ਝੋਟੇ ਦੀ ਹੱਤਿਆ ਕਾਰਨ ਦੀਵਾਲੀ ਦੇ ਤਿਉਹਾਰ ਸਬੰਧੀ ਮਾਨਸਾ ਸ਼ਹਿਰ ਦੇ ਬਾਜ਼ਾਰ ਬੇਰੌਣਕੇ
ਮਾਨਸਾ, 6 ਨਵੰਬਰ (ਰਾਵਿੰਦਰ ਸਿੰਘ ਰਵੀ)- ਐਂਟੀ ਡਰੱਗ ਟਾਸਕ ਫੋਰਸ ਦੇ ਆਗੂ ਪਰਵਿੰਦਰ ਸਿੰਘ ਝੋਟਾ ਦੀ ਹੱਤਿਆ ਹੋਣ ਕਰ ਕੇ ਦੀਵਾਲੀ ਦੇ ਤਿਉਹਾਰ ਸਬੰਧੀ ਸਥਾਨਕ ਸ਼ਹਿਰ ਦੇ ਬਾਜ਼ਾਰਾਂ ’ਚ ਬੇਰੌਣਕੀ ਵੇਖਣ ਨੂੰ ਮਿਲ ਰਹੀ ਹੈ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਸ਼ਹਿਰੀਆਂ ਵਲੋਂ ਰੋਸ ਵਜੋਂ ਦੁਸਹਿਰੇ ਦਾ ਤਿਉਹਾਰ ਵੀ ਨਹੀਂ ਮਨਾਇਆ ਗਿਆ ਸੀ।
ਮਾਨਸਾ, 6 ਨਵੰਬਰ (ਰਾਵਿੰਦਰ ਸਿੰਘ ਰਵੀ)- ਐਂਟੀ ਡਰੱਗ ਟਾਸਕ ਫੋਰਸ ਦੇ ਆਗੂ ਪਰਵਿੰਦਰ ਸਿੰਘ ਝੋਟਾ ਦੀ ਹੱਤਿਆ ਹੋਣ ਕਰ ਕੇ ਦੀਵਾਲੀ ਦੇ ਤਿਉਹਾਰ ਸਬੰਧੀ ਸਥਾਨਕ ਸ਼ਹਿਰ ਦੇ ਬਾਜ਼ਾਰਾਂ ’ਚ ਬੇਰੌਣਕੀ ਵੇਖਣ ਨੂੰ ਮਿਲ ਰਹੀ ਹੈ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਸ਼ਹਿਰੀਆਂ ਵਲੋਂ ਰੋਸ ਵਜੋਂ ਦੁਸਹਿਰੇ ਦਾ ਤਿਉਹਾਰ ਵੀ ਨਹੀਂ ਮਨਾਇਆ ਗਿਆ ਸੀ। ਅੱਜ ਧਨਤੇਰਸ ਦੇ ਮੌਕੇ ਬਾਜ਼ਾਰਾਂ ਵਿਚ ਖ਼ਾਸ ਕਰ ਕੇ ਸਵਰਨਕਾਰਾਂ ਦੀਆਂ ਦੁਕਾਨਾਂ ’ਤੇ ਉਹ ਰੌਣਕ ਨਜ਼ਰ ਨਹੀਂ ਆਈ, ਜੋ ਲੰਘੇ ਵਰਿ੍ਹਆਂ ’ਚ ਹੁੰਦੀ ਸੀ। ‘ਅਜੀਤ’ ਵਲੋਂ ਦੌਰਾ ਕਰਨ ’ਤੇ ਵੇਖਿਆ ਗਿਆ ਕਿ ਭਾਵੇਂ ਦੁਕਾਨਦਾਰਾਂ ਨੇ ਆਪਣੀਆਂ ਦੁਕਾਨਾਂ ਜ਼ਰੂਰ ਸਜਾਈਆਂ ਸਨ ਪਰ ਬਾਜ਼ਾਰਾਂ ’ਚ ਲੋਕਾਂ ਦੀ ਚਹਿਲ-ਪਹਿਲ ਘੱਟ ਹੋਣ ਕਰ ਕੇ ਖ਼ਰੀਦਦਾਰੀ ਨਾਮਾਤਰ ਸੀ। ਦੁਕਾਨਾਂ ਅੱਗੇ ਮਠਿਆਈਆਂ ਆਦਿ ਦੇ ਸਟਾਲ ਵੀ ਨਹੀਂ ਲਗਾਏ ਗਏ ਪਰ ਕੁਝ ਥਾਵਾਂ ’ਤੇ ਪਟਾਕਿਆਂ ਅਤੇ ਆਤਿਸ਼ਬਾਜ਼ੀਆਂ ਦੇ ਸਟਾਲ ਜ਼ਰੂਰ ਲੱਗੇ ਹੋਏ ਸਨ। ਲੋਕ ਚੀਨੀ ਬਿਜਲਈ ਲਾਈਟਾਂ ਦੀ ਥਾਂ ਪਰਜਾਪਤ ਵਲੋਂ ਬਣਾਏ ਦੀਵਿਆਂ ਨੂੰ ਤਰਜੀਹ ਦਿੰਦੇ ਵੇਖੇ ਗਏ ਪਰ ਉਨ੍ਹਾਂ ਦਾ ਵੀ ਕਹਿਣਾ ਹੈ ਕਿ ਇਸ ਵਾਰ ਦੀਵਾਲੀ ਦਾ ਤਿਉਹਾਰ ਫਿਕਾ ਹੀ ਨਜ਼ਰ ਆ ਰਿਹਾ ਹੈ ਕਿਉਂਕਿ ਉਨ੍ਹਾਂ ਦੀ ਵਿੱਕਰੀ ਪਹਿਲਾਂ ਨਾਲੋਂ ਕਾਫ਼ੀ ਘੱਟ ਹੈ। ਮਹਿੰਗਾਈ ਵਧਣ ਦੇ ਕਾਰਨ ਵੀ ਖਾਣ-ਪੀਣ ਵਾਲੀਆਂ ਵਸਤਾਂ ਅਤੇ ਮਠਿਆਈਆਂ ਦੇ ਭਾਅ ’ਚ ਚੋਖਾ ਵਾਧਾ ਹੋਇਆ ਹੈ। ਬੈਸਣ ਦਾ ਰੇਟ ਵੀ 110 ਪ੍ਰਤੀ ਕਿੱਲੋ ਤੱਕ ਪਹੁੰਚ ਗਿਆ ਹੈ ਜਦਕਿ ਖੰਡ 70, ਦੁੱਧ ਦਾ ਰੇਟ 100 ਅਤੇ ਪਨੀਰ 450 ਰੁਪਏ ਤੋਂ ਉੱਪਰ ਹੈ। ਰੋਜ਼ਾਨਾ ਵਰਤੋਂ ’ਚ ਆਉਣ ਵਾਲੇ ਪਿਆਜ਼ ਵੀ 70 ਰੁਪਏ ਵਿਕ ਰਹੇ ਹਨ।
