ਪਟਿਆਲਾ, 9 ਜੂਨ (ਧਰਮਿੰਦਰ ਸਿੰਘ ਸਿੱਧੂ)-ਸਾਲ 2017 ਵਿਚ ਹੋਏ ਐਕਸੀਡੈਂਟ ਵਿਚ ਗੱਡੀ ਦੇ ਪੁਰਾਣੇ ਮਾਲਕ ਦੇ ਖਿਲਾਫ ਕਲੇਮ ਪਟੀਸ਼ਨ ਦਵਿੰਦਰ ਕੌਰ (ਮੁੱਦਈ) ਵਗ਼ੈਰਾ ਵਲੋਂ ਤਰਸੇਮ ਸਿੰਘ ਵਗ਼ੈਰਾ ਦੇ ਖ਼ਿਲਾਫ਼ ਦਾਇਰ ਕੀਤੀ ਗਈ ਸੀ | ਇੱਥੇ ਇਹ ਦੱਸਣਯੋਗ ਹੈ ਕਿ ਤਰਸੇਮ ਸਿੰਘ ਨੇ ਆਪਣੀ ਇਨੋਵਾ ਗੱਡੀ ਐਕਸੀਡੈਂਟ ਹੋਣ ਤੋਂ ਪਹਿਲਾਂ ਹੀ ਸੁਖਵਿੰਦਰ ਸਿੰਘ ਨੂੰ ਵੇਚ ਦਿੱਤੀ ਸੀ, ਪਰੰਤੂ ਕੁੱਝ ਕਾਰਨ ਕਰਕੇ ਆਰ.ਸੀ. ਮੌਕੇ 'ਤੇ ਨਹੀਂ ਪੇਸ਼ ਕਰ ਸਕੇ, ਜਿਸ ਕਰਕੇ ਪੀੜਤ ਵਲੋਂ ਤਰਸੇਮ ਸਿੰਘ ਤੋਂ ਕਲੇਮ ਲੈਣ ਲਈ ਪਟੀਸ਼ਨ ਦਾਇਰ ਕਰ ਦਿੱਤੀ ਗਈ ਸੀ | ਬਾਅਦ ਵਿਚ ਬਚਾਅ ਪੱਖ ਦੇ ਵਕੀਲ ਜੁਗਿੰਦਰ ਬਾਂਸਲ ਦੀਆਂ ਦਲੀਲਾਂ ਤੋਂ ਸੁਣ ਕੇ ਤੇ ਦਲੀਲਾਂ ਤੋਂ ਸੰਤੁਸ਼ਟ ਹੁੰਦੇ ਹੋਏ ਮਾਨਯੋਗ ਅਦਾਲਤ ਹਰਜੀਤ ਸਿੰਘ ਐਮ.ਏ.ਸੀ.ਟੀ., ਪਟਿਆਲਾ ਨੇ ਪਟੀਸ਼ਨਰ ਵਲੋਂ ਤਰਸੇਮ ਸਿੰਘ ਤੋਂ ਕਲੇਮ ਲੈਣ ਲਈ ਪਾਈ ਕਲੇਮ ਪਟੀਸ਼ਨ ਰੱਦ ਕਰ ਦਿੱਤੀ ਹੈ |
