ਪ੍ਰੀਤ ਨਗਰ ’ਚ ਨਾਟਕ ‘ਕਦੇ ਦਾਦੇ ਦੀਆਂ ਕਦੇ ਪੋਤੇ ਦੀਆਂ’ ਦਾ ਮੰਚਨ

ਚੋਗਾਵਾਂ, 16 ਜੁਲਾਈ (ਗੁਰਵਿੰਦਰ ਸਿੰਘ ਕਲਸੀ)-ਪ੍ਰੀਤ ਨਗਰ ਆਰਟ ਗਰੁੱਪ ਵਲੋਂ ਗੁਰਬਖਸ਼ ਸਿੰਘ ਨਾਨਕ ਸਿੰਘ ਫਾਊਂਡੇਸ਼ਨ ਪ੍ਰੀਤ ਨਗਰ ਦੇ ਸਹਿਯੋਗ ਨਾਲ ਪੰਜਾਬੀ ਨਾਟਕ ‘ਕਦੇ ਦਾਦੇ ਦੀਆਂ ਕਦੇ ਪੋਤੇ ਦੀਆਂ’ ਦਾ ਮੰਚਨ ਕੀਤਾ। ਡਾ. ਦਵਿੰਦਰ ਸਿੰਘ ਵਲੋਂ ਲਿਖੇ ਗਏ ਇਸ ਨਾਟਕ ਦਾ ਨਿਰਦੇਸ਼ਨ ਸਾਹਿਲ ਪ੍ਰੀਤ ਨਗਰ ਵਲੋਂ ਨਿਰਦੇਸ਼ਤ ਕੀਤਾ। ਇਹ ਨਾਟਕ ਸੰਜੀਦਾ ਵੀ ਹੈ। ਅੱਜ ਦੇ ਜ਼ਮਾਨੇ ਨਾਲ ਜੁੜਿਆ ਹੋਇਆ ਹੈ। ਜਿਸ ਨੂੰ ਪ੍ਰੀਤ ਨਗਰ ਆਰਟ ਗਰੁੱਪ ਵਲੋਂ ਬਾਖੂਬੀ ਪੇਸ਼ ਕੀਤਾ। ਇਸ ਨਾਟਕ ਨੇ ਦਰਸ਼ਕਾਂ ਨੂੰ ਭਾਵੁਕ ਵੀ ਕੀਤਾ ਤੇ ਉਨ੍ਹਾਂ ਦੇ ਮਨਾਂ ਵਿਚ ਗਹਿਰੀ ਛਾਪ ਛੱਡੀ। ਨਾਟਕ ਦੀ ਸਮਾਪਤੀ ਮੌਕੇ ਸਾਰਾ ਹਾਲ ਦਰਸ਼ਕਾਂ ਦੀਆਂ ਤਾੜੀਆਂ ਨਾਲ ਗੂੰਜ ਓਠੀਆ। ਫਾਊਂਡੇਸ਼ਨ ਦੇ ਪ੍ਰਧਾਨ ਸ: ਹਿਰਦੇਪਾਲ ਸਿੰਘ ਨੇ ਪ੍ਰੀਤ ਨਗਰ ਆਰਟ ਗਰੁੱਪ ਦੇ ਕਲਾਕਾਰਾਂ ਨੂੰ ਇਹ ਪਲੇਠਾ ਨਾਟਕ ਪੇਸ਼ ਕਰਨ ਲਈ ਸ਼ੁਭਕਾਮਨਾਵਾਂ ਭੇਟ ਕੀਤੀਆਂ। ਸਰਟੀਫਿਕੇਟ ਤੇ ਨਕਦ ਰਾਸ਼ੀ ਦੇ ਕੇ ਸਨਮਾਨਿਤ ਕੀਤਾ। ਇਸ ਮੌਕੇ ਸਿਸਟਰ ਐਨੀ ਡੇਵਿਡ, ਮਾ: ਪ੍ਰੀਤਮ ਸਿੰਘ, ਡਾਕਟਰ ਗੁਰਭੇਜ ਸਿੰਘ ਲੋਪੋਕੇ, ਭਿੰਦਾ ਲੋਪੋਕੇ, ਗੁਰਨਾਮ ਸਿੰਘ ਸ਼ਹੂਰਾ, ਭਿੰਦਾ ਲੋਪੋਕੇ, ਦਲਜੀਤ ਸਿੰਘ ਰਿੰਕੂ, ਸੁਖਰਾਜ ਸਿੰਘ ਰਾਜੂ ਆਦਿ ਹਾਜ਼ਰ ਸਨ।