ਤੀਹ ਸਾਲਾਂ ਤੋਂ ਬੰਦ ਪਟਿਆਲਾ-ਗੁਲਾਹੜ ਬੱਸ ਦਾ ਰੂਟ ਹੋਇਆ ਚਾਲੂ
ਪਾਤੜਾਂ, 29 ਅਕੂਤਬਰ (ਜਗਦੀਸ਼ ਸਿੰਘ ਕੰਬੋਜ)- ਸਬ ਡਿਵੀਜ਼ਨ ਪਾਤੜਾ ਦੇ ਵੱਡੇ ਪਿੰਡਾਂ ਵਿਚ ਸ਼ਾਮਿਲ ਗੁਲਾਹੜ ਤੋਂ ਪਟਿਆਲਾ ਲਈ ਚੱਲਦਾ ਪੀ. ਆਰ.
ਪਾਤੜਾਂ, 29 ਅਕੂਤਬਰ (ਜਗਦੀਸ਼ ਸਿੰਘ ਕੰਬੋਜ)- ਸਬ ਡਿਵੀਜ਼ਨ ਪਾਤੜਾ ਦੇ ਵੱਡੇ ਪਿੰਡਾਂ ਵਿਚ ਸ਼ਾਮਿਲ ਗੁਲਾਹੜ ਤੋਂ ਪਟਿਆਲਾ ਲਈ ਚੱਲਦਾ ਪੀ.ਆਰ.ਟੀ.ਸੀ. ਦਾ ਤਿੰਨ ਦਹਾਕਿਆਂ ਤੋਂ ਬੰਦ ਪਿਆ ਰੂਟ ਚਾਲੂ ਹੋ ਗਿਆ ਹੈ। ਸੂਬੇ ਦੀ ਭਗਵੰਤ ਮਾਨ ਸਰਕਾਰ ਵਲੋਂ ਚਾਰ ਪਿੰਡਾਂ ਨੂੰ ਪੀ.ਆਰ.ਟੀ.ਸੀ. ਬੱਸ ਦੀ ਸੁਵਿਧਾ ਦਿੱਤੀ ਗਈ ਹੈ। ਆਮ ਆਦਮੀ ਪਾਰਟੀ ਦੇ ਜ਼ਿਲ੍ਹਾ ਪ੍ਰਧਾਨ ਨਵਲਦੀਪ ਸਿੰਘ ਮੌਲਵੀਵਾਲਾ ਦੇ ਯਤਨਾਂ ਨਾਲ ਸ਼ੁਰੂ ਹੋਈ ਬੱਸ ਸੇਵਾ ਦੀ ਰਸਮੀ ਸ਼ੁਰੂਆਤ ਦਸ਼ਮੇਸ਼ ਨਗਰ ਮੌਲਵੀਵਾਲਾ ਦੇ ਸਰਪੰਚ ਚਰਨਜੀਤ ਸਿੰਘ ਸੰਧੂ ਵਲੋਂ ਕੀਤੀ ਗਈ। ਇਹ ਬਸ ਹਰ ਰੋਜ਼ ਸਵੇਰੇ 7:10 ਵਜੇ ਖਨੌਰੀ ਤੋਂ ਚੱਲੇਗੀ ਅਤੇ ਗੁਲਾਹੜ, ਜੋਗੇਵਾਲਾ, ਨੂਰਪੁਰਾ , ਖਾਂਗ ਤੋਂ ਹੁੰਦੀ ਹੋਈ ਮੌਲਵੀਵਾਲਾ 7:50 ਵਜੇ ’ਤੇ ਪਹੁੰਚੇਗੀ। ਇੱਥੋਂ ਇਹ ਬੱਸ ਪਾਤੜਾਂ ਤੋਂ ਹੋ ਕੇ ਸਵੇਰੇ 9:30 ਵਜੇ ਪਟਿਆਲਾ ਪਸਿਆਣਾ ਤੋਂ ਰਾਜਿੰਦਰਾ ਹਸਪਤਾਲ ਹੋ ਕੇ ਪੁਰਾਣੇ ਬੱਸ ਅੱਡਾ ਤੇ ਫਿਰ ਨਵੇਂ ਬੱਸ ਅੱਡਾ ਪਟਿਆਲਾ ਜਾਵੇਗੀ ਅਤੇ ਸ਼ਾਮ ਨੂੰ ਵਾਪਸ ਆਵੇਗੀ। ਇਸ ਮੌਕੇ ਸੰਸਾਰ ਸਿੰਘ ਅੱਡਾ ਇੰਚਾਰਜ ਪਾਤੜਾਂ, ਮੁਖਤਿਆਰ ਸਿੰਘ ਕਡੰਕਟਰ, ਲਾਭ ਸਿੰਘ ਡਰਾਈਵਰ ਅਤੇ ਭੁਪਿੰਦਰਜੀਤ ਮੌਲਵੀਵਾਲਾ, ਹਾਜ਼ਰ ਸਨ।
