ਪਟਿਆਲਾ, 9 ਅਪ੍ਰੈਲ (ਮਨਦੀਪ ਸਿੰਘ ਖਰੌੜ)-2 ਹਫ਼ਤਿਆਂ ਤੋਂ ਕੇਂਦਰ ਦੇ ਗਰੇਡ ਪੇ ਸਕੇਲ ਦੇ ਆਧਾਰ 'ਤੇ ਆਪਣੀ ਤਨਖ਼ਾਹ ਵਧਾਉਣ ਦੀ ਮੰਗ ਕਰ ਰਹੀਆਂ ਰਾਜਿੰਦਰਾ ਹਸਪਤਾਲ ਦੀਆਂ ਨਰਸਾਂ ਸੰਬੰਧੀ ਟਿੱਪਣੀ ਕਰਦਿਆਂ ਸਿਹਤ ਮੰਤਰੀ ਡਾ. ਬਲਬੀਰ ਸਿੰਘ ਨੇ ਧਰਨਾਕਾਰੀਆਂ ਨੂੰ ਕੰਮ 'ਤੇ ਮੁੜਨ ਦੀ ਅਪੀਲ ਕੀਤੀ | ਉਨ੍ਹਾਂ ਕਿਹਾ ਕਿ ਕਾਂਗਰਸ ਸਰਕਾਰ ਵੇਲੇ ਇਸ ਮਸਲੇ ਸੰਬੰਧੀ ਕੁਝ ਭਰਤੀਆਂ ਹੋਈਆਂ ਸੀ ਪਰ ਉਹ ਕੇਵਲ ਸਿਹਤ ਵਿਭਾਗ 'ਚ ਕੇਂਦਰ ਦੇ ਆਧਾਰ 'ਤੇ ਤਨਖ਼ਾਹ 'ਚ ਤਬਦੀਲੀਆਂ ਨਹੀਂ ਕਰ ਸਕਦੇ ਕਿਉਂਕਿ ਬਾਕੀ ਸਾਰੇ ਵਿਭਾਗਾਂ 'ਚ ਵੀ ਇਹੋ ਕੁਝ ਕਰਨਾ ਪਵੇਗਾ | ਫਿਲਹਾਲ ਪੰਜਾਬ ਸਰਕਾਰ ਇਸ ਸੰਬੰਧੀ ਹਾਲੇ ਵਿਚਾਰ ਵਟਾਂਦਰਾ ਕਰ ਰਹੀ ਹੈ | ਉਨ੍ਹਾਂ ਕਿਹਾ ਕਿ ਜੇਕਰ ਨਰਸਾਂ ਕੰਮ 'ਤੇ ਵਾਪਸ ਨਹੀਂ ਮੁੜੀਆਂ ਤਾਂ ਟਰੇਨਿੰਗ ਕਰਦੀਆਂ ਨਰਸਾਂ ਨੂੰ ਉਨ੍ਹਾਂ ਦੀ ਥਾਂ 'ਤੇ ਰੱਖਿਆ ਜਾਵੇਗਾ | ਜਿੰਨਾ ਚਿਰ ਨਰਸਾਂ ਗੈਰਹਾਜ਼ਰ ਰਹਿਣਗੀਆਂ ਉਨ੍ਹਾਂ ਦੀ ਤਨਖ਼ਾਹ ਵੀ ਕੱਟੀ ਜਾਵੇਗੀ | ਸਿਹਤ ਮੰਤਰੀ ਨੇ ਕਿਹਾ ਕਿ ਇਹ ਵੀ ਪਤਾ ਲੱਗਾ ਹੈ ਕਿ ਕੁਝ ਨਰਸਾਂ ਨੇ ਹਸਪਤਾਲ ਦੇ ਆਪ੍ਰੇਸ਼ਨ ਥੀਏਟਰ ਬੰਦ ਕਰਨ ਦੀ ਕੋਸ਼ਿਸ਼ ਵੀ ਕੀਤੀ ਸੀ | ਉਨ੍ਹਾਂ ਕਿਹਾ ਕਿ ਜੇਕਰ ਨਰਸਾਂ ਹਸਪਤਾਲ ਦੇ ਕੰਮ ਕਾਰ 'ਚ ਵਿਘਨ ਪਾਉਣਗੀਆਂ ਅਤੇ ਕਿਸੇ ਮਰੀਜ਼ ਦਾ ਨੁਕਸਾਨ ਹੁੰਦਾ ਹੈ ਤਾਂ ਨਰਸਾਂ ਖ਼ਿਲਾਫ਼ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ | ਉਨ੍ਹਾਂ ਕਿਹਾ ਕਿ ਪਿਛਲੀ ਸਰਕਾਰ ਦੀਆਂ
