ਸਟੇਟ ਬੈਂਕ ਆਫ਼ ਇੰਡੀਆ ਦੀ ਬਰਗਾੜੀ ਬਰਾਂਚ ਵਲੋਂ ਸਰਕਾਰੀ ਸਕੂਲ ਨੂੰ ਲੋੜੀਂਦਾ ਸਮਾਨ ਭੇਟ

ਬਰਗਾੜੀ, 6 ਨਵੰਬਰ (ਸੁਖਰਾਜ ਸਿੰਘ ਗੋਂਦਾਰਾ)-ਸਟੇਟ ਬੈਂਕ ਆਫ਼ ਇੰਡੀਆ ਦੀ ਬਰਗਾੜੀ ਬਰਾਂਚ ਵਲੋਂ ਸਰਕਾਰੀ ਪ੍ਰਾਇਮਰੀ ਸਕੂਲ ਗੋਂਦਾਰਾ ਨੂੰ 1 ਵਾਟਰ ਕੂਲਰ, 1 ਫਿਲਟਰ , ਪਿ੍ਰੰਟਰ 3, 1 ਪ੍ਰੋਜੈਕਟਰ, 10 ਪੱਖੇ 7 ਮੇਜ਼, 10 ਕੁਰਸੀਆਂ, 2 ਇੰਨਵੈਕਟਰ, ਦੋ ਅਲਮਾਰੀਆਂ ਬਰਾਂਚ ਮੈਨੇਜਰ ਨੀਰਜ਼ ਗੁਲਾਟੀ ਅਤੇ ਅਨਿਲ ਦੀ ਅਗਵਾਈ ਸਕੂਲ ਮੁਖੀ ਹਰਵਿੰਦਰ ਸਿੰਘ ਨੂੰ ਸਮੂਹ ਸਕੂਲ ਸਟਾਫ਼ ਅਤੇ ਪਿੰਡ ਦੇ ਪਤਵੰਤਿਆਂ ਦੀ ਹਾਜ਼ਰੀ ’ਚ ਭੇਟ ਕੀਤੇ। ਬਲਾਕ ਪ੍ਰਾਇਮਰੀ ਅਫ਼ਸਰ ਜਗਤਾਰ ਸਿੰਘ ਜੈਤੋ ਨੇ ਬੈਂਕ ਦੇ ਸਮੂਹ ਅਧਿਅਕਾਰੀਆਂ ਤੇ ਕਰਮਚਾਰੀਆਂ ਦੇ ਇਸ ਉੱਦਮ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਅਜਿਹੀਆਂ ਸੰਸਥਾਵਾਂ ਦੇ ਸਹਿਯੋਗ ਨਾਲ ਸਰਕਾਰੀ ਸਕੂਲਾਂ ਦੇ ਵਿਦਿਆਰਥੀਆਂ ਨੂੰ ਬਿਹਤਰ ਸਹੂਲਤਾਂ ਮਿਲ ਰਹੀਆਂ ਹਨ ਅਤੇ ਸਕੂਲਾਂ ਦੀ ਦਿਖ ਦਿਨੋ-ਦਿਨ ਪਬਲਿਕ ਸਕੂਲਾਂ ਵਰਗੀਆਂ ਬਣਦੀਆਂ ਜਾ ਰਹੀਆਂ ਹਨ।