ਪਟਿਆਲਾ, 11 ਮਾਰਚ (ਅ.ਸ. ਆਹਲੂਵਾਲੀਆ)-ਉੱਤਰੀ ਖੇਤਰ ਸਭਿਆਚਾਰਕ ਕੇਂਦਰ (ਸਭਿਆਚਾਰਕ ਮੰਤਰਾਲਾ, ਭਾਰਤ ਸਰਕਾਰ) ਪਟਿਆਲਾ ਵਲੋਂ ਕੇਂਦਰ ਦੇ ਨਿਰਦੇਸ਼ਕ ਐਮ ਫੁਰਕਾਨ ਖਾਨ ਦੇ ਅਗਵਾਈ ਹੇਠ ਅੰਤਰਰਾਸ਼ਟਰੀ ਔਰਤ ਦਿਵਸ ਮੌਕੇ ਕਾਲੀਦਾਸ ਆਡੀਟੋਰੀਅਮ ਵਿਰਸਾ ਵਿਹਾਰ ਕੇਂਦਰ ਵਿਖੇ ਜੈਪੁਰ ਦੀ ਕਲੰਦਰ ਸੋਸਾਇਟੀ ਦੇ ਕਲਾਕਾਰਾਂ ਨੇ ''ਢਾਈ ਆਖ਼ਰ ਪ੍ਰੇਮ ਕਾ'' ਨਾਟਕ ਦਾ ਸ਼ਾਨਦਾਰ ਸਫਲ ਮੰਚਨ ਕੀਤਾ | ਕਲਾਕਾਰਾਂ ਨੇ ਆਪਣੇ ਸਫਲ ਅਭਿਨੈ ਨਾਲ ਦਰਸ਼ਕਾਂ ਨੂੰ ਪੂਰੀ ਤਰ੍ਹਾਂ ਨਾਟਕ ਨਾਲ ਜੋੜੀ ਰੱਖਿਆ | ਇਸ ਨਾਟਕ ਦੇ ਨਿਰਦੇਸ਼ਕ ਰੁਚੀ ਭਾਰਗਵ ਨਰੂਲਾ ਸਨ ਜਦੋਂ ਕਿ ਨਾਟਕ ਦੇ ਲੇਖਕ ਬਸੰਤ ਕਨੇਟਕਰ ਸੀ | 52 ਸਾਲ ਤੋਂ ਬਾਅਦ ਜੈਪੁਰ ਦੇ ਕਲਾਕਾਰਾਂ ਨੇ ਇਸ ਨੂੰ ਪਟਿਆਲਾ ਵਿਖੇ ਮੰਚਨ ਕੀਤਾ | ''ਢਾਈ ਆਖ਼ਰ ਪ੍ਰੇਮ ਕਾ'' ਇਕ ਹਲਕੀ ਫੁਲਕੀ ਸੰਵੇਦਨਸ਼ੀਲ ਅਤੇ ਵਿਅੰਗਾਤਮਿਕ ਰੋਮਾਂਟਿਕ ਕਾਮੇਡੀ ਹੈ | ਜੋ ਪੀੜੀਆਂ ਵਿਚਕਾਰ ਪ੍ਰੇਮ ਦੀ ਪੁਨਰ ਜਾਗਿ੍ਤੀ ਅਤੇ ਉਸ ਦੀ ਬਡੰਬਨਾਵਾਂ ਨੂੰ ਦਰਸਾਉਂਦੀ ਹੈ | ਕਹਾਣੀ ਇਕ ਜੀਵਨ ਮੱਧ ਵਰਗੀ ਪਰਿਵਾਰ ਦੇ ਇਰਦ ਗਿਰਦ ਘੁੰਮਦੀ ਹੈ |