ਗਰੀਬ ਕਿਸਾਨਾਂ ਦੀਆਂ ਜ਼ਮੀਨਾਂ 'ਚੋਂ ਧੱਕੇ ਨਾਲ ਨਹਿਰ ਬਣਾਉਣ ਦਾ ਸਖਤ ਵਿਰੋਧ <br/>

ਅ

ਅਜੀਤ ਡੈਸਕ 04-01-2026

ਚੋਗਾਵਾਂ, 3 ਜਨਵਰੀ (ਗੁਰਵਿੰਦਰ ਸਿੰਘ ਕਲਸੀ)-ਸਰਹੱਦੀ ਪਿੰਡ ਭੱਗੂਪੁਰ ਬੇਟ ਵਿਖੇ ਗਰੀਬ ਕਿਸਾਨਾਂ ਦੀਆਂ ਜ਼ਮੀਨਾਂ ਵਿਚੋਂ ਧੱਕੇ ਨਾਲ ਨਹਿਰ ਬਣਾਉਣ ਤੇ ਪਿੰਡ ਵਾਸੀਆਂ ਨਹਿਰੀ ਵਿਭਾਗ ਖਿਲਾਫ ਰੋਸ ਮੁਜ਼ਾਹਰਾ ਕੀਤਾ | ਇਸ ਮੌਕੇ ਨੰਬਰਦਾਰ ਗੁਰਜੀਤ ਸਿੰਘ, ਸਰਪੰਚ ਮੱਸੂ ਸਿੰਘ ਭੱਗੂਪੁਰ ਬੇਟ ਨੇ ਕਿਹਾ ਕਿ ਪਿੰਡ ਦੀ ਜ਼ਮੀਨ ਵਿਚੋਂ ਨਹਿਰ ਲੰਘਦੀ ਸੀ | ਹੁਣ ਨਹਿਰੀ ਵਿਭਾਗ ਪਿੰਡ ਦੇ ਹੀ ਕੁਝ ਰਸੂਖਦਾਰਾਂ ਦੇ ਦਬਾਅ ਹੇਠ ਆ ਕੇ ਜਿਹੜੇ ਨੰਬਰ ਇਕਵਾਇਰ ਕੀਤੇ ਤੇ ਜਿਨ੍ਹਾਂ ਦੇ ਪੈਸੇ ਵੀ ਉਨ੍ਹਾਂ ਨੂੰ ਆਏ ਹਨ | ਉਸ ਜਗ੍ਹਾ ਦੀ ਨਿਸ਼ਾਨਦੇਹੀ ਕਰਵਾ ਕੇ ਨਿਸ਼ਾਨੀਆਂ ਵੀ ਲਗਾਈਆਂ ਹਨ | ਉਸ ਜਗ੍ਹਾ ਤੋਂ ਨਹਿਰ ਕੱਢਣ ਦੀ ਬਜਾਏ ਮਹਿਕਮਾ ਗਰੀਬ ਲੋਕਾਂ ਦਾ ਹੱਕ ਮਾਰ ਕੇ ਦੂਜੀ ਜਗ੍ਹਾ ਤੋਂ ਨਹਿਰ ਕੱਢਣਾ ਚਾਹੁੰਦੇ | ਜਿਸ ਨੂੰ ਪਿੰਡ ਵਾਸੀ ਕਦੇ ਵੀ ਬਰਦਾਸ਼ਤ ਨਹੀਂ ਕਰਨਗੇ | ਉਨ੍ਹਾਂ ਕਿਹਾ ਕਿ ਇਹ ਗ਼ਰੀਬ ਪਰਿਵਾਰ ਐੱਸ. ਸੀ. ਪਰਿਵਾਰ ਨਾਲ ਸੰਬੰਧਿਤ ਹਨ | ਉਨ੍ਹਾਂ ਕੋਲ ਇੱਕ ਕਿੱਲਾ ਜਾਂ ਅੱਧਾ ਕਿੱਲਾ ਦੇ ਕਰੀਬ ਜ਼ਮੀਨਾਂ ਹਨ | ਜਿਸ ਵਿਚੋਂ ਨਹਿਰੀ ਵਿਭਾਗ ਨਹਿਰ ਕੱਢ ਕੇ ਉਨ੍ਹਾਂ ਦੀ ਰੋਜ਼ੀ ਰੋਟੀ ਖੋਹ ਰਿਹਾ ਹੈ | ਉਨ੍ਹਾਂ ਇਕਸੁਰ ਵਿਚ ਕਿਹਾ ਕਿ ਜੇਕਰ ਨਹਿਰੀ ਮਹਿਕਮੇ ਨੇ ਧੱਕੇਸ਼ਾਹੀ ਕੀਤੀ ਤਾਂ ਉਹ ਕਿਸਾਨ ਜਥੇਬੰਦੀਆਂ ਨੂੰ ਨਾਲ ਲੈ ਕੇ ਧਰਨੇ ਉੱਪਰ ਬੈਠ ਜਾਣਗੇ | ਨਹਿਰ ਕਿਸੇ ਕੀਮਤ 'ਤੇ ਨਹੀਂ ਕੱਢਣ ਦਿੱਤੀ ਜਾਵੇਗੀ | ਇਸ ਮੌਕੇ ਕਿੰਦਰ ਸਿੰਘ, ਸਤਨਾਮ ਸਿੰਘ, ਕੁਲਵੰਤ ਸਿੰਘ, ਸੱਤਾ ਸਿੰਘ, ਲੱਖਾ ਸਿੰਘ, ਪ੍ਰੀਤਮ ਸਿੰਘ, ਦਿਲਪ੍ਰੀਤ ਸਿੰਘ, ਕਰਨੈਲ ਸਿੰਘ, ਪ੍ਰੀਤਮ ਸਿੰਘ, ਹਰਭਜਨ ਸਿੰਘ, ਸੁਖਦੇਵ ਸਿੰਘ, ਸੁੱਖਾ ਸਿੰਘ ਆਦਿ ਹਾਜ਼ਰ ਸਨ | ਇਸ ਸੰਬੰਧੀ ਨਹਿਰੀ ਵਿਭਾਗ ਦੇ ਜਸਬੀਰ ਸਿੰਘ ਉਪ ਮੰਡਲ ਅਫਸਰ ਨਾਲ ਸੰਪਰਕ ਕਰਨ ਤੇ ਉਨ੍ਹਾਂ ਕਿਹਾ ਕਿ ਕਿਸੇ ਨਾਲ ਧੱਕਾ ਨਹੀਂ ਕੀਤਾ ਜਾ ਰਿਹਾ | 1988 ਦੇ ਹੜਾਂ ਕਾਰਨ ਇਹ ਨਹਿਰ ਵਾਸ਼ਆਊਟ ਹੋ ਗਈ ਸੀ |
ਕਈ ਜਗ੍ਹਾ 'ਤੇ ਹੈਗੀ ਤੇ ਕਈ ਜਗ੍ਹਾ 'ਤੇ ਖ਼ਤਮ ਹੋ ਗਈ ਤੇ ਕਿਸਾਨਾਂ ਨੇ ਵਾਹ ਲਈ ਸੀ | ਜਿਸ ਦੀ ਨਿਸ਼ਾਨਦੇਹੀ ਦਾ ਥੋੜਾ ਫਰਕ ਪਿਆ ਸੀ | ਉਨ੍ਹਾਂ ਨੰਬਰਾਂ ਦੀ ਦੁਬਾਰਾ ਸੋਧ ਕਰਾ ਕੇ ਜਿਸ ਜਗ੍ਹਾ 'ਤੇ ਨਹਿਰ ਨਿਕਲਦੀ ਹੈ ਉਸ ਜਗ੍ਹਾ 'ਤੇ ਹੀ ਬਣਾਈ ਜਾ ਰਹੀ ਹੈ ਜਿਸਦੇ ਪੈਸੇ ਵੀ ਕਿਸਾਨਾਂ ਨੂੰ ਮਿਲਣਗੇ |

ਪਿਛਲੀ ਖ਼ਬਰ ਵਿਧਾਇਕ ਕੁਲਦੀਪ ਸਿੰਘ ਧਾਲੀਵਾਲ ਵਲੋਂ 1.43 ਕਰੋੜ ਰੁਪਏ ਦੀ ਲਗਭਗ ਨਾਲ ਬਣਨ ਵਾਲੀਆਂ ਸੜਕਾਂ ਦੇ ਰੱਖੇ ਨੀਂਹ-ਪੱਥਰ <... ਅਗਲੀ ਖ਼ਬਰ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਵਲੋਂ ਪਿੰਡਾਂ ਅੰਦਰ ਮੋਟਰਸਾਈਕਲ ਮਾਰਚ <br/>

ਗਰੀਬ ਕਿਸਾਨਾਂ ਦੀਆਂ ਜ਼ਮੀਨਾਂ 'ਚੋਂ ਧੱਕੇ ਨਾਲ ਨਹਿਰ ਬਣਾਉਣ ਦਾ ਸਖਤ ਵਿਰੋਧ <br/>

ਸੰਬੰਧਿਤ ਖ਼ਬਰਾਂ