ਇਲਾਜ ਕਰਵਾਉਣ ਮੁਲਜ਼ਮ ਨਸ਼ੀਲੇ ਪਦਾਰਥ ਸਮੇਤ ਜੇਲ੍ਹ ਪਰਤਿਆ
ਚੰਡੀਗੜ੍ਹ, 5 ਅਕਤੂਬਰ (ਕਪਿਲ ਵਧਵਾ)- ਪੀ. ਜੀ.
ਚੰਡੀਗੜ੍ਹ, 5 ਅਕਤੂਬਰ (ਕਪਿਲ ਵਧਵਾ)- ਪੀ.ਜੀ.ਆਈ. ਤੋਂ ਇਲਾਜ ਕਰਵਾ ਕੇ ਮਾਡਲ ਜੇਲ੍ਹ ਸੈਕਟਰ-51 ਪਰਤੇ ਇਕ ਹਵਾਲਾਤੀ ਤੋਂ ਤਲਾਸ਼ੀ ਦੌਰਾਨ 6.20 ਗ੍ਰਾਮ ਅਫ਼ੀਮ ਵਰਗਾ ਨਸ਼ੀਲਾ ਪਦਾਰਥ ਅਤੇ 22.25 ਗ੍ਰਾਮ ਜ਼ਰਦਾ-ਚੂਨਾ ਵਰਗਾ ਪਦਾਰਥ ਬਰਾਮਦ ਹੋਇਆ ਹੈ। ਪੁਲਿਸ ਥਾਣਾ-49 ਨੇ ਮਾਡਲ ਜੇਲ੍ਹ ਦੇ ਵੈੱਲਫੇਅਰ ਅਫ਼ਸਰ ਤਾਰਾ ਚੰਦ ਦੀ ਸ਼ਿਕਾਇਤ ’ਤੇ ਮੁਲਜ਼ਮ ਬੰਟੀ ਵਾਸੀ ਮਨੀਮਾਜਰਾ ਖ਼ਿਲਾਫ਼ ਐੱਨ.ਡੀ.ਪੀ.ਐੱਸ. ਐਕਟ ਦੀ ਧਾਰਾ 18 ਤਹਿਤ ਐੱਫ. ਆਈ. ਆਰ. ਦਰਜ ਕਰਕੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਪੁਲਿਸ ਅਨੁਸਾਰ 31 ਸਾਲਾ ਬੰਟੀ ਪਹਿਲਾਂ ਹੀ ਇਕ ਮਾਮਲੇ ਵਿਚ ਹਵਾਲਾਤੀ ਹੈ ਅਤੇ ਚੰਡੀਗੜ੍ਹ ਪੁਲਿਸ ਦੀ ਸੁਰੱਖਿਆ ਹੇਠ ਇਲਾਜ ਲਈ ਪੀ.ਜੀ.ਆਈ ਗਿਆ ਸੀ। ਇਲਾਜ ਤੋਂ ਬਾਅਦ ਜਦੋਂ ਉਹ ਜੇਲ੍ਹ ਵਾਪਸ ਪਹੁੰਚਿਆ ਤਾਂ ਜੇਲ੍ਹ ਗੇਟ ’ਤੇ ਉਸ ਦੀ ਨਿੱਜੀ ਤਲਾਸ਼ੀ ਲਈ ਗਈ। ਇਸ ਦੌਰਾਨ ਉਸ ਦੇ ਅੰਡਰਵੀਅਰ ਵਿਚ ਲੁਕੋ ਕੇ ਰੱਖਿਆ ਕਾਲੇ ਰੰਗ ਦਾ ਪਾਊਚ ਬਰਾਮਦ ਹੋਇਆ। ਪਾਊਚ ਵਿਚੋਂ ਉਕਤ ਨਸ਼ੀਲੇ ਪਦਾਰਥ ਬਰਾਮਦ ਹੋਏ। ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
