ਪੁਲਿਸ ਅਧਿਕਾਰੀਆਂ ਤੇ ਸਿਆਸੀ ਲੋਕਾਂ ਦੀਆਂ ਫੋਟੋਆਂ ਏ. ਆਈ. ਨਾਲ ਤਿਆਰ ਕਰਕੇ ਲੋਕਾਂ ਨੂੰ ਗੁੰਮਰਾਹ ਕਰਨ ਵਾਲੇ 2 ਅਖੌਤੀ ਪੱਤਰਕਾਰਾਂ ਖਿਲਾਫ਼ ਪਰਚਾ ਦਰਜ
ਅੰਮ੍ਰਿਤਸਰ, 9 ਅਕਤੂਬਰ (ਰੇਸ਼ਮ ਸਿੰਘ)- ਪੁਲਿਸ ਅਧਿਕਾਰੀਆਂ ਤੇ ਸਿਆਸੀ ਲੋਕਾਂ ਦੀਆਂ ਏ. ਆਈ.
ਅੰਮ੍ਰਿਤਸਰ, 9 ਅਕਤੂਬਰ (ਰੇਸ਼ਮ ਸਿੰਘ)- ਪੁਲਿਸ ਅਧਿਕਾਰੀਆਂ ਤੇ ਸਿਆਸੀ ਲੋਕਾਂ ਦੀਆਂ ਏ.ਆਈ. ਨਾਲ ਫੋਟੋ ਤਿਆਰ ਕਰਕੇ ਤੇ ਉਸ ਵਿਚ ਆਪਣੀਆਂ ਫੋਟੋ ਐਡ ਕਰਕੇ ਲੋਕਾਂ ’ਚ ਦਬਦਬਾ ਬਣਾਉਣ ਵਾਲੇ 2 ਅਖੌਤੀ ਪੱਤਰਕਾਰਾਂ ਖਿਲਾਫ਼ ਪੁਲਿਸ ਨੇ ਪਰਚਾ ਦਰਜ ਕਰ ਲਿਆ ਹੈ। ਇਹ ਮਾਮਲਾ ਥਾਣਾ ਗੇਟ ਹਕੀਮਾ ਦੀ ਪੁਲਿਸ ਵਲੋਂ ਦਰਜ ਕੀਤਾ ਗਿਆ ਹੈ ਜਦੋਂ ਕਿ ਐੱਸ.ਆਈ. ਸੁਲੱਖਣ ਸਿੰਘ ਥਾਣਾ ਮੁਖੀ ਗੇਟ ਹਕੀਮਾਂ ਵਲੋਂ ਕਾਰਵਾਈ ਕਰਦਿਆਂ ਅਮਿਤ ਕੁਮਾਰ ਵਾਸੀ ਵੱਡਾ ਹਰੀਪੁਰਾ ਤੇ ਵਿਕਰਮ ਕੁਮਾਰ ਵਾਸੀ ਨੀਵੀਂ ਆਬਾਦੀ ਕਿਸ਼ਨ ਕੋਟ ਖਿਲਾਫ਼ ਪਰਚਾ ਦਰਜ ਕਰਕੇ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਪੁਲਿਸ ਵਲੋਂ ਦਰਜ ਕੀਤੇ ਪਰਚੇ ਅਨੁਸਾਰ ਇਹ ਦੋਵੇਂ ਵਿਅਕਤੀ ਆਪਣੇ ਆਪ ਨੂੰ ਪੱਤਰਕਾਰ ਦੱਸਦੇ ਹਨ ਅਤੇ ਮੋਬਾਈਲ ’ਤੇ ਜਾਅਲੀ ਫੋਟੋ ਬਣਾ ਸ਼ੋਸਲ ਮੀਡੀਆ ’ਤੇ ਪਾਉਂਦੇ ਹਨ। ਇਨ੍ਹਾਂ ਪਾਸੋਂ 2 ਮੋਬਾਈਲ ਫੋਨ ਰੈੱਡ ਮੀ ਦੇ ਬਰਾਮਦ ਕੀਤੇ ਗਏ ਹਨ।
