ਨੂਰਪੁਰ ਬੇਦੀ, 25 ਮਈ (ਰਾਜੇਸ਼ ਚÏਧਰੀ ਤਖਤਗੜ)- ਸਥਾਨਕ ਪੁਲਿਸ ਨੂੰ ਪਿੰਡ ਬਜਰੂੜ ਲਾਗਿਓਾ ਸਤਲੁਜ ਦਰਿਆ ਵਿੱਚੋਂ ਨਾ ਮਾਲੂਮ ਵਿਅਕਤੀ ਦੀ ਲਾਸ਼ ਬਰਾਮਦ ਹੋਈ ਹੈ | ਪੁਲਿਸ ਚੌਕੀ ਹਰੀਪੁਰ ਦੇ ਇੰਚਾਰਜ ਏ.ਐਸ.ਆਈ. ਕਮਲ ਕਿਸ਼ੋਰ ਨੇ ਦੱਸਿਆ ਕਿ ਉਨਾਂ ਨੂੰ ਸੂਚਨਾ ਮਿਲੀ ਸੀ ਕਿ ਬਜਰੂੜ ਲਾਗੇ ਸਤਲੁਜ ਵਿੱਚ ਇੱਕ ਅਣਪਛਾਤੇ ਵਿਅਕਤੀ ਦੀ ਲਾਸ਼ ਤੈਰ ਰਹੀ ਹੈ ਜਿਸ 'ਤੇ ਉਨਾਂ ਲਾਸ਼ ਨੂੰ ਦਰਿਆ 'ਚੋਂ ਬਾਹਰ ਕਢਵਾ ਕੇ 72 ਘੰਟਿਆਂ ਲਈ ਸ਼ਨਾਖਤ ਲਈ ਮੋਰਚਰੀ ਘਰ ਸਿਵਲ ਹਸਪਤਾਲ ਰੂਪਨਗਰ ਵਿਖੇ ਰਖਵਾਈ ਗਈ ਹੈ | ਉਨਾਂ ਦੱਸਿਆ ਕਿ ਮਿ੍ਤਕ ਦੀ ਉਮਰ 60 ਸਾਲ, ਕੱਦ ਕਰੀਬ 5 ਫੁੱਟ 8 ਇੰਚ, ਰੰਗ ਸਾਵਲਾ ਅੱਧਾ ਸਿਰ ਗੰਜਾ, ਵਾਲ ਸਫੈਦ, ਚਿੱਟੇ ਰੰਗ ਦਾ ਕੁੜਤਾ ਪਜਾਮਾ ਪਾਇਆ ਹੋਇਆ ਹੈ |
