ਮੋਰਿੰਡਾ, 15 ਅਪ੍ਰੈਲ (ਤਰਲੋਚਨ ਸਿੰਘ ਕੰਗ)-ਬੀਤੀ ਰਾਤ ਰਾਮਬਾਗ ਰੋਡ ਮੋਰਿੰਡਾ 'ਤੇ ਰਣਜੀਤ ਸਿੰਘ ਪੁੱਤਰ ਮਹਿੰਦਰ ਸਿੰਘ ਦੇ ਘਰ ਦੀ ਕੰਧ ਢਾਹ ਕੇ ਚੋਰਾਂ ਨੇ ਉਸਦੀਆਂ ਤਿੰਨ ਮੱਝਾਂ ਚੋਰੀ ਕਰ ਲਈਆਂ | ਸੀ.ਸੀ.ਟੀ.ਵੀ. ਕੈਮਰਿਆਂ ਨੂੰ ਵੇਖਣ ਉਪਰੰਤ ਪਤਾ ਲੱਗਿਆ ਹੈ, ਕਿ ਇਹ ਚੋਰੀ ਚੋਰਾਂ ਨੇ ਲਗਭਗ ਰਾਤ ਦੇ 2 ਵਜੇ ਦੇ ਕਰੀਬ ਕੀਤੀ ਹੈ | ਰਣਜੀਤ ਸਿੰਘ ਦਾ ਕਹਿਣਾ ਹੈ ਕਿ ਉਸਦੀਆਂ ਮੱਝਾਂ ਦੀ ਕੀਮਤ ਲਗਭਗ ਤਿੰਨ ਲੱਖ ਦੇ ਕਰੀਬ ਸੀ | ਚੋਰਾਂ ਨੇ ਮੂੰਹ ਬੰਨ੍ਹੇ ਹੋਏ ਸਨ ਅਤੇ ਬਲੈਰੋ ਗੱਡੀ ਵਿਚ ਮੱਝਾਂ ਲੱਦ ਕੇ ਲੈ ਗਏ | ਕੈਮਰੇ ਵਿਚ ਗੱਡੀ ਦਾ ਨੰਬਰ ਵੀ ਨਹੀਂ ਆਇਆ | ਰਣਜੀਤ ਸਿੰਘ ਨੇ ਮੋਰਿੰਡਾ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਹੈ |
