ਪਿਛਲੇ ਇਕ ਹਫ਼ਤੇ ਤੋਂ ਫਾਹੇ ਨਾਲ ਲਟਕ ਰਹੀ ਲਾਸ਼ ਬਰਾਮਦ
ਖਰੜ, 4 ਸਤੰਬਰ (ਜੰਡਪੁਰੀ)-ਸਥਾਨਕ ਪੱਥਰਾਂ ਵਾਲੇ ਖੂਹ ਦੇ ਲਾਗਿਓਂ ਪੁਲਿਸ ਨੂੰ ਪਿਛਲੇ ਇਕ ਹਫ਼ਤੇ ਤੋਂ ਫਾਹੇ ਨਾਲ ਲਟਕ ਰਹੀ ਇਕ 40 ਸਾਲਾ ਵਿਅਕਤੀ ਦੀ ਲਾਸ਼ ਮਿਲੀ ਹੈ। ਮ੍ਰਿਤਕ ਦੀ ਪਛਾਣ ਅਸ਼ੋਕ ਕੁਮਾਰ ਵਜੋਂ ਹੋਈ ਹੈ।
ਖਰੜ, 4 ਸਤੰਬਰ (ਜੰਡਪੁਰੀ)-ਸਥਾਨਕ ਪੱਥਰਾਂ ਵਾਲੇ ਖੂਹ ਦੇ ਲਾਗਿਓਂ ਪੁਲਿਸ ਨੂੰ ਪਿਛਲੇ ਇਕ ਹਫ਼ਤੇ ਤੋਂ ਫਾਹੇ ਨਾਲ ਲਟਕ ਰਹੀ ਇਕ 40 ਸਾਲਾ ਵਿਅਕਤੀ ਦੀ ਲਾਸ਼ ਮਿਲੀ ਹੈ। ਮ੍ਰਿਤਕ ਦੀ ਪਛਾਣ ਅਸ਼ੋਕ ਕੁਮਾਰ ਵਜੋਂ ਹੋਈ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਜਦੋਂ ਉਕਤ ਵਿਅਕਤੀ ਦੀ ਫਾਹੇ ਨਾਲ ਲਟਕ ਰਹੀ ਲਾਸ਼ ਤੋਂ ਬਦਬੂ ਆਉਣੀ ਸ਼ੁਰੂ ਹੋਈ ਤਾਂ ਲੋਕਾਂ ਵਲੋਂ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ। ਹਾਸਿਲ ਜਾਣਕਾਰੀ ਅਨੁਸਾਰ ਮ੍ਰਿਤਕ ਦੇ ਪਰਿਵਾਰ ‘ਚ ਕੇਵਲ ਉਸ ਦੀ ਇਕ ਬਿਰਧ ਮਾਤਾ ਹੈ, ਜੋ ਕਿ ਅਕਸਰ ਬਿਮਾਰ ਰਹਿੰਦੀ ਹੈ। ਪੁਲਿਸ ਨੇ ਲਾਸ਼ ਜ਼ਬਤ ਕਰਨ ਉਪਰੰਤ ਸਿਵਲ ਹਸਪਤਾਲ ਦੀ ਮੋਰਚਰੀ ਵਿਖੇ ਰਖਵਾ ਦਿੱਤੀ ਹੈ। ਪੁਲਿਸ ਅਨੁਸਾਰ ਜਾਂਚ ਮੁਕੰਮਲ ਹੋਣ ਉਪਰੰਤ ਹੀ ਅਗਲੇਰੀ ਕਾਰਵਾਈ ਅਮਲ ‘ਚ ਲਿਆਂਦੀ ਜਾਵੇਗੀ।
