ਪੀ . ਜੀ . ਆਈ. ਸੰਸਥਾ ਨੂੰ ‘ ਨਿਊਜ਼ਵੀਕ ’ ਨੇ ਵਿਸ਼ਵ ਦੇ ਸਭ ਤੋਂ ਵਧੀਆ ਵਿਸ਼ੇਸ਼ ਹਸਪਤਾਲਾਂ 2027 ਦੀ ਸੂਚੀ ਵਿਚ ਕੀਤਾ ਦਰਜ ਕਾਰਡੀਓਲੋਜੀ, ਐਂਡੋਕਰੀਨੋਲੋਜੀ, ਓਨਕੋਲੋਜੀ, ਪੀਡੀਆਟ੍ਰਿਕਸ ਅਤੇ ਪਲਮੋਨੋਲੋਜੀ ’ਚ ਦੁਨੀਆ ਦੇ ਮੋਹਰੀ ਵਿਸ਼ੇਸ਼ ਹਸਪਤਾਲਾਂ ’ਚੋਂ ਮਿਲੀ ਮਾਨਤਾ
ਚੰਡੀਗੜ੍ਹ, 26 ਅਕਤੂਬਰ (ਮਾਰਕੰਡਾ)- ਪੋਸਟ ਗ੍ਰੈਜੂਏਟ ਇੰਸਟੀਚਿਊਟ ਆਫ਼ ਮੈਡੀਕਲ ਐਜੂਕੇਸ਼ਨ ਐਂਡ ਰਿਸਰਚ ਚੰਡੀਗੜ੍ਹ ਨੂੰ ‘ਨਿਊਜ਼ਵੀਕ’ ਦੁਆਰਾ ‘ਵਿਸ਼ਵ ਦੀ ਸਭ ਤੋਂ ਵਧੀਆ ਵਿਸ਼ੇਸ਼ ਹਸਪਤਾਲਾਂ 2027’ ਦੀ ਸੂਚੀ ਵਿਚ ਰੱਖਿਆ ਗਿਆ ਹੈ। ਇਸ ਵਿਲੱਖਣ ਸਨਮਾਨ ’ਤੇ ਖੁਸ਼ੀ ਪ੍ਰਗਟ ਕਰਦੇ ਹੋਏ ਪੀ.
ਪ
ਪੀ.ਜੀ.ਆਈ ਚੰਡੀਗੜ੍ਹ ਦੇ ਬਾਹਰਲੇ ਗੇਟ ਦੀ ਤਸਵੀਰ।
27-10-2026
ਚੰਡੀਗੜ੍ਹ, 26 ਅਕਤੂਬਰ (ਮਾਰਕੰਡਾ)- ਪੋਸਟ ਗ੍ਰੈਜੂਏਟ ਇੰਸਟੀਚਿਊਟ ਆਫ਼ ਮੈਡੀਕਲ ਐਜੂਕੇਸ਼ਨ ਐਂਡ ਰਿਸਰਚ ਚੰਡੀਗੜ੍ਹ ਨੂੰ ‘ਨਿਊਜ਼ਵੀਕ’ ਦੁਆਰਾ ‘ਵਿਸ਼ਵ ਦੀ ਸਭ ਤੋਂ ਵਧੀਆ ਵਿਸ਼ੇਸ਼ ਹਸਪਤਾਲਾਂ 2027’ ਦੀ ਸੂਚੀ ਵਿਚ ਰੱਖਿਆ ਗਿਆ ਹੈ। ਇਸ ਵਿਲੱਖਣ ਸਨਮਾਨ ’ਤੇ ਖੁਸ਼ੀ ਪ੍ਰਗਟ ਕਰਦੇ ਹੋਏ ਪੀ.ਜੀ.ਆਈ ਦੇ ਡਾਇਰੈਕਟਰ ਪ੍ਰੋ. ਵਿਵੇਕ ਲਾਲ ਨੇ ਕਿਹਾ ਕਿ ਇਹ ਅੰਤਰਰਾਸ਼ਟਰੀ ਮਾਨਤਾ ਪੀ.ਜੀ.ਆਈ ਲਈ ਬਹੁਤ ਮਾਣ ਵਾਲੀ ਗੱਲ ਹੈ। ਉੱਚਤਮ ਮਿਆਰਾਂ ਦੀ ਵਿਸ਼ੇਸ਼ ਸਿਹਤ ਸੰਭਾਲ ਪ੍ਰਦਾਨ ਕਰਨ ਦੀ ਵਚਨਬੱਧਤਾ ਦੀ ਪੁਸ਼ਟੀ ਕਰਦੀ ਹੈ। ਇਹ ਫੈਕਲਟੀ, ਨਿਵਾਸੀਆਂ, ਨਰਸਿੰਗ ਪੇਸ਼ੇਵਰਾਂ, ਤਕਨੀਕੀ ਟੀਮਾਂ ਅਤੇ ਸਹਾਇਤਾ ਸਟਾਫ ਦੇ ਸਮੂਹਿਕ ਸਮਰਪਣ ਨੂੰ ਦਰਸਾਉਂਦਾ ਹੈ, ਜੋ ਕਲੀਨਿਕਲ ਮੁਹਾਰਤ ਨੂੰ ਹਮਦਰਦੀ ਅਤੇ ਮਰੀਜ਼-ਕੇਂਦ੍ਰਿਤ ਦੇਖਭਾਲ ਨਾਲ ਜੋੜਨ ਲਈ ਅਣਥੱਕ ਮਿਹਨਤ ਕਰਦੇ ਹਨ। ਇਹ ਮਾਨਤਾ ਦੇਸ਼ ਦੀ ਸਿਹਤ ਸੰਭਾਲ ਪ੍ਰਣਾਲੀ ਵਿਚ ਯੋਗਦਾਨ ਨੂੰ ਮਜ਼ਬੂਤ ਕਰਦੇ ਹੋਏ ਮਰੀਜ਼ਾਂ ਦੀ ਦੇਖਭਾਲ ਅਤੇ ਡਾਕਟਰੀ ਸਿੱਖਿਆ ਵਿਚ ਮਿਆਰ ਨੂੰ ਵਧਾਉਣ ਲਈ ਪ੍ਰੇਰਿਤ ਕਰਦੀ ਹੈ। ਇਸ ਮਾਨਤਾ ਨਾਲ ਪੀ.ਜੀ.ਆਈ ਪੰਜ ਵਿਸ਼ੇਸ਼ ਖੇਤਰਾਂ ਵਿਚ ਅੰਤਰਰਾਸ਼ਟਰੀ ਪੱਧਰ ’ਤੇ ਮੋਹਰੀ ਸਿਹਤ ਸੰਭਾਲ ਸੰਸਥਾਵਾਂ ਵਿਚ ਸ਼ਾਮਿਲ ਹੋ ਚੁੱਕੀ ਹੈ। ਜਿਨ੍ਹਾਂ ਵਿਚ ਕਾਰਡੀਓਲੋਜੀ, ਐਂਡੋਕਰੀਨੋਲੋਜੀ, ਓਨਕੋਲੋਜੀ, ਪੀਡੀਆਟ੍ਰਿਕਸ ਅਤੇ ਪਲਮੋਨੋਲੋਜੀ (ਫੇਫੜਿਆ ਅਤੇ ਸਾਹ ਦੀ ਨਾਲੀ ਦੇ ਰੋਗਾਂ ਦਾ ਵਿਗਿਆਨ) ਸ਼ਾਮਿਲ ਹਨ। ਨਿਊਜ਼ਵੀਕ ਵੈੱਬਸਾਈਟ ’ਤੇ ਪ੍ਰਕਾਸ਼ਿਤ ਇਹ ਰੈਂਕਿੰਗ, ਮੈਗਜ਼ੀਨ ਦੇ ਨਾਲ ਪ੍ਰਿੰਟ ਐਡੀਸ਼ਨ ਵਿਚ ਵੀ ਸ਼ਾਮਿਲ ਹੈ। ਦੱਸਣਯੋਗ ਹੈ ਕਿ 1962 ਵਿਚ ਸਥਾਪਿਤ ਪੀ.ਜੀ.ਆਈ ਚੰਡੀਗੜ੍ਹ, ਭਾਰਤ ਵਿਚ ਇੱਕ ਪ੍ਰਮੁੱਖ ਡਾਕਟਰੀ ਸਿੱਖਿਆ, ਖੋਜ ਅਤੇ ਤੀਜੇ ਦਰਜੇ ਦੀ ਦੇਖਭਾਲ ਸੰਸਥਾ ਹੈ। ਇਹ ਸੰਸਥਾ ਮਰੀਜ਼ਾਂ ਦੀ ਦੇਖਭਾਲ, ਡਾਕਟਰੀ ਸਿੱਖਿਆ ਅਤੇ ਬਾਇਓਮੈਡੀਕਲ ਖੋਜ ਵਿਚ ਉੱਤਮਤਾ ਲਈ ਵਚਨਬੱਧ ਹੈ, ਜੋ ਕਿ ਉੱਤਮਤਾ, ਹਮਦਰਦੀ ਅਤੇ ਸਮਾਨਤਾ ਦੇ ਸਥਾਈ ਸਿਧਾਂਤਾਂ ਨੂੰ ਧਿਆਨ ਵਿਚ ਰੱਖ ਦੇ ਚੱਲਦੀ ਹੈ।
