ਬਾਰਿਸ਼ ਨੇ ਦਿੱਤੀ ਆਮ ਲੋਕਾਂ ਨੂੰ ਵੱਡੀ ਰਾਹਤ, ਕਿਸਾਨਾਂ ਦੇ ਚਿਹਰਿਆਂ ਖਿੜੇ
ਭੁੱਨਰਹੇੜੀ, 4 ਅਗਸਤ (ਧਨਵੰਤ ਸਿੰਘ)-ਸਵੇਰੇ ਲਗਪਗ ਪੰਜ ਵਜੇ ਸ਼ੁਰੂ ਹੋਈ ਬਾਰਿਸ਼ ਨੇ ਇਲਾਕੇ ਦਾ ਮੌਸਮ ਇਕਦਮ ਸੁਹਾਵਣਾ ਕਰ ਦਿੱਤਾ। ਕਈ ਦਿਨਾਂ ਤੋਂ ਪੈ ਰਹੀ ਤਿੱਖੀ ਗਰਮੀ ਤੇ ਹੁੰਮਸ ਤੋਂ ਲੋਕਾਂ ਨੂੰ ਵੱਡੀ ਰਾਹਤ ਮਿਲੀ।
ਭੁੱਨਰਹੇੜੀ, 4 ਅਗਸਤ (ਧਨਵੰਤ ਸਿੰਘ)-ਸਵੇਰੇ ਲਗਪਗ ਪੰਜ ਵਜੇ ਸ਼ੁਰੂ ਹੋਈ ਬਾਰਿਸ਼ ਨੇ ਇਲਾਕੇ ਦਾ ਮੌਸਮ ਇਕਦਮ ਸੁਹਾਵਣਾ ਕਰ ਦਿੱਤਾ। ਕਈ ਦਿਨਾਂ ਤੋਂ ਪੈ ਰਹੀ ਤਿੱਖੀ ਗਰਮੀ ਤੇ ਹੁੰਮਸ ਤੋਂ ਲੋਕਾਂ ਨੂੰ ਵੱਡੀ ਰਾਹਤ ਮਿਲੀ। ਸਵੇਰ ਦੇ ਸਮੇਂ ਹੀ ਆਈ ਇਸ ਬਾਰਿਸ਼ ਨੇ ਮਾਹੌਲ ਨੂੰ ਠੰਢਾ ਕਰ ਦਿੱਤਾ। ਲੋਕਾਂ ਨੂੰ ਤਾਜਗੀ ਦਾ ਅਹਿਸਾਸ ਕਰਵਾਇਆ। ਠੰਢਾ ਹਵਾਵਾਂ ਦੇ ਝੋਕੇ ਅਤੇ ਘਣੇ ਬੱਦਲਾਂ ਦੀ ਛਾਂ ਨਾਲ ਵਾਤਾਵਰਣ ਵਿਚ ਰਾਹਤਦਾਇਕ ਤਬਦੀਲੀ ਆਈ। ਇਹ ਬਾਰਿਸ਼ ਕਿਸਾਨਾਂ ਲਈ ਕਿਸੇ ਵਰਦਾਨ ਤੋਂ ਘੱਟ ਨਹੀਂ ਮੰਨੀ ਜਾ ਰਹੀ। ਪਿਛਲੇ ਕਈ ਦਿਨਾਂ ਤੋਂ ਖੁਸ਼ਕ ਮੌਸਮ ਤੇ ਤੇਜ਼ ਗਰਮੀ ਕਾਰਨ ਖੇਤਾਂ ਵਿਚ ਪਾਣੀ ਦੀ ਘਾਟ ਬਣੀ ਹੋਈ ਸੀ, ਜਿਸ ਨਾਲ ਫਸਲਾਂ ‘ਪ੍ਰਭਾਵਿਤ ਹੋ ਰਹੀਆਂ ਸਨ ਪਰ ਅੱਜ ਕਰੀਬ ਦੋ ਤੋਂ ਢਾਈ ਘੰਟੇ ਤੱਕ ਲਗਾਤਾਰ ਪਏ ਮੀਂਹ ਨੇ ਖੇਤਾਂ ਵਿਚ ਪਾਣੀ ਪਾਣੀ ਕਰ ਦਿੱਤਾ। ਇਸ ਨਾਲ ਫਸਲਾਂ ਦੀ ਹਰਿਆਵਲ ਵਧਣ ਦੇ ਚੰਗੇ ਸੰਕੇਤ ਮਿਲ ਰਹੇ ਹਨ ਤੇ ਕਿਸਾਨਾਂ ਨੂੰ ਆਉਣ ਵਾਲੇ ਸਮੇਂ ਵਿਚ ਵਧੀਆ ਪੈਦਾਵਾਰ ਦੀ ਉਮੀਦ ਬਣੀ ਹੈ। ਹਾਲਾਂਕਿ ਕੁਝ ਨੀਵੇਂ ਇਲਾਕਿਆਂ ਵਿਚ ਬਾਰਿਸ਼ ਦਾ ਪਾਣੀ ਇਕੱਠਾ ਹੋ ਗਿਆ ਸੀ, ਜਿਸ ਨਾਲ ਲੋਕਾਂ ਨੂੰ ਥੋੜੀ ਬਹੁਤ ਪ੍ਰੇਸ਼ਾਨੀ ਵੀ ਸਾਹਮਣੇ ਆਈ, ਪਰ ਦਿਨ ਚੜ੍ਹਦੇ-ਚੜ੍ਹਦੇ ਇਹ ਪਾਣੀ ਹੌਲੀ-ਹੌਲੀ ਨਿਕਲ ਗਿਆ, ਹਾਲਾਤ ਮੁੜ ਸਮਾਨ ਹੋ ਗਏ। ਕਿਸਾਨਾਂ ਦੇ ਚਿਹਰਿਆਂ ’ਤੇ ਖੁਸ਼ੀ ਸਾਫ਼ ਤੌਰ ’ਤੇ ਨਜ਼ਰ ਆ ਰਹੀ ਹੈ, ਕਿਉਂਕਿ ਇਹ ਮੀਂਹ ਫਸਲਾਂ ਲਈ ਬਹੁਤ ਹੀ ਲਾਹੇਮੰਦ ਸਾਬਤ ਹੋ ਸਕਦਾ ਹੈ।
