ਰਈਆ, 25 ਫਰਵਰੀ (ਸ਼ਰਨਬੀਰ ਸਿੰਘ ਕੰਗ)-ਕਸਬਾ ਰਈਆ ਦਾ 2 ਜਨਵਰੀ ਤੋਂ ਘਰੋਂ ਗਏ ਇਕ ਵਿਅਕਤੀ ਦੇ ਲਾਪਤਾ ਹੋਣ ਦਾ ਸਮਾਚਾਰ ਹੈ | ਮਲਕੀਤ ਕੌਰ ਪਤਨੀ ਬਲਜੀਤ ਸਿੰਘ ਬਸਤੀ ਡੁੱਬਗੜ੍ਹ ਕਸਬਾ ਰਈਆ ਵਲੋਂ ਪੁਲਿਸ ਚੌਂਕੀ ਰਈਆ ਵਿਖੇ ਦਿੱਤੀ ਦਰਖਾਸਤ ਮੁਤਾਬਕ ਦੱਸਿਆ ਕਿ ਮੇਰਾ ਭਰਾ ਬੂਟਾ ਸਿੰਘ ਸਪੁੱਤਰ ਦਲੀਪ ਸਿੰਘ ਜੋ ਉਨ੍ਹਾਂ ਕੋਲ ਰਹਿੰਦਾ ਸੀ, 2 ਜਨਵਰੀ ਨੂੰ ਸਾਡੇ ਘਰੋਂ ਕੰਮ 'ਤੇ ਗਿਆ ਸੀ ਜੋ ਅੱਜ ਤੱਕ ਘਰ ਨਹੀਂ ਪਰਤਿਆ | ਉਨ੍ਹਾਂ ਨੇ ਇਸ ਦੀ ਆਪਣੇ ਰਿਸ਼ਤੇਦਾਰਾਂ ਦੇ ਅਤੇ ਆਂਢ-ਗੁਆਂਢ ਬਹੁਤ ਭਾਲ ਕੀਤੀ ਪਰ ਅੱਜ ਤੱਕ ਉਸਦਾ ਕੋਈ ਥਹੁ-ਪਤਾ ਨਹੀਂ ਲੱਗਾ | ਉਨ੍ਹਾਂ ਨੇ ਪੁਲਿਸ ਪ੍ਰਸ਼ਾਸਨ ਨੂੰ ਬੂਟਾ ਸਿੰਘ ਦਾ ਪਤਾ ਲਾਉਣ ਦੀ ਅਪੀਲ ਕੀਤੀ ਹੈ | ਉਨ੍ਹਾਂ ਕਿਹਾ ਕਿ ਬੂਟਾ ਸਿੰਘ ਦੀ ਦਿਮਾਗੀ ਹਾਲਤ ਕੁਝ ਠੀਕ ਨਹੀਂ ਸੀ |
