ਸ੍ਰੀ ਅਨੰਦਪੁਰ ਸਾਹਿਬ, 25 ਮਈ (ਜੇ ਐਸ ਨਿੱਕੂਵਾਲ)- ਸ੍ਰੀ ਅਨੰਦਪੁਰ ਸਾਹਿਬ ਬਾਰ ਐਸੋਸੀਏਸ਼ਨ ਦੇ ਸੀਨੀਅਰ ਵਕੀਲ ਅਤੇ ਸਰਵਿਸ਼ਜ ਦੇ ਸਾਬਕਾ ਕੋਚ ਐਡ. ਪਾਖਰ ਸਿੰਘ ਭੱਠਲ ਦੇ ਸਪੁੱਤਰ ਐਡ. ਬਲਵੀਰ ਸਿੰਘ ਭੱਠਲ (58) ਵਾਸੀ ਮੁਹੱਲਾ ਫ਼ਤਿਹਗੜ ਸਾਹਿਬ ਲੰਬੀ ਬਿਮਾਰੀ ਤੋਂ ਬਾਅਦ ਅਕਾਲ ਚਲਾਣਾ ਕਰ ਗਏ | ਦੱਸਣਯੋਗ ਹੈ ਕਿ ਉਹ ਸ੍ਰੀ ਅਨੰਦਪੁਰ ਸਾਹਿਬ ਉਪ ਮੰਡਲ ਦੇ ਬਲਾਕ ਨੂਰਪੁਰ ਬੇਦੀ ਦੇ ਪਿੰਡ ਜੈਤੇਵਾਲ ਨਾਲ ਸਬੰਧਿਤ ਸਨ ਪਰ ਬਾਅਦ ਵਿਚ ਉਨਾਂ ਦੇ ਪਰਿਵਾਰ ਨੇ ਸ੍ਰੀ ਅਨੰਦਪੁਰ ਸਾਹਿਬ ਨੂੰ ਆਪਣਾ ਪੱਕਾ ਰੈਣ ਬਸੇਰਾ ਬਣਾ ਲਿਆ | ਐਡ. ਭੱਠਲ ਹਾਕੀ ਦੇ ਨਾਮੀ ਖਿਡਾਰੀ ਵੀ ਰਹੇ ਹਨ | ਉਨਾਂ ਦਾ ਇਕਲੌਤਾ ਸਪੁੱਤਰ ਸਿਮਰਜੀਤ ਸਿੰਘ ਭੱਠਲ ਵੀ ਸ੍ਰੀ ਅਨੰਦਪੁਰ ਸਾਹਿਬ ਵਿਖੇ ਵਕਾਲਤ ਕਰਦਾ ਹੈ | ਉਨ੍ਹਾਂ ਪਰਿਵਾਰਕ ਮੈਂਬਰ ਸਰਬਜੀਤ ਸਿੰਘ ਰੇਣੂ ਨੇ ਦੱਸਿਆ ਕਿ ਐਡ. ਭੱਠਲ ਦਾ ਦਾਹ ਸਸਕਾਰ 26 ਮਈ ਨੂੰ ਸਵੇਰੇ 9 ਵਜੇ ਸ੍ਰੀ ਅਨੰਦਪੁਰ ਸਾਹਿਬ ਦੀ ਚਰਨ ਗੰਗਾ ਸ਼ਮਸ਼ਾਨ ਘਾਟ ਤੇ ਕੀਤਾ ਜਾਵੇਗਾ |
