ਪਟਿਆਲਾ

ਨੈਸ਼ਨਲ ਹਾਈਵੇਅ ਅਥਾਰਟੀ ਨੇ ਰਾਹਗੀਰਾਂ ਨੂੰ ਦਿੱਤਾ ਝਟਕਾ, ਟੋਲ ਕੀਮਤਾਂ ਵਿਚ ਹੋਇਆ ਵਾਧਾ <br/>

ਅ

ਅਜੀਤ ਡੈਸਕ 05-04-2026

ਬਨੂੜ, 4 ਅਪ੍ਰੈਲ (ਭੁਪਿੰਦਰ ਸਿੰਘ)-ਨੈਸ਼ਨਲ ਹਾਈਵੇਅ 'ਤੇ ਸਫਰ ਕਰਨਾ 31 ਮਾਰਚ ਰਾਤ 12 ਵਜੇ ਤੋਂ ਜਿਥੇ ਮਹਿੰਗਾ ਹੋ ਜਾਵੇਗਾ, ਉਥੇ ਹੀ ਹੁਣ ਤੁਹਾਨੂੰ ਨਵੇਂ ਨਿਯਮਾਂ ਅਨੁਸਾਰ ਭੁਗਤਾਨ ਕਰਨਾ ਪਵੇਗਾ | ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ ਇੰਡੀਆਂ ਨੇ ਆਪਣੇ ਟੋਲ ਰੇਟਾਂ ਵਿਚ 2.5 ਫੀਸਦੀ ਦਾ ਵਾਧਾ ਕਰ ਦਿੱਤਾ ਹੈ | ਇਸ ਵਾਧੇ ਦਾ ਅਸਰ ਕਾਰ, ਜੀਪ, ਮਿੰਨੀ ਬੱਸ ਚਾਲਕਾਂ ਨੂੰ ਛੱਡ ਕੇ ਨੈਸ਼ਨਲ ਹਾਈਵੇਅ ਉੱਤੇ ਸਫਰ ਕਰਨ ਵਾਲੇ ਵੱਡੇ ਵਾਹਨਾ ਚਾਲਕਾਂ ਤੇ ਪਵੇਗਾ | ਨੈਸ਼ਨਲ ਹਾਈਵੇਅ ਨੰਬਰ 7 'ਤੇ ਸਥਿਤ ਅਜ਼ੀਜਪੁਰ ਟੋਲ ਪਲਾਜ਼ਾ ਚਲਾ ਰਹੀ ਆਰਕੇ ਜੈਨ ਪ੍ਰਾਈਵੇਟ ਲਿਮਿਟਡ ਨਾਮੀ ਕੰਪਨੀ ਨੇ ਆਪਣੇ ਵਧਾਏ ਗਏ ਟੋਲ ਰੇਟਾਂ ਦੇ ਬੋਰਡ ਲਾਉਂਣ ਦਾ ਕੰਮ ਆਰੰਭ ਦਿੱਤਾ ਹੈ | ਟੋਲ ਪਲਾਜਾ ਚਲਾਉਣ ਵਾਲੀ ਕੰਪਨੀ ਵਲੋਂ ਟੋਲ ਦੇ ਨੇੜੇ ਰਹਿੰਦੇ ਪਿੰਡਾਂ ਦੇ ਲੋਕਾਂ ਨੂੰ ਰਾਹਤ ਦੇਣ ਲਈ ਬਣਾਏ ਜਾਂਦੇ ਮਾਸਿਕ ਪਾਸ ਦੇ ਰੇਟ ਵਿਚ ਵੀ ਵਾਧਾ ਕੀਤਾ ਗਿਆ ਹੈ | ਇਸ ਵਾਧੇ ਨਾਲ ਟੋਲ ਦੀਆਂ ਨਵੀਆਂ ਦਰਾਂ ਕਾਰ, ਜੀਪ ਤੇ ਪਹਿਲਾ ਵਾਲੀ ਦਰ 45, ਮਿੰਨੀ ਬੱਸ 70 ਰੁਪਏ ਹੀ ਰਹੇਗਾ | ਜਦੋਂ ਕਿ ਬੱਸ-ਟਰੱਕ 155, ਥ੍ਰੀ ਏਕਸਲ 170, ਐਮਐਕਸਲ 240 ਰੁਪਏ ਕੀਤਾ ਗਿਆ ਹੈ | ਇਸ ਤੋਂ ਇਲਾਵਾ ਓਵਰ ਸਾਇਜ ਵਾਹਨ ਵਾਲਿਆਂ ਤੋਂ 285 ਰੁਪਏ ਟੋਲ ਵਸੂਲ ਕੀਤਾ ਜਾਵੇਗਾ | ਟੋਲ ਪਲਾਜਾ ਦੇ ਮੈਨੇਂਜਰ ਮਨੋਜ ਰਾਣਾ ਨੇ ਇਸ ਦੀ ਪੁਸਟੀ ਕਰਦੇ ਹੋਏ ਕਿਹਾ ਟੋਲ ਦੀਆਂ ਵਧਾਈਆਂ ਗਈਆਂ ਦਰਾਂ 31 ਮਾਰਚ ਦੀ ਰਾਤ 12 ਵਜੇ ਤੋਂ ਲਾਗੂ ਹੋ ਜਾਣਗੀਆਂ |
ਧਰਮਪਾਲ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ 1 ਅਪ੍ਰੈਲ ਤੋਂ ਹਾਈਵੇਅ ਦੇ ਨਵੇਂ ਨਿਯਮ ਲਾਗੂ ਹੋ ਜਾਣਗੇ | ਜਿਸ ਵਿਚ ਸਫਰ ਨੂੰ ਹੋਰ ਸੁਖਾਲਾ ਬਣਾਉਣ ਲਈ ਨਗਦ ਭੁਗਤਾਨ ਬੰਦ ਕਰ ਦਿੱਤਾ ਗਿਆ ਹੈ | ਹੁਣ ਤੁਹਾਨੂੰ ਫਾਸਟ ਟੈਗ ਜਾਂ ਫਿਰ ਯੂਪੀਆਈ ਰਾਹੀਂ ਟੋਲ ਦਾ ਭੁਗਤਾਨ ਕਰਨਾ ਪਵੇਗਾ | ਉਨ੍ਹਾਂ ਕਿਹਾ ਕਿ ਇਸ ਨਿਯਮ ਦੇ ਲਾਗੂ ਹੋਣ ਨਾਲ ਜਿੱਥੇ ਵਾਹਨ ਚਾਲਕਾਂ ਨੂੰ ਫਾਇਦਾ ਹੋਵੇਗਾ, ਉੱਥੇ ਹੀ ਟੋਲ ਮੁਲਾਜ਼ਮ ਦੀ ਖੱਜਲ ਖੁਆਰੀ ਬਚੇਗੀ¢

ਪਿਛਲੀ ਖ਼ਬਰ ਅੰਮਿ੍ਤਪਾਲ ਸਿੰਘ ਦੀ ਪਟੀਸ਼ਨ ਰੱਦ ਹੋਣਾ ਬਹੁਤ ਮੰਦਭਾਗਾ-ਹਲਕਾ ਇੰਚਾਰਜ ਨਿਸ਼ਾਨ ਸਿੰਘ ਸਿੱਧੂ ਅਗਲੀ ਖ਼ਬਰ ਸਰਕਾਰੀ ਹਸਪਤਾਲ ਦੁੱਧਨਸਾਧਾਂ ਖੁਦ 'ਬਿਮਾਰ', ਸਹੂਲਤਾਂ ਦੀ ਘਾਟ ਕਾਰਨ ਲੋਕ ਖ਼ੁਆਰ

ਨੈਸ਼ਨਲ ਹਾਈਵੇਅ ਅਥਾਰਟੀ ਨੇ ਰਾਹਗੀਰਾਂ ਨੂੰ ਦਿੱਤਾ ਝਟਕਾ, ਟੋਲ ਕੀਮਤਾਂ ਵਿਚ ਹੋਇਆ ਵਾਧਾ <br/>

ਸੰਬੰਧਿਤ ਖ਼ਬਰਾਂ