ਰੂਪਨਗਰ

ਅਮਰਾਵਤੀ ਕਿ੍ਕਟ ਅਕੈਡਮੀ ਨੇ ਇਕ ਵਿਕਟ ਨਾਲ ਜਿੱਤਿਆ ਲਾਲਾ ਅਮਰਨਾਥ ਅਗਰਵਾਲ ਟੂਰਨਾਮੈਂਟ <br/>

ਛੇਵਾਂ ਲਾਲਾ ਅਮਰਨਾਥ ਅਗਰਵਾਲ ਕਿ੍ਕਟ ਟੂਰਨਾਮੈਂਟ ਜਿੱਤਣ ਵਾਲੀ ਅਮਰਾਵਤੀ ਕਿ੍ਕਟ ਅਕੈਡਮੀ ਦੀ ਟੀਮ ਨੂੰ ਜੇਤੂ ਟਰਾਫ਼ੀ ਅਤੇ ਨਕਦ ਰਾਸ਼ੀ ਨਾਲ ਸਨਮਾਨਿਤ ਕਰਦੇ ਹੋਏ ਮਹਿਮਾਨ ਤੇ ਪ੍ਰਬੰਧਕ | ਤਸਵੀਰ : ਕਪਿਲ <br/> 06-04-2026

ਪੰਚਕੂਲਾ, 5 ਅਪ੍ਰੈਲ (ਕਪਿਲ)-ਪੰਚਕੂਲਾ ਦੀ ਅਮਰਾਵਤੀ ਕਿ੍ਕਟ ਅਕੈਡਮੀ ਦੀ ਟੀਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਕੁਰੂਕਸ਼ੇਤਰ ਕਿ੍ਕਟ ਅਕੈਡਮੀ ਦੀ ਟੀਮ ਨੂੰ ਰੌਮਾਂਚਕ ਮੁਕਾਬਲੇ ਦੌਰਾਨ 1 ਵਿਕਟ ਨਾਲ ਹਰਾ ਕੇ ਛੇਵਾਂ ਲਾਲਾ ਅਮਰਨਾਥ ਅਗਰਵਾਲ ਕਿ੍ਕਟ ਟੂਰਨਾਮੈਂਟ ਜਿੱਤ ਲਿਆ | ਇਸ ਟੂਰਨਾਮੈਂਟ ਦਾ ਫਾਈਨਲ ਮੈਚ ਤਾਊ ਦੇਵੀ ਲਾਲ ਕਿ੍ਕਟ ਸਟੇਡੀਅਮ ਵਿਖੇ ਖੇਡਿਆ ਗਿਆ | ਇਸ ਮੌਕੇ ਟੂਰਨਾਮੈਂਟ ਆਪਣੇ ਨਾਂਅ ਕਰਨ ਵਾਲੀ ਅਮਰਾਵਤੀ ਕਿ੍ਕਟ ਅਕੈਡਮੀ ਦੀ ਟੀਮ ਨੂੰ 31 ਹਜ਼ਾਰ ਰੁ. ਦੇ ਨਕਦ ਇਨਾਮ ਅਤੇ ਟਰਾਫ਼ੀ ਨਾਲ ਨਿਵਾਜਿਆ ਗਿਆ, ਜਦਕਿ ਉਪ-ਜੇਤੂ ਰਹੀ ਕੁਰੂਕਸ਼ੇਤਰ ਕਿ੍ਕਟ ਅਕੈਡਮੀ ਦੀ ਟੀਮ ਨੂੰ 21 ਹਜ਼ਾਰ ਰੁ. ਅਤੇ ਟਰਾਫ਼ੀ ਨਾਲ ਸਨਮਾਨਿਤ ਕੀਤਾ ਗਿਆ | ਇਨਾਮ ਵੰਡ ਸਮਾਰੋਹ 'ਚ ਕਾਲਕਾ ਦੀ ਵਿਧਾਇਕਾ ਸ਼ਕਤੀ ਰਾਣੀ ਸ਼ਰਮਾ, ਜ਼ਿਲ੍ਹਾ ਭਾਜਪਾ ਪ੍ਰਧਾਨ ਅਜੇ ਮਿੱਤਲ ਅਤੇ ਮੁੱਖ ਮੰਤਰੀ ਦੇ ਮੀਡੀਆ ਸਕੱਤਰ ਪ੍ਰਵੀਨ ਅਤਰੇ ਨੇ ਉਚੇਚੇ ਤੌਰ 'ਤੇ ਹਾਜ਼ਰੀ ਭਰਦਿਆਂ ਖਿਡਾਰੀਆਂ ਦੀ ਹੌਸਲਾ ਅਫ਼ਜਾਈ ਕੀਤੀ | ਟੂਰਨਾਮੈਂਟ ਦੌਰਾਨ ਆਦਿਤਿਆ ਸਿੰਗਲਾ ਨੂੰ ਸਰਵੋਤਮ ਗੇਂਦਬਾਜ਼, ਆਰਵ ਨੂੰ ਸਰਵੋਤਮ ਫੀਲਡਰ, ਅਸ਼ਵਿਨ ਲੋਹਾਨ ਨੂੰ ਸਰਵੋਤਮ ਵਿਕਟ-ਕੀਪਰ ਅਤੇ ਇਕਮਦੀਪ ਸਿੰਘ ਨੂੰ ਸਰਵੋਤਮ ਬੱਲੇਬਾਜ਼ ਦਾ ਖ਼ਿਤਾਬ ਦਿੱਤਾ ਗਿਆ, ਜਦਕਿ ਸੁਪ੍ਰੀਤ ਯਾਦਵ ਨੂੰ ਸਰਵੋਤਮ ਆਲਰਾਊਾਡਰ ਅਤੇ ਟੂਰਨਾਮੈਂਟ ਦਾ ਸਰਵੋਤਮ ਖਿਡਾਰੀ ਚੁਣਿਆ ਗਿਆ | ਇਸ ਤੋਂ ਇਲਾਵਾ ਫਾਈਨਲ ਮੈਚ ਦੌਰਾਨ ਮੈਨ ਆਫ਼ ਦਾ ਮੈਚ ਦਾ ਖ਼ਿਤਾਬ ਕਨਿਸ਼ਕ ਗੋਯਤ ਦੇ ਹਿੱਸੇ ਆਇਆ | ਅੰਤ 'ਚ ਵਿਧਾਇਕਾ ਸ਼ਕਤੀ ਰਾਣੀ ਸ਼ਰਮਾ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਟੂਰਨਾਮੈਂਟ ਨੌਜਵਾਨਾਂ ਨੂੰ ਆਪਣੀ ਪ੍ਰਤਿਭਾ ਦਿਖਾਉਣ ਦਾ ਢੁਕਵਾਂ ਮੰਚ ਪ੍ਰਦਾਨ ਕਰਦੇ ਹਨ, ਜਦਕਿ ਹਰਿਆਣਾ ਸਪੋਰਟਸ ਵੈੱਲਫ਼ੇਅਰ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਅਮਰਜੀਤ ਕੁਮਾਰ ਨੇ ਕਿਹਾ ਕਿ ਇਸ ਟੂਰਨਾਮੈਂਟ ਦਾ ਮੁੱਖ ਉਦੇਸ਼ ਜੂਨੀਅਰ ਕਿ੍ਕਟਰਾਂ ਨੂੰ ਤਿਆਰ ਕਰਨਾ ਅਤੇ ਉਨ੍ਹਾਂ ਨੂੰ ਆਪਣੀ ਪ੍ਰਤਿਭਾ ਨੂੰ ਨਿਖਾਰਨ ਲਈ ਪਲੇਟਫਾਰਮ ਪ੍ਰਦਾਨ ਕਰਨਾ ਸੀ |