ਰਾਜਪੁਰਾ, 24 ਅਪ੍ਰੈਲ (ਜੀ.ਪੀ. ਸਿੰਘ)- ਰਾਜੁਪਰਾ-ਅੰਬਾਲਾ ਰੇਲ ਮਾਰਗ 'ਚ ਨਿਊ ਸ਼ੰਭੂ ਰੇਲਵੇ ਸਟੇਸ਼ਨ ਦੇ ਨੇੜੇ ਕਿਸੇ ਅਣਪਛਾਤੇ ਵਿਅਕਤੀ ਦੀ ਇਕ ਅਣਪਛਾਤੇ ਰੇਲ ਗੱਡੀ ਹੇਠ ਆਉਣ ਕਾਰਨ ਮੌਤ ਹੋ ਗਈ | ਜਾਣਕਾਰੀ ਦਿੰਦਿਆਂ ਰੇਲਵੇ ਪੁਲਿਸ ਦੇ ਸਹਾਇਕ ਥਾਣੇਦਾਰ ਸੁਖਚੈਨ ਸਿੰਘ ਨੇ ਦੱਸਿਆ ਕਿ ਅੱਜ ਸਵੇਰੇ ਸੂਚਨਾ ਮਿਲੀ ਕਿ ਪਿੰਡ ਨਿਊ ਸ਼ੰਭੂ ਰੇਲਵੇ ਸਟੇਸ਼ਨ ਨੇੜੇ ਇਕ ਵਿਅਕਤੀ ਦੀ ਲਾਸ਼ ਪਾਈ ਹੈ | ਜਿਸ 'ਤੇ ਸ਼ੰਭੂ ਰੇਲਵੇ ਪੁਲਿਸ ਨੇ ਮੌਕੇ 'ਤੇ ਜਾ ਕੇ ਲਾਸ਼ ਨੂੰ ਆਪਣੇ ਕਬਜੇ ਵਿਚ ਲੈ ਕੇ ਸਥਾਨਕ ਸਿਵਲ ਹਸਪਤਾਲ ਦੇ ਮੁਰਦਾ ਘਰ ਵਿਚ ਰੱਖਵਾ ਦਿੱਤਾ | ਉਨ੍ਹਾਂ ਦੱਸਿਆ ਕਿ ਦੇਖਣ ਨੂੰ ਮਿ੍ਤਕ ਦੀ ਉਮਰ 40-45 ਸਾਲ ਦੀ ਲੱਗਦੀ ਹੈ ਤੇ ਉਹ ਸਿਰੋਂ ਮੋਨਾ ਤੇ ਪ੍ਰਵਾਸੀ ਮੰਗਤਾ ਲੱਗਦਾ ਹੈ | ਉਸ ਨੇ ਸਫੇਦ ਬੁਨੈਣ, ਸਫੇਦ ਕਮੀਜ ਅਤੇ ਫਿੱਕੇ ਅਸਮਾਨੀ ਰੰਗ ਦੀ ਪੈਂਟ ਪਹਿਣੀ ਹੋਈ ਹੈ | ਪੁਲਿਸ ਨੇ 72 ਘੰਟਿਆਂ ਲਈ ਲਾਸ਼ ਨੂੰ ਸ਼ਨਾਖ਼ਤ ਲਈ ਸਿਵਲ ਹਸਪਤਾਲ ਦੇ ਮੁਰਦਾਘਰ ਵਿਚ ਰੱਖਵਾ ਦਿੱਤਾ ਹੈ |
