19-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 06-01-2026

ਯੂਨਾਈਟਿਡ ਹਿਊਮਨਰਾਈਟਸ ਫ਼ਰੰਟ ਦਾ ਵਫ਼ਦ ਪਿੰਗਲਵਾੜਾ ਦੀ ਚੇਅਰਪਰਸਨ ਨੂੰ ਮਿਲਿਆ

Ad Position 21
No active advertisement
ਅਜੀਤ ਡੈਸਕ 06-01-2026
ਫ਼ਰੀਦਕੋਟ, 5 ਜਨਵਰੀ (ਜਸਵੰਤ ਸਿੰਘ ਪੁਰਬਾ)-ਪੰਜਾਬ ਯੂਨਾਇਟਿਡ ਹਿਊਮਨ ਰਾਈਟਸ ਫ਼ਰੰਟ ਦਾ ਇਕ ਵਫ਼ਦ ਪਿੰਗਲਵਾੜਾ ਭਗਤ ਪੂਰਨ ਸਿੰਘ ਸ੍ਰੀ ਅੰਮਿ੍ਤਸਰ ਸਾਹਿਬ ਦੀ ਚੇਅਰਪਰਸ਼ਨ ਡਾ. ਇੰਦਰਜੀਤ ਕੌਰ ਨੂੰ ਟਰੱਸਟ ਦੇ ਕੰਮ ਕਾਰ ਬਾਰੇ ਜਾਣਕਾਰੀ ਲੈਣ ਲਈ ਮਿਲਿਆ | ਵਫ਼ਦ 'ਚ ਸ਼ਾਮਿਲ ਮੁਖਤਿਆਰ ਸਿੰਘ ਵੰਗੜ ਸੀਨੀਅਰ ਵਾਈਸ ਪ੍ਰਧਾਨ ਪੰਜਾਬ ਮਾਲਵਾ ਜ਼ੋਨ ਤੇ ਜਨਰਲ ਸਕੱਤਰ ਨਛੱਤਰ ਸਿੰਘ ਮਾਹਲਾ ਹਾਜ਼ਰ ਸਨ, ਨੂੰ ਟਰੱਸਟ ਦੇ ਇਕ ਸੇਵਾਦਾਰ ਨੇ ਪਿੰਗਲਵਾੜਾ ਦੇ ਪ੍ਰਬੰਧਾਂ ਸਬੰਧੀ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ | ਇਸ ਉਪਰੰਤ ਵਫ਼ਦ ਨੇ ਚੇਅਰਪਰਸ਼ਨ ਡਾ. ਇੰਦਰਜੀਤ ਕੌਰ ਨਾਲ ਪਿੰਗਲਵਾੜਾ ਦੇ ਪ੍ਰਬੰਧਾਂ ਸੰਬੰਧੀ ਖੁੱਲ੍ਹ ਕੇ ਜਾਣਕਾਰੀ ਸਾਂਝੀ ਕੀਤੀ ਗਈ | ਵਫ਼ਦ ਨੂੰ ਦੱਸਿਆ ਕਿ ਭਗਤ ਪੂਰਨ ਸਿੰਘ ਟਰੱਸਟ ਦੀਨ ਦੁਖੀਆਂ ਦੀ ਸਹਾਇਤਾ ਲਈ ਖੋਲਿ੍ਹਆ ਗਿਆ ਸੀ | ਇਸ ਦੀ ਸ਼ੁਰੂਆਤ ਲਾਹੌਰ ਦੇ ਗੁਰਦੁਆਰਾ ਡੇਰਾ ਸਾਹਿਬ ਵਿਚ ਕਿਸੇ ਵਲੋਂ ਇਕ ਪਿੰਗਲੇ ਬੱਚੇ ਦੀ ਸੇਵਾ ਕਰਨ ਤੋਂ ਸ਼ੁਰੂ ਹੋਈ ਸੀ | ਜਿਸ ਨੂੰ 1947 ਦੀ ਭਾਰਤ ਪਾਕਿ ਵੰਡ ਵੇਲੇ ਭਗਤ ਜੀ ਭਾਰਤ ਲੈ ਆਏ ਤੇ ਸ੍ਰੀ ਅੰਮਿ੍ਤਸਰ ਸਾਹਿਬ ਵਿਖੇ ਪਿੰਗਲਵਾੜਾ ਕਾਇਮ ਕੀਤਾ ਤੇ ਉਸ ਬੱਚੇ ਦਾ ਨਾਂਅ ਪਿਆਰਾ ਸਿੰਘ ਰੱਖਿਆ ਗਿਆ | ਇਸ ਟਰੱਸਟ ਦੇ ਕੁੱਲ 7 ਮੈਂਬਰ ਹਨ | ਇਨ੍ਹਾਂ ਦੀ ਗਿਣਤੀ ਵਧਾਈ ਨਹੀਂ ਜਾ ਸਕਦੀ ਤੇ ਇਨ੍ਹਾਂ ਸੱਤ ਟਰੱਸਟੀ ਮੈਂਬਰਾਂ ਤੋਂ ਬਿਨਾਂ ਹੋਰ ਕੋਈ ਮੈਂਬਰ ਇਸ ਟਰੱਸਟ ਦਾ ਨਹੀਂ ਹੈ |
ਪੰਜਾਬ ਗੌਰਮਿੰਟ ਪੈਨਸ਼ਨਰਜ਼ ਐਸੋਸੀਏਸ਼ਨ ਦੀ ਮੀਟਿੰਗ 12 ਨੂੰ
ਕੋਟਕਪੂਰਾ, 5 ਜਨਵਰੀ (ਮੇਘਰਾਜ)-ਪੰਜਾਬ ਗੌਰਮਿੰਟ ਪੈਨਸ਼ਨਰਜ਼ ਐਸੋਸੀਏਸ਼ਨ ਬਲਾਕ ਕੋਟਕਪੂਰਾ ਦੀ ਮਹੀਨਵਾਰ ਮੀਟਿੰਗ 12 ਜਨਵਰੀ ਨੂੰ ਪੈਨਸ਼ਨਰਜ ਭਵਨ ਨੇੜੇ ਜੋੜੀਆਂ ਚੱਕੀਆਂ ਵਿਖੇ ਸਵੇਰੇ 11 ਤੋਂ 1:30 ਵਜੇ ਤੱਕ ਹੋਵੇਗੀ¢ ਇਸ ਸਬੰਧੀ ਜਥੇਬੰਦੀ ਦੇ ਪ੍ਰਧਾਨ ਸੁਭਾਸ਼ ਸ਼ਰਮਾ ਨੇ ਦੱਸਿਆ ਕਿ ਉਕਤ ਮੀਟਿੰਗ 'ਚ 30 ਦਸੰਬਰ 2025 ਨੂੰ ਮੋਗਾ ਵਿਖੇ ਸੂਬਾ ਕਮੇਟੀ ਦੀ ਮੀਟਿੰਗ 'ਚ ਹੋਏ ਫ਼ੈਸਲਿਆਂ 'ਤੇ ਚਾਨਣਾ ਪਾਇਆ ਜਾਵੇਗਾ¢ ਇਸ ਤੋਂ ਇਲਾਵਾ ਜਨਵਰੀ ਮਹੀਨੇ ਦੇ ਜਨਮ ਲੈਣ ਵਾਲੇ ਸਾਥੀਆਂ ਦਾ ਸਨਮਾਨ ਕੀਤਾ ਜਾਵੇਗਾ |

Ad Position 22
No active advertisement
ਪਿਛਲੀ ਖ਼ਬਰ ਨਸ਼ੇ ਦੀਆਂ ਪਾਬੰਦੀਸ਼ੁਦਾ ਗੋਲੀਆਂ ਸਮੇਤ ਦੋ ਕਾਬੂ ਅਗਲੀ ਖ਼ਬਰ ਪੁਲਿਸ ਵਿਭਾਗ ਵਲੋਂ ਸ਼ਿਕਾਇਤ ਨਿਵਾਰਨ ਕੈਂਪ ਲਗਾਇਆ
Ad Position 24