ਸਮਾਣਾ, 3 ਮਈ (ਸਾਹਿਬ ਸਿੰਘ)-ਯੋਗਾ ਪਰਿਵਾਰ ਸਮਾਣਾ ਦੇ ਮੈਂਬਰਾਂ ਨੇ ਅਗਰਵਾਲ ਧਰਮਸ਼ਾਲਾ ਤੇ ਸਕੂਲ ਕਮੇਟੀ ਦੇ ਨਵੇਂ ਚੁਣੇ ਗਏ ਪ੍ਰਧਾਨ ਦਰਸ਼ਨ ਮਿੱਤਲ ਅਤੇ ਲਾਈਨਜ਼ ਕਲੱਬ ਸਮਾਣਾ ਰਾਇਲ ਦੇ ਪ੍ਰਧਾਨ ਜੀਵਨ ਗਰਗ ਦਾ ਸਨਮਾਨ ਕੀਤਾ | ਇਸ ਮੌਕੇ ਪ੍ਰੇਮ ਗਰਗ, ਰਾਮ ਲਾਲ, ਕਿੱਟੀ ਗਰਗ, ਨਰੇਸ਼ ਜੈਨ, ਵੇਦ ਸਿੰਗਲਾ, ਦੇਵ ਰਾਜ, ਜਗਰੂਪ ਸਿੰਘ, ਬਸੰਤ ਵਰਮਾ, ਹੰਸ ਰਾਜ, ਭਗਬਾਨ ਦਾਸ, ਸਤਪਾਲ, ਬਲਜਿੰਦਰ ਸਿੰਘ, ਹਰਜਿੰਦਰ ਕੌਰ, ਪਰਵੀਨ ਗਰਗ, ਰੁਪਾਲੀ ਗਰਗ, ਰਿਤਾ ਰਾਣੀ, ਰਮਨ, ਕਮਲੇਸ਼, ਮੂਰਤੀ ਦੇਵੀ ਅਤੇ ਸ਼ਿਲਪਾ ਆਦਿ ਵਲੋਂ ਇਨ੍ਹਾਂ ਨਵ-ਨਿਯੁਕਤ ਪ੍ਰਧਾਨਾਂ ਨੂੰ ਸਨਮਾਨਿਤ ਕੀਤਾ ਗਿਆ | ਯੋਗਾ ਪਰਿਵਾਰ ਦੇ ਮੈਂਬਰਾਂ ਨੇ ਦੋਵਾਂ ਆਗੂਆਂ ਦੀਆਂ ਸੇਵਾਵਾਂ ਦੀ ਭਰਵੀਂ ਸ਼ਲਾਘਾ ਕੀਤੀ ਅਤੇ ਉਮੀਦ ਪ੍ਰਗਟਾਈ ਕਿ ਉਹ ਆਪਣੀਆਂ ਜ਼ਿੰਮੇਵਾਰੀਆਂ ਨੂੰ ਖ਼ੂਬੀ ਨਾਲ ਨਿਭਾਉਂਦੇ ਹੋਏ ਸਮਾਜ ਸੇਵਾ ਅਤੇ ਧਰਮਸ਼ਾਲਾ-ਸਕੂਲ ਵਿਕਾਸ ਵਿਚ ਯੋਗਦਾਨ ਪਾਉਣਗੇ | ਇਸ ਮੌਕੇ ਮਿੱਤਲ ਅਤੇ ਗਰਗ ਨੇ ਯੋਗਾ ਪਰਿਵਾਰ ਦਾ ਧੰਨਵਾਦ ਕੀਤਾ ਅਤੇ ਵਧ ਚੜ੍ਹ ਕੇ ਸੇਵਾ ਕਰਨ ਦਾ ਸੰਕਲਪ ਦੁਹਰਾਇਆ |
