ਪ੍ਰਵਾਸੀ ਮਜ਼ਦੂਰ ਦੀ ਭੇਦਭਰੀ ਹਾਲਤ ’ਚ ਮੌਤ
ਸਮਾਣਾ, 24 ਅਕਤੂਬਰ (ਹਰਵਿੰਦਰ ਸਿੰਘ ਟੋਨੀ)-ਸਮਾਣਾ ਤੋਂ ਸਹਿਜਪੁਰਾ ਪਿੰਡ ਨੂੰ ਜਾਂਦੀ ਲਿੰਕ ਸੜਕ ’ਤੇ ਸਥਿਤ ਇਕ ਫ਼ੈਕਟਰੀ ’ਚ ਵਾਪਰੇ ਹਾਦਸੇ ਦੌਰਾਨ ਚਾਰ ਕੁ ਮਹੀਨੇ ਪਹਿਲਾ ਸ਼ਹਿਰ ’ਚ ਮਜ਼ਦੂਰੀ ਦਾ ਕੰਮ ਕਰਨ ਆਏ ਇਕ ਪ੍ਰਵਾਸੀ ਮਜ਼ਦੂਰ ਦੀ ਭੇਦਭਰੀ ਹਾਲਤ ’ਚ ਮੌਤ ਹੋਣ ਦੀ ਸੂਚਨਾ ਹੈ। ਥਾਣਾ ਸ਼ਹਿਰੀ ’ਚ ਤੈਨਾਤ ਮਾਮਲੇ ਦੇ ਜਾਂਚ ਅਧਿਕਾਰੀ ਸਬ ਇੰਸਪੈਕਟਰ ਜਸਬੀਰ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸਹਿਜਪੁਰਾ ਸੜਕ ’ਤੇ ਸਥਿਤ ਇਕ ਖੁੰਭਾ ਦੀ ਫ਼ੈਕਟਰੀ ਮਨੋਜ ਫ਼ੈਕਟਰੀ ’ਚ ਚਾਰ ਕੁ ਮਹੀਨੇ ਪਹਿਲਾ ਬਿਹਾਰ ਦੇ ਹਲੀਮਪੁਰ ਦਾ ਰਹਿਣ ਵਾਲਾ ਅਭਿਸ਼ੇਕ ਕੁਮਾਰ (22) ਪੁੱਤਰ ਪ੍ਰਮੋਦ ਮਾਹਤੋ ਹਾਲਏ ਆਬਾਦ ਖੁੰਭਾ ਦੀ ਫ਼ੈਕਟਰੀ ਦੇ ਕੁਆਟਰ ’ਚ ਰਹਿੰਦਾ ਸੀ ਜਿਸ ਦੀ ਬੀਤੀ ਸ਼ਾਮ ਅਚਾਨਕ ਭੇਦਭਰੀ ਹਾਲਤ ’ਚ ਮੌਤ ਹੋ ਗਈ।
ਸਮਾਣਾ, 24 ਅਕਤੂਬਰ (ਹਰਵਿੰਦਰ ਸਿੰਘ ਟੋਨੀ)-ਸਮਾਣਾ ਤੋਂ ਸਹਿਜਪੁਰਾ ਪਿੰਡ ਨੂੰ ਜਾਂਦੀ ਲਿੰਕ ਸੜਕ ’ਤੇ ਸਥਿਤ ਇਕ ਫ਼ੈਕਟਰੀ ’ਚ ਵਾਪਰੇ ਹਾਦਸੇ ਦੌਰਾਨ ਚਾਰ ਕੁ ਮਹੀਨੇ ਪਹਿਲਾ ਸ਼ਹਿਰ ’ਚ ਮਜ਼ਦੂਰੀ ਦਾ ਕੰਮ ਕਰਨ ਆਏ ਇਕ ਪ੍ਰਵਾਸੀ ਮਜ਼ਦੂਰ ਦੀ ਭੇਦਭਰੀ ਹਾਲਤ ’ਚ ਮੌਤ ਹੋਣ ਦੀ ਸੂਚਨਾ ਹੈ। ਥਾਣਾ ਸ਼ਹਿਰੀ ’ਚ ਤੈਨਾਤ ਮਾਮਲੇ ਦੇ ਜਾਂਚ ਅਧਿਕਾਰੀ ਸਬ ਇੰਸਪੈਕਟਰ ਜਸਬੀਰ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸਹਿਜਪੁਰਾ ਸੜਕ ’ਤੇ ਸਥਿਤ ਇਕ ਖੁੰਭਾ ਦੀ ਫ਼ੈਕਟਰੀ ਮਨੋਜ ਫ਼ੈਕਟਰੀ ’ਚ ਚਾਰ ਕੁ ਮਹੀਨੇ ਪਹਿਲਾ ਬਿਹਾਰ ਦੇ ਹਲੀਮਪੁਰ ਦਾ ਰਹਿਣ ਵਾਲਾ ਅਭਿਸ਼ੇਕ ਕੁਮਾਰ (22) ਪੁੱਤਰ ਪ੍ਰਮੋਦ ਮਾਹਤੋ ਹਾਲਏ ਆਬਾਦ ਖੁੰਭਾ ਦੀ ਫ਼ੈਕਟਰੀ ਦੇ ਕੁਆਟਰ ’ਚ ਰਹਿੰਦਾ ਸੀ ਜਿਸ ਦੀ ਬੀਤੀ ਸ਼ਾਮ ਅਚਾਨਕ ਭੇਦਭਰੀ ਹਾਲਤ ’ਚ ਮੌਤ ਹੋ ਗਈ। ਪੁਲਿਸ ਨੂੰ ਸੂਚਨਾ ਮਿਲਣ ’ਤੇ ਪੁਲਿਸ ਵਲੋਂ ਅਭਿਸ਼ੇਕ ਕੁਮਾਰ ਦੇ ਮ੍ਰਿਤਕ ਸਰੀਰ ਦਾ ਪੋਸਟਮਾਰਟਮ ਕਰਵਾਉਣ ਉਪਰੰਤ ਲਾਸ਼ ਵਾਰਿਸਾਂ ਹਵਾਲੇ ਕਰ ਦਿੱਤੀ ਗਈ ਹੈ। ਸੂਤਰਾਂ ਮੁਤਾਬਿਕ ਅਭਿਸ਼ੇਕ ਕੁਮਾਰ ਦਾ ਫ਼ੈਕਟਰੀ ’ਚ ਸਥਿਤ ਪਾਣੀ ਵਾਲੀ ਟੈਂਕੀ ਤੋਂ ਪੈਰ ਫਿਸਲ ਜਾਣ ਕਾਰਨ ਭੇਦਭਰੀ ਹਾਲਤ ’ਚ ਮੌਤ ਹੋਈ ਦੱਸੀ ਜਾਂਦੀ ਹੈ ਤੇ ਕੁਝ ਵਿਅਕਤੀਆਂ ਵਲੋਂ ਕਥਿਤ ਤੌਰ ’ਤੇ ਮੌਤ ਦੇ ਕਈ ਕਾਰਨ ਦੱਸੇ ਜਾ ਰਹੇ ਹਨ। ਜਦੋਂ ਕਿ ਸਥਿਤੀ ਹਾਲੇ ਗੁੰਝਲਦਾਰ ਬਣੀ ਹੋਈ ਹੈ। ਫ਼ੈਕਟਰੀ ਮਾਲਕ ਮਨੋਜ ਕੁਮਾਰ ਨੇ ਵਾਰ-ਵਾਰ ਫ਼ੋਨ ਕਰਨ ’ਤੇ ਫ਼ੋਨ ਨਹੀਂ ਚੁੱਕਿਆ।
