ਦਸਮੇਸ਼ ਸਕੂਲ ਸਰਦੂਲਗੜ੍ਹ ਦੇ ਜੂਡੋ ਖਿਡਾਰੀਆਂ ਨੇ ਜ਼ੋਨ ਪੱਧਰੀ ਮੁਕਾਬਲਿਆਂ ’ਚੋਂ 78 ਤਗਮੇ ਜਿੱਤੇ
ਸਰਦੂਲਗੜ੍ਹ, 17 ਅਗਸਤ (ਜੀ. ਐਮ.
ਸਰਦੂਲਗੜ੍ਹ, 17 ਅਗਸਤ (ਜੀ.ਐਮ.ਅਰੋੜਾ)- ਕੈਪਟਨ ਸੁਰਜੀਤ ਸਿੰਘ ਵੈੱਲਫੇਅਰ ਸੁਸਾਇਟੀ ਅਧੀਨ ਚੱਲ ਰਹੇ ਦਸਮੇਸ਼ ਕਾਨਵੈਂਟ ਸਕੂਲ ਸਰਦੂਲਗੜ੍ਹ ਅਤੇ ਦਸਮੇਸ਼ ਇੰਟਰਨੈਸ਼ਨਲ ਸਕੂਲ ਸਰਦੂਲਗੜ੍ਹ ਦੇ ਜੂਡੋ ਖਿਡਾਰੀਆਂ ਨੇ ਕੁੱਲ 78 ਤਗਮੇ ਜਿੱਤੇ। ਕੋਚ ਜੀਵਨਜੋਤ ਦੀ ਅਗਵਾਈ ਵਿਚ ਖਿਡਾਰੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ 4 0 ਸੋਨ, 29 ਚਾਂਦੀ ਅਤੇ 9 ਕਾਂਸੇ ਕੁੱਲ 78 ਤਗਮੇ ਜਿੱਤੇ। ਅੰਡਰ-14 ਦੀਆਂ 5 ਲੜਕੀਆਂ ਅਤੇ 6 ਲੜਕਿਆਂ ਨੇ ਸੋਨ ਤਗਮੇ ਜਿੱਤੇ। ਅੰਡਰ-17 ਦੀਆਂ 8 ਲੜਕੀਆਂ ਅਤੇ 6 ਲੜਕਿਆਂ ਨੇ ਸੋਨ ਤਗਮੇ ਜਿੱਤੇ। ਅੰਡਰ-19 ਦੀਆਂ 8 ਲੜਕੀਆਂ ਅਤੇ 7 ਲੜਕਿਆਂ ਨੇ ਸੋਨ ਤਗਮੇ ਜਿੱਤੇ। ਇਸੇ ਤਰ੍ਹਾਂ ਅੰਡਰ-14 ਦੀਆਂ 6 ਲੜਕੀਆਂ ਅਤੇ 6 ਲੜਕਿਆਂ ਨੇ ਚਾਂਦੀ ਤਗਮੇ ਜਿੱਤੇ। ਅੰਡਰ-17 ਦੀਆਂ 6 ਲੜਕੀਆਂ ਅਤੇ 5 ਲੜਕਿਆਂ ਨੇ ਚਾਂਦੀ ਤਗਮੇ ਜਿੱਤੇ। ਅੰਡਰ-19 ਦੀਆਂ 3 ਲੜਕੀਆਂ ਅਤੇ 3 ਲੜਕਿਆਂ ਨੇ ਚਾਂਦੀ ਤਗਮੇ ਜਿੱਤੇ ਅਤੇ ਅਲੱਗ–ਅਲੱਗ ਵਰਗਾਂ ’ਚ ਲੜਕੇ ਅਤੇ ਲੜਕੀਆਂ ਨੇ 9 ਕਾਂਸੇ ਤਗਮੇ ਜਿੱਤੇ। ਪ੍ਰਿੰਸੀਪਲ ਭੁਪਿੰਦਰ ਸਿੰਘ ਸੰਧੂ, ਬਲਜਿੰਦਰ ਸਿੰਘ, ਡੀ. ਪੀ. ਈ. ਮਨਦੀਪ ਸਿੰਘ, ਗੁਰਜੀਤ ਸਿੰਘ, ਗੁਰਸੇਵਕ ਸਿੰਘ, ਅਮਨਦੀਪ ਸਿੰਘ, ਰਮਨਦੀਪ ਸਿੰਘ ਨੇ ਜੇਤੂਆਂ ਨੂੰ ਵਧਾਈ ਦਿੱਤੀ।
