ਰਾਜਪੁਰਾ, 10 ਮਾਰਚ (ਜੀ.ਪੀ. ਸਿੰਘ) ਲੋਕ ਸਾਹਿਤ ਸੰਗਮ ਦੀ ਮਾਸਿਕ ਬੈਠਕ ਰੋਟਰੀ ਭਵਨ ਵਿਖੇ ਡਾ. ਗੁਰਵਿੰਦਰ ਅਮਨ ਦੀ ਪ੍ਰਧਾਨਗੀ ਹੇਠ ਹੋਈ ਜਿਸ ਦਾ ਆਗਾਜ਼ ਕਰਮ ਸਿੰਘ ਹਕੀਰ ਨੇ ਆਪਣੇ ਗੀਤ ਨਾਲ ਕੀਤਾ | ਸਭ ਤੋਂ ਪਹਿਲਾਂ ਵਿੱਛੜੇ ਸਾਹਿਤਕ ਸਾਥੀ ਅੰਗਰੇਜ਼ ਕਲੇਰ ਨੂੰ ਇਕ ਮਿੰਟ ਦਾ ਮੌਨ ਰੱਖ ਕੇ ਸ਼ਰਧਾਂਜਲੀ ਭੇਟ ਕੀਤੀ ਗਈ | ਇਸ ਮੌਕੇ ਰਣਜੀਤ ਸਿੰਘ ਫ਼ਤਹਿਗੜ੍ਹ ਸਾਹਿਬ ਨੇ 'ਬੁਰਾ ਕਿਸੇ ਦਾ ਸੋਚੇਗਾ, ਬੁਰਾ ਕਿਸੇ ਨੂੰ ਕਹਿਣਾ ਏ' ਸੁਣਕੇ ਮਾਹੌਲ ਬੰਨਿ੍ਹਆ | ਅਵਤਾਰ ਪੁਆਰ ਨੇ ਗ਼ਜ਼ਲ 'ਉਸ ਦਾ ਇਕ ਇਸ਼ਾਰਾ ਮਿਲਿਆ, ਡੁੱਬਦੇ ਨੂੰ ਸਹਾਰਾ ਮਿਲਿਆ' ਸੁਣਾ ਕੇ ਵਾਹ-ਵਾਹ ਖੱਟੀ | ਬੁਲੰਦ ਆਵਾਜ਼ ਵਿਚ ਸੁਰਿੰਦਰ ਕੌਰ ਬਾੜਾ ਨੇ 'ਕੌਣ ਭਰੂ ਜੁਰਮਾਨਾ ਔਰਤ ਦੇ ਅਪਮਾਨ ਦਾ' ਸੁਣਾ ਕੇ ਰੰਗ ਬੰਨਿ੍ਹਆ | ਹਰਪਾਲ ਸਿੰਘ ਪਾਲ ਨੇ 'ਕਰਨ ਪੜ੍ਹਾਈਆਂ ਮੈਂ ਕਾਲਜ ਵਿਚ ਆਵਾਂ' ਸੁਣਾ ਕੇ ਇਕ ਸੁਨੇਹਾ ਦਿੱਤਾ | ਸੁਰਿੰਦਰ ਸਿੰਘ ਸੋਹਣਾ ਰਾਜੇਮਾਜਰੀਆ ਨੇ ਔਰਤ ਬਾਰੇ ਕਿਹਾ 'ਸੋ ਕਿਉਂ ਮੰਦਾ ਆਖੀਐ' ਅਤੇ ਥਾਂ ਸਵਰਗਾਂ ਵਰਗੀ ਸੁਣਾਇਆ | ਰਾਜਵੰਤ ਕੌਰ ਨੇ 'ਜਦ ਮੈਂ ਛੋਟੀ ਬਾਲ ਹੁੰਦੀ ਸੀ' ਕਵਿਤਾ ਸੁਣਾ ਕੇ ਬਚਪਨ ਦੇ ਦਿਨਾਂ ਦੀ ਯਾਦ ਦਿਵਾਈ | ਇੰਦਰਜੀਤ ਸਿੰਘ ਲਾਂਬਾ ਨੇ ਬੁੱਲੇ੍ਹ ਸ਼ਾਹ ਦੀ ਕਾਫ਼ੀ ਸੁਣਾ ਕੇ ਮਾਹੌਲ ਸੰਗੀਤਕ ਕੀਤਾ | ਕੁਲਵੰਤ ਸਿੰਘ ਜੱਸਲ ਨੇ ਬਾਲ ਗੀਤ 'ਐਤਵਾਰ ਦੀ ਛੁੱਟੀ' ਸੁਣਾਇਆ | ਭੀਮ ਸਾਈਾ ਝੂਲੇ ਲਾਲ ਨੇ ਸਰਾਇਕੀ ਗੀਤ 'ਡਾਹਢੇ ਕੰਮ ਕਰਵਾਉਂਦਾ ਪੈਸਾ' ਸੁਣਾ ਕੇ ਰੰਗ ਬੰਨਿ੍ਹਆ | ਪ੍ਰਮੋਦ ਕਾਲੜਾ ਨੇ 'ਕੀ ਵਡਿਆਈਆਂ ਤੇਰੀਆਂ ਮੇਰੇ ਸਤਿਗੁਰੂ ਜੀਓ' ਸੁਣਾਇਆ | ਰਾਕੇਸ਼ ਕੁਮਾਰ ਨਾਦਾਨ ਨੇ 'ਹੁਈ ਆਮਦ ਤੋ ਬਹੇ ਆਂਸੂ' ਸੁਣਾ ਕੇ ਸ਼ਾਇਰੀ ਰੰਗ ਬਿਖੇਰਿਆ | ਸੰਗਮ ਦੇ ਪ੍ਰਧਾਨ ਡਾ. ਗੁਰਵਿੰਦਰ ਅਮਨ ਨੇ ਸਮਾਜ ਤੇ ਵਿਅੰਗ ਕਰਦੀ ਮਿੰਨੀ ਕਹਾਣੀ 'ਕਾਂਵਾਂ ਰੌਲੀ' ਸੁਣਾ ਕੇ ਸੋਚਣ ਤੇ ਮਜਬੂਰ ਕਰ ਦਿੱਤਾ | ਅਮਰਜੀਤ ਸਿੰਘ ਨੇ ਵੀ ਆਪਣੀ ਰਚਨਾ ਨਾਲ ਹਾਜ਼ਰੀ ਲਗਵਾਈ | ਬਲਦੇਵ ਸਿੰਘ ਖੁਰਾਨਾ ਨੇ ਜਿੱਥੇ ਸਭਾ ਦੀ ਕਾਰਵਾਈ ਬਖ਼ੂਬੀ ਚਲਾਈ ਉੱਥੇ ਆਪਣੀ ਕਵਿਤਾ ਨਾਲ ਨਿਹਾਲ ਕੀਤਾ |
