ਨੂਰਪੁਰ ਬੇਦੀ, 10 ਅਪ੍ਰੈਲ (ਵਿੰਦਰਪਾਲ ਝਾਂਡੀਆਂ)- ਸ੍ਰੀ ਸਤਿਗੁਰੂ ਬ੍ਰਹਮ ਸਾਗਰ ਮਹਾਰਾਜ ਭੂਰੀਵਾਲੇ ਗੁਰਗੱਦੀ ਪ੍ਰਪੰਰਾ (ਗਰੀਬਦਾਸੀਯ ਸੰਪਰਦਾਇ) ਦੇ ਸ੍ਰੀ ਬ੍ਰਹਮ ਨਿਵਾਸ ਆਸ਼ਰਮ ਪਿੰਡ ਟਿੱਬਾ ਨੰਗਲ ਵਿਖੇ ਸਰਬ ਸੰਗਤ ਵਲੋਂ ਭੂਰੀਵਾਲੇ ਗੁਰਗੱਦੀ ਪ੍ਰੰਪਰਾ ਦੇ ਮੌਜੂਦਾ ਗੱਦੀਨਸ਼ੀਨ ਸ੍ਰੀ ਸਤਿਗੁਰ ਵੇਦਾਂਤ ਅਚਾਰੀਆਂ ਸਵਾਮੀ ਚੇਤਨਾ ਨੰਦ ਮਹਾਰਾਜ ਭੂਰੀਵਾਲਿਆ ਦੀ ਸਰਪ੍ਰਸਤੀ ਹੇਠ ਕਰਵਾਇਆ ਗਿਆ ਸਲਾਨਾ ਤਿੰਨ ਰੋਜ਼ਾ ਸੰਤ ਸਮਾਗਮ ਸ਼ਰਧਾਪੂਰਵਕ ਸਮਾਪਤ ਹੋ ਗਿਆ | ਇਸ ਮੌਕੇ ਤੇ ਵੇਦਾਂਤ ਅਚਾਰੀਆਂ ਸਵਾਮੀ ਚੇਤਨਾ ਨੰਦ ਮਹਾਰਾਜ ਭੂਰੀਵਾਲਿਆ ਨੇ ਜਗਤ ਗੁਰੂ ਅਚਾਰੀਆਂ ਬਾਬਾ ਗਰੀਬ ਦਾਸ ਜੀ ਦੀ ਰਚਿਤ ਅੰਮਿ੍ਤਮਈ ਬਾਣੀ ਦੇ ਅਖੰਡ ਪਾਠ ਦੇ ਭੋਗ ਪਾਉਣ ਉਪਰੰਤ ਵੱਡੀ ਤਾਦਾਦ 'ਚ ਜੁੜੀਆਂ ਸੰਗਤਾਂ ਦੇ ਸਨਮੁੱਖ ਹੁੰਦਿਆਂ ਸਤਿਸੰਗ ਉਪਦੇਸ਼ ਦਿੰਦਿਆਂ ਕਿਹਾ ਕਿ ਜਿਸ ਜੀਵ ਦੇ ਜੀਵਨ 'ਚ ਸੁੱਖ, ਮਨ 'ਚ ਸ਼ਾਂਤੀ ਅਥਵਾ ਸੰਤੁਸ਼ਟੀ ਹੈ, ਉਹ ਹੀ ਜੀਵ ਸਭ ਤੋਂ ਵੱਡਾ ਧੰਨਵਾਨ ਹੈ | ਅਚਾਰੀਆ ਜੀ ਨੇ ਕਿਹਾ ਕਿ ਉਸ ਦਾ ਜੀਵਨ ਵੀ ਸੁਖਮਈ ਬਣੇਗਾ, ਪਰ ਗ੍ਰਹਿਸਤੀ ਜੀਵ ਜਿਨ੍ਹਾਂ ਦੁਨਿਆਵੀ ਪਦਾਰਥਾਂ ਵਿਚ ਸੁੱਖ ਭਾਲਦਾ ਹੈ, ਉਹ ਸਥਾਈ ਸੁੱਖ ਨਹੀਂ ਹੈਂ | ਇਸ ਮੌਕੇ ਸਾਬਕਾ ਸਰਪੰਚ ਸੁਰਿੰਦਰ ਕੁਮਾਰ ਚੇਚੀ ਟਿੱਬਾ ਨੰਗਲ, ਸੁਰਿੰਦਰ ਪਾਲ ਸ਼ਿੰਦੀ, ਕੈਪਟਨ ਗੁਰਚਰਨ ਦਾਸ, ਪ੍ਰੇਮ ਚੰਦ ਚੇਚੀ, ਦੀਵਾਨ ਚੰਦ, ਰਮੇਸ਼ ਲਾਲ, ਬਲਵਿੰਦਰ ਪਾਲ ਬਿੱਲਾ ਪੰਜਾਬ ਪੁਲਿਸ, ਮਾਸਟਰ ਬਖਸੀਸ਼ ਚੰਦ, ਇੰਸਪੈਕਟਰ ਮਦਨ ਲਾਲ, ਰਾਮ ਸ਼ਾਹ, ਕੈਪਟਨ ਰਜਿੰਦਰ ਕੁਮਾਰ, ਚੰਦਰ ਕੁਮਾਰ , ਰੋਸ਼ਨ ਲਾਲ ਧੰਮੀ, ਦਰਸ਼ਨ ਖੇਪੜ, ਅਮਰਜੀਤ ਭੂੰਬਲਾਂ ਰਮੇਸ਼ ਫੌਜੀ, ਰਮਨ ਖੇਪੜ, ਹਰਮੇਸ਼ ਭੂੰਬਲਾਂ ਆਦਿ ਹਾਜ਼ਰ ਸਨ |
