22-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 06-01-2026

ਪੁਲਿਸ ਮੁਲਾਜ਼ਮ ਜਸਵੰਤ ਸਿੰਘ ਅਵਾਨਕੋਟ ਨੂੰ ਅੰਤਿਮ ਵਿਦਾਇਗੀ

Ad Position 21
No active advertisement
ਅਜੀਤ ਡੈਸਕ 06-01-2026
ਭਰਤਗੜ੍ਹ, 5 ਜਨਵਰੀ (ਜਸਬੀਰ ਸਿੰਘ ਬਾਵਾ)-ਥਾਣਾ ਨੂਰਪੁਰ ਬੇਦੀ 'ਚ ਪੁਲਿਸ ਮੁਲਾਜ਼ਮ ਵਜੋਂ ਤਾਇਨਾਤ ਜਸਵੰਤ ਸਿੰਘ ਅਵਾਨਕੋਟ, ਦੇਰ ਰਾਤ ਸੜਕ ਹਾਦਸੇ ਦੌਰਾਨ ਸਮੂਹ ਪਰਿਵਾਰ ਨੂੰ ਸਦੀਵੀ ਵਿਛੋੜਾ ਦੇ ਗਿਆ ਸੀ, ਦੀ ਮਿ੍ਤਕ ਦੇਹ ਨੂੰ ਪਰਿਵਾਰਕ ਜੀਆਂ, ਪੁਲਿਸ ਮੁਲਾਜ਼ਮਾਂ, ਮੁਹਤਬਰਾਂ ਅਤੇ ਸਿਆਸੀ ਨੇਤਾਵਾਂ ਨੇ ਹੰਝੂਆਂ ਭਰੀ ਅੰਤਿਮ ਵਿਦਾਇਗੀ ਦਿੱਤੀ | ਜਸਵੰਤ ਸਿੰਘ ਸੰਤ ਆਪਣੇ ਪਿੱਛੇ ਪਤਨੀ ਰਣਜੀਤ ਕੌਰ, ਧੀਆਂ ਸੁਖਮਨਪ੍ਰੀਤ ਕੌਰ, ਸਾਹਿਬ ਕੌਰ, ਪਿਤਾ ਦਰਸ਼ਨ ਸਿੰਘ ਧਾਰਨੀ ਅਤੇ ਮਾਤਾ ਕਰਮ ਕੌਰ ਸਮੇਤ ਭੈਣ-ਭਰਾਵਾਂ ਨੂੰ ਛੱਡ ਗਿਆ ਹੈ, ਇਹ 2011 'ਚ ਪੁਲਿਸ ਵਿਭਾਗ 'ਚ ਸਿਪਾਹੀ ਵਜੋਂ ਭਰਤੀ ਹੋਇਆ ਸੀ, ਉਕਤ ਥਾਣੇ 'ਚ ਪਹਿਲਾਂ ਦੋ ਵਰ੍ਹੇ, ਫੇਰ ਵਿਭਾਗ ਵਲੋਂ ਕਮਾਂਡੋ ਸਿਖਲਾਈ ਪੂਰੀ ਕਰਨ ਮਗਰੋਂ ਪਿਛਲੇ ਵਰ੍ਹੇ ਤੋਂ ਨਿਰੰਤਰ ਸੇਵਾਵਾਂ ਦੇ ਰਿਹਾ ਸੀ | ਅੱਜ ਇਸ ਦੀ ਮਿ੍ਤਕ ਦੇਹ ਜੱਦੀ ਘਰ ਲਿਆਕੇ ਸਤਲੁਜ ਦਰਿਆ ਸਥਿੱਤ ਸ਼ਮਸ਼ਾਨਘਾਟ 'ਤੇ ਪੁਜਾਉਣ ਮਗਰੋਂ ਸ੍ਰੀ ਅਨੰਦਪੁਰ ਸਾਹਿਬ ਦੇ ਉਪ ਪੁਲਿਸ ਕਪਤਾਨ ਜਸ਼ਨਦੀਪ ਸਿੰਘ ਮਾਨ, ਥਾਣਾ ਨੂਰਪੁਰ ਬੇਦੀ ਦੇ ਐਸ. ਐਚ. ਓ. ਰੋਹਿਤ ਸ਼ਰਮਾ, ਥਾਣਾ ਸ੍ਰੀ ਕੀਰਤਪੁਰ ਸਾਹਿਬ ਦੇ ਐੱਸ.ਐੱਚ.ਓ. ਜਤਿਨ ਕਪੂਰ, ਪੁਲਿਸ ਚੌਕੀ ਭਰਤਗੜ੍ਹ ਦੇ ਇੰਚਾਰਜ ਸੁਖਵਿੰਦਰ ਸਿੰਘ, ਆਵਾਜਾਈ ਪੁਲਿਸ ਰੂਪਨਗਰ ਦੇ ਇੰਚਾਰਜ ਸਰਬਜੀਤ ਸਿੰਘ ਕੁੱਲਗਰਾਂ, ਏ. ਐਸ. ਆਈ. ਮਲਕੀਅਤ ਸਿੰਘ ਗਿੱਲ ਨੇ ਰੀਥ ਚੜ੍ਹਾ ਕੇ ਅੰਤਿਮ ਸਲਾਮੀ ਭੇਂਟ ਕੀਤੀ, ਪੰਜਾਬ ਪੁਲਿਸ ਦੀ ਟੁਕੜੀ ਨੇ ਸੋਗਮਈ ਧੁਨਾਂ ਮਗਰੋਂ ਸਰਕਾਰੀ ਸਨਮਾਨਾਂ ਨਾਲ ਸਲਾਮੀ ਦਿੱਤੀ | ਇਸ ਮਗਰੋਂ ਮਿ੍ਤਕ ਦੇਹ ਦਾ ਅੰਤਿਮ ਸੰਸਕਾਰ ਕਰ ਦਿੱਤਾ ਗਿਆ | ਚਿਤਾ ਨੂੰ ਅਗਨੀ ਉਸਦੇ ਭਰਾਵਾਂ ਅਮਰੀਕ ਸਿੰਘ, ਮਨਦੀਪ ਸਿੰਘ, ਅਮਰਜੀਤ ਸਿੰਘ, ਰਣਜੀਤ ਸਿੰਘ ਆਦਿ ਨੇ ਦਿੱਤੀ |
ਇਸ ਦੀਆਂ ਅੰਤਿਮ ਰਸਮਾਂ ਮੌਕੇ ਇੰ. ਗੁਰਵਿੰਦਰ ਸਿੰਘ ਢਿੱਲੋਂ, ਜਸਵਿੰਦਰ ਸਿੰਘ ਸਹੋਤਾ, ਸਰਪੰਚ ਸਰੋਜ ਰਾਣੀ, ਸਾਬਕਾ ਵਿਧਾਇਕ ਅਮਰਜੀਤ ਸਿੰਘ ਸੰਦੋਆ, ਸਾ. ਸਰਪੰਚ ਗੁਰਚਰਨ ਸਿੰਘ, ਬਲਵਿੰਦਰ ਸਿੰਘ, ਪਿ੍ਤਪਾਲ ਸਿੰਘ ਆਸਪੁਰ, ਚੌਧਰੀ ਸੁੱਚਾ ਸਿੰਘ ਆਲੋਵਾਲ, ਜੈਲਦਾਰ ਗੁਰਜੀਵਨ ਸਿੰਘ, ਜਤਿੰਦਰ ਅਵਾਨਕੋਟ, ਸਤਿੰਦਰਪਾਲ ਸਿੰਘ ਸੈਣੀ, ਮਨਿੰਦਰ ਸਿੰਘ ਖੇਪੜ, ਭਜਨ ਸਿੰਘ ਧਮੜੈਤ, ਲਖਵੀਰ ਸਿੰਘ ਆਲੋਵਾਲ, ਏ. ਐਸ. ਆਈ. ਬਹਾਦਰ ਸਿੰਘ ਆਦਿ ਹਾਜ਼ਰ ਸਨ |
Ad Position 22
No active advertisement
ਪਿਛਲੀ ਖ਼ਬਰ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦਾ ਪ੍ਰਕਾਸ਼ ਪੁਰਬ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ ਅਗਲੀ ਖ਼ਬਰ ਕੌਂਸਲ ਆਫ਼ ਡਿਪਲੋਮਾ ਇੰਜੀਨੀਅਰਜ਼ ਵਲੋਂ ਧਾਲੀਵਾਲ ਦਾ ਸੇਵਾ-ਮੁਕਤੀ 'ਤੇ ਸਨਮਾਨ
Ad Position 24