ਮੁੱਲਾਂਪੁਰ ਗਰੀਬਦਾਸ, 30 ਮਈ (ਖੈਰਪੁਰ)- ਲੋਕ ਤੱਥਾਂ, ਕਿੱਸਿਆਂ ਤੇ ਛੰਦਾਂ ਨਾਲ ਰੰਗਿਆ ਲੋਕ-ਰੰਗ ਪੁਆਧੀ ਅਖਾੜਾ ਮੁੜ ਤੋਂ ਪੁਆਧ ਦੇ ਚੰਡੀਗੜ੍ਹ ਨੇੜਲੇ ਪਿੰਡਾਂ 'ਚ ਪ੍ਰਫੁੱਲਿਤ ਹੋ ਰਿਹਾ ਹੈ | ਪੁਆਧੀ ਅਖਾੜੇ ਦੇ ਸ਼ੌਕੀਨ ਬਜ਼ੁਰਗ ਹਰ ਸਾਲ ਪਿੰਡ ਪੱਧਰ 'ਤੇ ਉਪਰਾਲਾ ਕਰਕੇ ਪੁਆਧੀ ਕਲਾਕਾਰਾਂ ਨੂੰ ਸੱਦਦੇ ਹਨ | ਇਸੇ ਲੜੀ ਤਹਿਤ ਮੁੱਲਾਂਪੁਰ ਗਰੀਬਦਾਸ ਵਿਖੇ ਇਲਾਕੇ ਦੇ ਵਸਨੀਕਾਂ ਦੇ ਸਹਿਯੋਗ ਨਾਲ ਹਰ ਸਾਲ ਦੀ ਤਰ੍ਹਾਂ ਪੁਆਧੀ ਅਖਾੜਾ 31 ਮਈ ਨੂੰ 12 ਵਜੇ ਤੋਂ ਲੈ ਕੇ ਦੇਰ ਸ਼ਾਮ ਤੱਕ ਲਗਾਇਆ ਜਾਵੇਗਾ, ਜਿਸ ਦੌਰਾਨ ਭਗਤ ਸਮਰ ਸਿੰਘ ਸੰਮੀ ਦਾ ਜਥਾ ਲੋਕ-ਤੱਥਾਂ ਤੇ ਕਿੱਸਿਆਂ ਰਾਹੀਂ ਹਾਜ਼ਰੀਨਾਂ ਦਾ ਮਨੋਰੰਜਨ ਕਰੇਗਾ | ਪ੍ਰਬੰਧਕ ਅਮਰੀਕ ਸਿੰਘ, ਜਸਵੀਰ ਸਿੰਘ ਤੇ ਹੋਰਨਾਂ ਪਤਵੰਤਿਆਂ ਨੇ ਖੇਤਰ ਦੇ ਲੋਕਾਂ ਨੂੰ ਸਮੇਂ ਸਿਰ ਅਖਾੜੇ 'ਚ ਪੁੱਜਣ ਦੀ ਅਪੀਲ ਕੀਤੀ |
