਭਾਈਵਾਲ ਵਜੋਂ ਸੇਵਾ ਨਿਭਾਈ। ਇਨ੍ਹਾਂ ਭਾਈਵਾਲੀ ਨੇ ਗਿਆਨ ਦੇ ਆਦਾਨ-ਪ੍ਰਦਾਨ, ਨਵੀਨਤਾ ਤੇ ਤੰਬਾਕੂ ਵਿਰੁੱਧ ਸਹਿਯੋਗੀ ਕਾਰਵਾਈ ਲਈ ਇਕ ਜੀਵੰਤ ਰਾਸ਼ਟਰੀ ਵਾਤਾਵਰਨ ਪ੍ਰਣਾਲੀ ਤਿਆਰ ਕੀਤੀ।
