ਪਟਿਆਲਾ, 1 ਮਈ (ਧਰਮਿੰਦਰ ਸਿੰਘ ਸਿੱਧੂ)-ਦਿਵਰਾਜ ਸਿੰਘ ਜੋ ਕਿ ਸੀ.ਆਈ.ਐਸ.ਸੀ.ਈ. ਵਲੋਂ ਐਲਾਨੇ ਦਸਵੀਂ ਦੇ ਨਤੀਜਿਆਂ 'ਚ ਜ਼ਿਲ੍ਹੇ 'ਚੋਂ 99.6 ਫ਼ੀਸਦੀ ਅੰਕ ਲੈ ਕੇ ਪਹਿਲੇ ਸਥਾਨ 'ਤੇ ਆਇਆ ਹੈ ਨੇ ਅੱਜ 'ਅਜੀਤ' ਨਾਲ ਗਲਬਾਤ ਕਰਦਿਆਂ ਦਸਿਆ ਕਿ ਉਹ ਹੁਣ ਜੇ.ਈ.ਈ. ਦਾ ਇਮਤਿਹਾਨ ਦੇ ਕੇ ਆਈ.ਆਈ.ਟੀ. ਮੁੰਬਈ ਜਾਣਾ ਚਾਹੁੰਦਾ ਹੈ ਤਾਂ ਜੋ ਉਹ ਕੰਪਿਊਟਰ ਸਾਇੰਸ ਦੇ ਖੇਤਰ 'ਚ ਇੰਜੀਨੀਅਰਿੰਗ ਕਰ ਸਕੇ | ਇਸ ਮੌਕੇ ਗਲਬਾਤ ਕਰਦਿਆਂ ਉਸ ਦੇ ਮਾਤਾ ਨਵਜੋਤ ਕੌਰ ਸਿੱਧੂ ਜੋ ਕਿ ਪਟਿਆਲਾ ਦੇ ਸਰਕਾਰੀ ਸਿਵਲ ਲਾਈਨ ਸਕੂਲ ਵਿਖੇ ਬਤੌਰ ਲੈਕਚਰਾਰ ਪੰਜਾਬੀ ਸੇਵਾਵਾਂ ਨਿਭਾ ਰਹੇ ਹਨ ਅਤੇ ਉਸ ਦੇ ਪਿਤਾ ਡਾ. ਸੁਖਪਾਲ ਸਿੰਘ ਜੋ ਕਿ ਪੰਜਾਬੀ ਯੂਨੀਵਰਸਿਟੀ ਫਿਜ਼ਿਕਸ ਦੇ ਪ੍ਰੋਫ਼ੈਸਰ ਹਨ ਨੇ ਦਸਿਆ ਕਿ ਦਿਵਰਾਜ ਰੋਜ਼ਾਨਾ 5 ਤੋਂ 6 ਘੰਟੇ ਪੜ੍ਹਦਾ ਸੀ ਅਤੇ ਉਹ ਜ਼ਿਆਦਾਤਰ ਪੜ੍ਹਾਈ ਰਾਤ ਸਮੇਂ ਕਰਦਾ ਸੀ | ਦਿਵਰਾਜ ਵਲੋਂ ਸੋਸ਼ਲ ਮੀਡੀਆ ਦੀ ਵਰਤੋਂ ਸਿਰਫ਼ ਪੜ੍ਹਾਈ ਲਈ ਕੀਤੀ ਜਾਂਦੀ ਸੀ ਅਤੇ ਉਸ ਦੀ ਕਰੜੀ ਮਿਹਨਤ ਦਾ ਕੀਤਾ ਨਤੀਜਾ ਹੁਣ ਪੂਰੇ ਸੂਬੇ ਦੇ ਸਾਹਮਣੇ ਹੈ |
