ਬਿਆਸ ਦਰਿਆ ’ਚ ਪਾਣੀ ਦੇ ਪੱਧਰ ਦੀ ਸਥਿਤੀ ਅਨੁਕੂਲ

ਬਿਆਸ, 14 ਜੁਲਾਈ (ਨਰਿੰਦਰ ਸਿੰਘ)- ਬਿਆਸ ਦਰਿਆ ਦੇ ਪਾਣੀ ਦੇ ਪੱਧਰ ਦੀ ਅੱਜ ਦੀ ਸਥਿਤੀ ਗੇਜ 734.60 ਅਤੇ ਡਿਸਾਰਜ ਲੈਵਲ 25,191 ਕਿਊਸਿਕ ਹੈ। ਬਿਆਸ ਦਰਿਆ ਦੇ ਮੁਲਾਜ਼ਮ ਗੇਜ ਰੀਡਰ ਵਿਜੈ ਕੁਮਾਰ ਅਤੇ ਸਹਿਦੇਵ ਦੇ ਕਹਿਣ ਅਨੁਸਾਰ ਇਸ ਵਾਰ ਬਰਸਾਤਾਂ ਕਾਫੀ ਘੱਟ ਹੋਣ ਕਾਰਣ ਜੁਲਾਈ ਦੇ ਮਹੀਨੇ ‘ਚ ਪਾਣੀ ਦੇ ਪੱਧਰ ‘ਚ ਜਿਆਦਾ ਵਾਧਾ ਦੇਖਣ ਨੂੰ ਨਹੀਂ ਮਿਲਿਆ, ਜੋ ਕਿ ਪਿਛਲੇ ਸਾਲ ਜੁਲਾਈ, 2025 ਦੇ ਮਹੀਨੇ ਦੇ ਮੁਕਾਬਲੇ ਇਸ ਵਾਰ ਕਾਫੀ ਘੱਟ ਹੈ। ਬਾਕੀ ਆਉਣ ਵਾਲੇ ਅਗਲੇ ਕੁਝ ਦਿਨਾਂ ‘ਚ ਮੌਸਮ ਵਿਭਾਗ ਅਨੁਸਾਰ ਬਰਸਾਤਾਂ ਹੋਣਗੀਆਂ ਅਤੇ ਫਿਰ ਦੇਖਿਆ ਜਾਵੇਗਾ ਕਿ ਪਾਣੀ ਦੇ ਪੱਧਰ ‘ਚ ਕਿੰਨਾ ਵਾਧਾ ਦਰਜ ਹੁੰਦਾ ਹੈ।