ਰਾਜਪੁਰਾ, 4 ਜਨਵਰੀ (ਜੀ.ਪੀ. ਸਿੰਘ)-ਰਾਜਪੁਰਾ ਦੇ ਉੱਘੇ ਸਮਾਜ ਸੇਵਕ ਰਾਮ ਗਾਬਾ ਦੀ 14ਵੀਂ ਬਰਸੀ ਦੇ ਮੌਕੇ 'ਤੇ ਸੁਖਵਿੰਦਰ ਕੁਮਾਰ ਬੱਗੂ ਦੀ ਦੇਖ-ਰੇਖ 'ਚ ਧਾਰਮਿਕ ਸਮਾਗਮ ਕਰਵਾਇਆ ਗਿਆ | ਜਿਸ ਵਿਚ ਹਜ਼ਾਰਾਂ ਦੀ ਗਿਣਤੀ 'ਚ ਸ਼ਰਧਾਲੂਆਂ ਨੇ ਪਹੁੰਚ ਕੇ ਪ੍ਰਭੂ ਦੇ ਗੁਣਗਾਨ ਦਾ ਅਨੰਦ ਮਾਨਿਆ | ਇਸ ਸਮਾਗਮ 'ਚ ਬਾਬਾ ਅਗਮਪੁਰੀ, ਭੈਣ ਚੰਚਲ, ਸੰਤ ਤਿਆਗਪੁਰੀ, ਸੰਤ ਅਨੁਰਾਗਪੁਰੀ, ਭੈਣ ਸੀਮਾ ਤੋਂ ਇਲਾਵਾ ਮਹਾਤਮਾ ਅਵਦੇਸ਼ ਜੀ ਨੰਗਲੀ ਵਾਲੇ (ਕੁਰੂਕਸ਼ੇਤਰ) ਤੋਂ ਪਹੁੰਚੇ | ਇਸ ਦੌਰਾਨ ਬਾਬਾ ਅਗਮਪੁਰੀ, ਮਹਾਤਮਾ ਅਵਦੇਸ਼ ਅਤੇ ਭੈਣ ਚੰਚਲ ਨੇ ਭਜਨਾਂ ਦੁਆਰਾ ਸੰਗਤਾਂ ਨੂੰ ਨਿਹਾਲ ਕੀਤਾ | ਇਸ ਮੌਕੇ ਬਾਬਾ ਅਗਮਪੁਰੀ ਨੇ ਕਿਹਾ ਕਿ ਪ੍ਰਭੂ ਦਾ ਸੇਵਾ ਅਤੇ ਸਿਮਰਨ ਕਰਨ ਨਾਲ ਪਾਇਆ ਜਾ ਸਕਦਾ ਹੈ | ਹਰ ਮਨੁੱਖ ਨੂੰ ਦਿਨ 'ਚ ਜ਼ਰੂਰ ਯਾਦ ਕਰਨਾ ਚਾਹੀਦਾ ਹੈ | ਇਸ ਮੌਕੇ ਵਿਜੈ ਭਾਟੀਆ, ਬਲਵੰਤ ਰਾਏ, ਲਕਸ਼ਮੀ ਨਰਾਇਣ ਅਰੋੜਾ, ਐਕਸੀਅਨ ਸੰਜੇ ਗਰੋਵਰ, ਵੇਦ ਪ੍ਰਕਾਸ਼ ਚਾਵਲਾ, ਜੋਗਿੰਦਰ ਕੁਮਾਰ ਗੁਰੇਜਾ, ਰਾਕੇਸ਼ ਗਾਬਾ, ਗੁਰਚਰਨ ਕੁਮਾਰ, ਵੇਦ ਪ੍ਰਕਾਸ਼ ਮਦਾਨ, ਸਤੀਸ਼ ਕੁਮਾਰ ਮੁਨੀ, ਗੁਰਜੀਤ ਸਿੰਘ ਸੰਧੂ, ਨਾਨਕ ਚੰਦ ਗਰੋਵਰ, ਪੰਡਿਤ ਮੋਹਨ ਲਾਲ ਸਮੇਤ ਹੋਰਾਂ ਨੇ ਵਿਸ਼ੇਸ਼ ਤੋਰ ਤੇ ਆਪਣੀ ਸੇਵਾ ਨਿਭਾਈ |
