ਖਰੜ ਸ਼ਹਿਰ ਦੀ ਹੱਦ ਅੰਦਰ ਖਰੜ - ਲਾਂਡਰਾਂ ਸੜਕ ’ ਤੇ ਰੋਜ਼ਾਨਾ ਲਗਦੇ ਜਾਮ ਤੋਂ ਮਾਰਕੀਟ ਦੇ ਦੁਕਾਨਦਾਰ ਤੇ ਸ਼ਹਿਰ ਨਿਵਾਸੀ ਪ੍ਰੇਸ਼ਾਨ ਬੇਤਰਤੀਬੇ ਵਾਹਨ ਖੜ੍ਹੇ ਕਰਨ ’ਤੇ ਵੀ ਟੈਫ਼ਿਕ ਪੁਲਿਸ ਨਹੀ ਕਰਦੀ ਕੋਈ ਕਾਰਵਾਈ

ਖਰੜ, 25 ਅਕਤੂਬਰ (ਗੁਰਮੁੱਖ ਸਿੰਘ ਮਾਨ)-ਖਰੜ-ਲਾਂਡਰਾਂ ਰੋਡ ’ਤੇ ਖਰੜ ਸ਼ਹਿਰ ਦੇ ਹੱਦ ਅੰਦਰ ਰੋਜ਼ਾਨਾ ਸ਼ਾਮੀ ਲਗਦੇ ਵੱਡੇ ਜਾਮ ਕਾਰਨ ਇਸ ਸੜਕ ਦੇ ਦੋਨੋ ਪਾਸੇ ਬਣੀਆਂ ਮਾਰਕੀਟਾਂ ਦੇ ਦੁਕਾਨਦਾਰ ਅਤੇ ਸ਼ਹਿਰ ਨਿਵਾਸੀ ਪ੍ਰੇਸ਼ਾਨ ਹਨ। ਉਥੇ ਸੜਕ ’ਤੇ ਕਈ ਥਾਵਾਂ ’ਤੇ ਵਾਹਨ ਚਾਲਕਾਂ ਵਲੋਂ ਆਪਣੇ ਵਾਹਨ ਬੇਤਰਤੀਬੇ ਖੜ੍ਹੇ ਕਰਕੇ ਮੱਛੀ ਦਾ ਸੇਵਨ ਕਰਨ ਤੋਂ ਇਲਾਵਾ ਖੁੱਲ੍ਹੇਆਮ ਕਥਿਤ ਤੌਰ ’ਤੇ ਸ਼ਰਾਬ ਦੇ ਜਾਮ ਵੀ ਲਗਾਏ ਜਾਂਦੇ ਹਨ ਪਰ ਆਬਕਾਰੀ ਤੇ ਕਰ ਵਿਭਾਗ ਤੇ ਪੁਲਿਸ ਪ੍ਰਸ਼ਾਸ਼ਨ ਬੇਖਬਰ ਹੈ।