ਜਾਅਲੀ ਕਾਗਜਾਤ ਦੇ ਆਧਾਰ 'ਤੇ ਨਗਰ ਪੰਚਾਇਤ ਰਈਆ 'ਚ ਨੌਕਰੀ ਕਰ ਰਹੇ ਵਿਅਕਤੀ ਖ਼ਿਲਾਫ਼ ਐੱਸ.ਡੀ.ਐੱਮ. ਨੂੰ ਮਿ੍ਤਕ ਦੇ ਭਰਾ ਨੇ ਦਿੱਤੀ ਲਿਖਤੀ ਸ਼ਿਕਾਇਤ <br/>

ਅ

ਅਜੀਤ ਡੈਸਕ 05-05-2026

ਬਾਬਾ ਬਕਾਲਾ ਸਾਹਿਬ, 4 ਮਈ (ਸ਼ੇਲਿੰਦਰਜੀਤ ਸਿੰਘ ਰਾਜਨ)-ਮਿ੍ਤਕ ਭਰਾ ਦੀ ਜਗ੍ਹਾ ਨਗਰ ਪੰਚਾਇਤ ਰਈਆ ਵਿਚ ਸਰਕਾਰੀ ਮੁਲਾਜਮਾਂ ਦੀ ਮਿਲੀਭੁਗਤ ਨਾਲ ਕਥਿਤ ਤੌਰ 'ਤੇ ਜ਼ਾਅਲੀ ਕਾਗਜਾਤ ਦੇ ਆਧਾਰ 'ਤੇ ਨੌਕਰੀ ਕਰ ਰਹੇ ਇਕ ਵਿਅਕਤੀ ਖ਼ਿਲਾਫ਼, ਐੱਸ. ਡੀ. ਐੱਮ. ਬਾਬਾ ਬਕਾਲਾ ਸਾਹਿਬ ਪਾਸ ਮਾਮਲਾ ਪੁੱਜਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਮਿ੍ਤਕ ਰਕੇਸ਼ ਕੁਮਾਰ ਦੇ ਭਰਾ ਦੀਪੂ ਪੁੱਤਰ ਗੁੱਠੀਆ ਨੇ ਐੱਸ. ਡੀ. ਐੱਮ. ਬਾਬਾ ਬਕਾਲਾ ਸਾਹਿਬ ਜਸ਼ਨਜੀਤ ਸਿੰਘ ਨੂੰ ਇਕ ਲਿਖਤੀ ਸ਼ਿਕਾਇਤ ਕੀਤੀ ਹੈ, ਜਿਸ ਵਿਚ ਉਸਨੇ ਬਿਆਨ ਕੀਤਾ ਹੈ ਕਿ ਉਸਦਾ ਭਰਾ ਰਕੇਸ਼ ਨਗਰ ਪੰਚਾਇਤ ਰਈਆ ਵਿਚ ਰੈਗੂਲਰ ਸਫ਼ਾਈ ਕਰਮਚਾਰੀ ਦੀ ਪੱਕੀ ਨੌਕਰੀ ਕਰਦਾ ਸੀ, ਜਿਸ ਦੀ ਕਿ ਮਿਤੀ 29-01-2024 ਨੂੰ ਮੌਤ ਹੋ ਗਈ | ਮੇਰਾ ਭਰਾ ਕੁਆਰਾ ਸੀ ਜਿਸ ਬਾਰੇ ਨਗਰ ਪੰਚਾਇਤ ਰਈਆ ਦੇ ਸਾਰੇ ਮੁਲਾਜਮਾਂ ਨੂੰ ਵੀ ਪਤਾ ਹੈ ਅਤੇ ਉਹ ਆਪਣੇ ਮਿ੍ਤਕ ਭਰਾ ਦਾ ਕਾਨੂੰਨੀ ਤੌਰ 'ਤੇ ਵਾਰਿਸ ਹੈ | ਦੀਪੂ ਨੇ ਦੋਸ਼ ਲਾਇਆ ਕਿ ਪਰ ਮੇਰੇ ਭਰਾ ਦੀ ਮੌਤ ਤੋਂ ਬਾਅਦ ਗੱਬਰ ਪੁੱਤਰ ਲੱਖੀ ਵਾਸੀ ਧਿਆਨਪੁਰ ਨੇ ਆਪਣੇ ਹੋਰ ਸਾਥੀਆਂ ਨਾਲ ਮਿਲੀਭੁਗਤ ਕਰਕੇ ਮੇਰੇ ਭਰਾ ਦੀ ਮੌਤ ਦਾ ਸਰਟੀਫਿਕੇਟ ਬਣਾ ਲਿਆ, ਜਿਸ ਵਿਚ ਕਿਸੇ ਸਮਿੱਤਰੀ ਦੇਵੀ ਨੂੰ ਉਸ ਦੀ ਪਤਨੀ ਲਿਖਾ ਦਿੱਤਾ ਤੇ ਬਾਅਦ ਵਿਚ ਨਗਰ ਪੰਚਾਇਤ ਰਈਆ ਦੇ ਮੁਲਾਜਮਾਂ/ਕਲਰਕਾਂ ਨਾਲ ਮਿਲੀਭੁਗਤ ਕਰਕੇ ਗੱਬਰ ਸਿੰਘ ਨੇ ਨਗਰ ਪੰਚਾਇਤ ਵਿਚ ਮੇਰੇ ਮਿ੍ਤਕ ਭਰਾ ਦੀ ਜਗ੍ਹਾ ਤਰਸ ਦੇ ਆਧਾਰ 'ਤੇ ਨੌਕਰੀ ਲੈ ਲਈ | ਜਦ ਉਸਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਸਨੇ ਮੁੱਖ ਮੰਤਰੀ ਪੰਜਾਬ, ਡਿਪਟੀ ਕਮਿਸ਼ਨਰ ਅੰਮਿ੍ਤਸਰ ਅਤੇ ਹੋਰ ਉਚ ਅਧਿਕਾਰੀਆਂ ਨੂੰ ਦਰਖਾਸਤਾਂ ਦਿੱਤੀਆਂ ਤਾਂ ਨਗਰ ਪੰਚਾਇਤ ਰਈਆ ਦੇ ਕਲਰਕਾਂ ਨੇ ਉਸਨੂੰ ਡਰਾਉਣਾ ਧਮਕਾਉਣਾ ਸ਼ੁਰੂ ਕਰ ਦਿੱਤਾ | ਇਨ੍ਹਾਂ ਨੇ ਆਪਸੀ ਮਿਲੀ-ਭੁਗਤ ਨਾਲ ਮੇਰੇ ਮਿ੍ਤਕ ਭਰਾ ਰਕੇਸ਼ ਕੁਮਾਰ ਦੇ ਗਲਤ ਤਰੀਕੇ ਜ਼ਾਅਲੀ ਕਾਗਜਾਤ ਦੇ ਆਧਾਰ 'ਤੇ ਫੰਡ ਕਢਵਾਕੇ ਹੜੱਪ ਕਰਕੇ ਸਰਕਾਰ ਨੂੰ ਵੀ ਚੂਨਾ ਲਾਇਆ ਹੈ | ਦੀਪੂ ਨੇ ਦੱਸਿਆ ਕਿ ਇਸ ਸੰਬੰਧੀ ਦੁਬਾਰਾ ਮਿਤੀ 20-3-2026 ਨੂੰ ਈ .ਓ ਨਗਰ ਪੰਚਾਇਤ ਰਈਆ ਅਤੇ ਡਿਪਟੀ ਕਮਿਸ਼ਨਰ ਅੰਮਿ੍ਤਸਰ ਨੂੰ ਦਰਖਾਸਤਾਂ ਵੀ ਭੇਜੀਆਂ ਹਨ, ਪਰ ਮੇਰੀਆ ਦਰਖਾਸਤਾਂ 'ਤੇ ਕੋਈ ਵੀ ਕਾਰਵਾਈ ਨਹੀਂ ਹੋਈ, ਸਗੋਂ ਦਫਤਰ ਦੇ ਕਲਰਕ ਮੈਨੂੰ ਦਬਕੇ ਮਾਰ ਕੇ ਮੇਰੇ ਉਸਦੇ ਖਾਲੀ ਕਾਗਜਾਤ 'ਤੇ ਦਸਤਖਤ ਕਰਵਾਉਂਦੇ ਹਨ | ਦੀਪੂ ਨੇ ਐੱਸ. ਡੀ. ਐੱਮ. ਸਾਹਿਬ ਨੂੰ ਲਿਖਤੀ ਦਰਖਾਸਤ ਦੇ ਕੇ ਉਸ ਦੇ ਮਿ੍ਤਕ ਭਰਾ ਦੇ ਬਣਾਏ ਮੌਤ ਦੇ ਸਰਟੀਫਿਕੇਟ ਵਿਚ ਦਰਜ ਵਾਰਸ ਸਮਿੱਤਰੀ ਦੇਵੀ ਅਤੇ ਜ਼ਾਅਲੀ ਹੋਰ ਕਾਗਜਾਤ ਦੀ ਪੜਤਾਲ ਕਰਕੇ ਦੋਸ਼ੀਆਂ ਖ਼ਿਲਾਫ਼ ਕਾਨੂੰਨੀ ਕਾਰਾਵਈ ਦੀ ਮੰਗ ਕੀਤੀ ਹੈ |
ਕੀ ਕਹਿਣਾ ਹੈ ਈ.ਓ. ਨਗਰ ਪੰਚਾਇਤ ਦਾ-ਇਸ ਮਾਮਲੇ ਸੰਬੰਧੀ ਅਨਿਲ ਚੋਪੜਾ ਈ. ਓ. ਨਗਰ ਪੰਚਾਇਤ ਰਈਆ ਨਾਲ ਗੱਲਬਾਤ ਵੀ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ ਕਿ ਮੈਂ ਸ਼ਿਕਾਇਤ ਕਰਤਾ ਨੂੰ ਆਪਣੇ ਦਫ਼ਤਰ ਪੱਤਰ ਭੇਜ ਕੇ ਬੁਲਾਇਆ ਸੀ ਪਰ ਉਹ ਆਪਣੀ ਸ਼ਿਕਾਇਤ ਦੀ ਪੜਤਾਲ ਦੇ ਸੰਬੰਧ ਵਿਚ ਦਫ਼ਤਰ ਨਹੀਂ ਆਇਆ | ਉੱਧਰ ਦੀਪੂ ਦੀ ਸ਼ਿਕਾਇਤ 'ਤੇ ਐੱਸ. ਡੀ. ਐੱਮ. ਬਾਬਾ ਬਕਾਲਾ ਸਾਹਿਬ ਜਸ਼ਨਜੀਤ ਸਿੰਘ ਨੇ ਇਸ ਮਾਮਲੇ ਦੀ ਤੁਰੰਤ ਜਾਂਚ-ਪੜਤਾਲ ਦੇ ਹੁਕਮ ਜਾਰੀ ਕਰ ਦਿੱਤੇ ਹਨ |

ਪਿਛਲੀ ਖ਼ਬਰ ਵਿਦਿਆਰਥੀਆਂ ਦੇ ਬਣਾਏ ਸੁਆਦੀ ਵਿਅੰਜਨ ਖੂਬ ਵਿਕੇ <br/> ਅਗਲੀ ਖ਼ਬਰ ਨੰਬਰਦਾਰਾ ਯੂਨੀਅਨ ਨੇ ਨਾਇਬ ਤਹਿਸੀਲਦਾਰ ਨੂੰ ਦਿੱਤਾ ਮੰਗ ਪੱਤਰ <br/>

ਸੰਬੰਧਿਤ ਖ਼ਬਰਾਂ