ਬਿਆਸ, 4 ਮਈ (ਨਰਿੰਦਰ ਸਿੰਘ)-ਕਸਬਾ ਬਿਆਸ ਵਿਖੇ ਖੇਡ ਮੈਦਾਨ ਵਿਚ ਬੱਚਿਆਂ ਵਲੋਂ ਕੀਤੀ ਗਈ ਫੁੱਟਬਾਲ ਅਤੇ ਕਬੱਡੀ ਟੂਰਨਾਮੈਂਟਾਂ ਲਈ ਪ੍ਰੈਕਟਿਸ | ਬਿਆਸ ਨੇੜੇ ਵੱਸਦੇ ਵੱਖ-ਵੱਖ ਪਿੰਡਾਂ 'ਚ ਖੇਡ ਟੂਰਨਾਮੈਂਟਾਂ ਦੇ ਚਲਦਿਆਂ ਕਾਫੀ ਪਿੰਡਾਂ ਵਿਚੋਂ ਬੱਚੇ ਇਕੱਤਰ ਹੋਕੇ ਆਪਣੀ ਟੀਮ ਲਈ ਵਧੀਆ ਕਾਰਗੁਜ਼ਾਰੀ ਪੇਸ਼ ਕਰਨ ਲਈ ਅਭਿਆਸ ਕਰਦੇ ਨਜ਼ਰ ਆਏ | ਫੁੱਟਬਾਲ ਖੇਡਦਿਆਂ ਬੱਚਿਆਂ ਨੇ ਪੂਰੇ ਜੋਸ਼ ਨਾਲ ਆਪਣੀ ਪੂਰੀ ਟੀਮ ਦਾ ਪ੍ਰਦਰਸ਼ਨ ਕਰਕੇ ਵਿਖਾਇਆ | ਉੱਧਰ ਕਬੱਡੀ ਵਿਚ ਵੀ ਖੇਡ ਮੈਦਾਨ 'ਚ ਪੂਰੇ ਜ਼ੋਰ ਨਾਲ ਕਬੱਡੀ 'ਚ ਰੇਡਾਂ ਪਾਉਂਦੇ ਹੋਏ ਅਤੇ ਖੇਡਦੇ ਨਜ਼ਰ ਆਏ ਕਬੱਡੀ ਖਿਡਾਰੀ | ਇਨਾਂ ਖੇਡਦਿਆਂ ਹੋਇਆਂ ਖਿਡਾਰੀ ਬੱਚਿਆਂ ਨਾਲ ਗੱਲਬਾਤ ਰਾਹੀਂ ਪਤਾ ਲੱਗਿਆ ਕਿ ਕਾਫੀ ਪਿੰਡਾਂ ਦੇ ਟੂਰਨਾਂਮੈਂਟ ਇਸ ਮਹੀਨੇ ਵਿਚ ਹੋਣਗੇ ਅਤੇ ਵਧੀਆ ਇਨਾਮੀ ਰਾਸ਼ੀ ਵੀ ਜਿੱਤਣ ਵਾਲੀਆਂ ਟੀਮਾਂ ਲਈ ਰੱਖੀਆਂ ਗਈਆਂ ਹਨ |
