ਬਿਆਸ, 13 ਜੁਲਾਈ (ਨਰਿੰਦਰ ਸਿੰਘ)-ਸਰਕਾਰ ਵਲੋਂ ਬੈਨ ਕੀਤੀ ਗਈ ਫਿਲਮ ‘’ਸਤਲੁਜ’’ ਨੌਜਵਾਨਾਂ ਦੇ ਉਪਰਾਲੇ ਸਦਕਾ ਬਿਆਸ ਨੇੜੇ ਪਿੰਡ ਬਾਬਾ ਸਾਵਨ ਸਿੰਘ ਨਗਰ ’ਚ ਸੰਗਤਾਂ ਨੂੰ ਦਿਖਾਈ ਗਈ । ਜੋ ਫ਼ਿਲਮ ਜਸਵੰਤ ਸਿੰਘ ਖਾਲੜਾ ਦੀ ਜੀਵਨ ’ਤੇ ਅਧਾਰਿਤ ਬਣੀ ਅਤੇ ਦਿਲਜੀਤ ਦੁਸਾਂਝ ਦੁਆਰਾ ਇਸ ਵਿਚ ਉਨ੍ਹਾਂ ਦਾ ਕਿਰਦਾਰ ਨੂੰ ਪੇਸ਼ ਕੀਤਾ ਗਿਆ । ਨੌਜਵਾਨਾਂ ਦੀ ਇਸ ਫ਼ਿਲਮ ਪ੍ਰਤੀ ਕਾਫੀ ਖਿੱਚ ਬਣੀ ਨਜ਼ਰ ਆਈ ਅਤੇ ਹਰ ਕੋਈ ‘’ਸਤਲੁਜ’’ ਫ਼ਿਲਮ ਨੂੰ ਆਪਣੇ ਪਰਿਵਾਰ ਸਮੇਤ ਦੇਖ ਕੇ ਬੱਚਿਆਂ ਨੂੰ ਇਸ ਸਿੱਖ ਕੌਮ ਦੇ ਹੰਢਾਏ ਗਏ ਸੰਤਾਪ ਬਾਰੇ ਜਾਣੂ ਕਰਵਾ ਰਿਹਾ ਹੈ । ਨੌਜਵਾਨਾਂ ਦਾ ਕਹਿਣਾ ਹੈ ਕਿ ਸਿੱਖ ਕੌਮ ਨੂੰ ਵਿਸ਼ਵ ਭਰ ‘’ਚ ਇਤਿਹਾਸ ਵਿਚ ਸਭ ਤੋਂ ਵੱਧ ਕੁਰਬਾਨੀਆਂ ਅਤੇ ਸ਼ਹਾਦਤਾਂ ਲਈ ਜਾਣਿਆ ਜਾਂਦਾ ਹੈ। ਨੌਜਵਾਨਾਂ ਵਲੋਂ ਇਸ ਫਿਲਮ ਨੂੰ ਸਰਕਾਰ ਵਲੋਂ ਬੈਨ ਕਰਨਾ ਬਿਲਕੁੱਲ ਗਲਤ ਦੱਸਿਆ ਗਿਆ ਹੈ ਅਤੇ ਤੁਰੰਤ ‘’ਸਤਲੁਜ’’ ਫ਼ਿਲਮ ਤੋਂ ਬੈਨ ਹਟਾਉਣ ਦੀ ਮੰਗ ਕੀਤੀ ਗਈ ਹੈ।
