ਬਿਆਸ , 8 ਅਪ੍ਰੈਲ (ਨਰਿੰਦਰ ਸਿੰਘ)-ਬਿਆਸ ਦੇ ਨੇੜੇ ਪਿੰਡ ਵਜੀਰ ਭੁੱਲਰ ਬਹੁੜੀ ਰੋਡ 'ਤੇ ਸਥਿਤ ਨਾਮੀ ਸਕੂਲ ਰੋਇਆਲ ਕੈਂਬਰਿਜ ਸਕੂਲ ਦੀ ਅੱਜ ਨਵੇਂ ਵਿਦਿਅਕ ਸੈਸ਼ਨ ਦੀ ਸ਼ੁਰੂਆਤ ਬਹੁਤ ਅਹਿਮ ਤਰੀਕੇ ਨਾਲ ਸਕੂਲ ਸਟਾਫ ਅਤੇ ਮੈਨੇਜਮੈਂਟ ਵਲੋਂ ਕੀਤੀ ਗਈ | ਜਿਸ ਵਿਚ ਸਕੂਲ ਦੇ ਬਾਹਰੀ ਗੇਟ ਤੋਂ ਸਕੂਲੀ ਬੱਚਿਆਂ ਨੂੰ ਜੀ ਆਇਆਂ ਕੀਤਾ ਗਿਆ | ਜੋ ਕਿ ਸਕੂਲ ਦਾ ਬਹੁਤ ਹੀ ਸ਼ਲਾਘਾਯੋਗ ਕਦਮ ਹੈ ਅਤੇ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਸਾਰੇ ਨਵੇਂ ਅਤੇ ਪੁਰਾਣੇ ਵਿਦਿਆਰਥੀਆਂ ਨੂੰ ਤਿਲਕ ਲਗਾ ਕੇ ਅਤੇ ਫੁੱਲਾਂ ਦੀ ਵਰਖਾ ਨਾਲ ਨਿਵਾਜਿਆ ਗਿਆ | ਇਹ ਸਭ ਦੇਖ ਬੱਚਿਆਂ ਦੇ ਮਾਪਿਆਂ ਵਿਚ ਕਾਫੀ ਉਤਸ਼ਾਹ ਪਾਇਆ ਗਿਆ | ਇਸ ਨਵੇਂ ਸੈਸ਼ਨ ਵਿਚ ਸਕੂਲ ਵਿਦਿਆਰਥੀਆਂ ਦੀ ਗਿਣਤੀ ਵਿਚ ਕਾਫੀ ਵਾਧਾ ਦਰਜ ਹੋਇਆ | ਜੋ ਕਿ ਅਪਣੇ ਆਪ ਵਿਚ ਰੋਇਆਲ ਕੈਂਬਰਿਜ ਸਕੂਲ ਲਈ ਫਖ਼ਰ ਵਾਲੀ ਗੱਲ ਹੈ |
