ਸਾਦਿਕ, 23 ਜਨਵਰੀ (ਆਰ. ਐਸ. ਧੁੰਨਾ)-ਸਾਦਿਕ ਨੇੜੇ ਪਿੰਡ ਘੁੱਦੂਵਾਲਾ ਵਿਖੇ ਬ੍ਰਹਮਲੀਨ ਪਰਮਸੰਤ ਰਾਮ ਸਿੰਘ ਗਿਆਰ੍ਹੀ ਵਾਲੇ ਦੌਧਰ ਵਾਲਿਆਂ ਦੁਆਰਾ ਸਥਾਪਿਤ ਵਿੱਦਿਅਕ ਸੰਸਥਾ ਐਸ. ਬੀ. ਆਰ. ਐਸ. ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਘੁੱਦੂਵਾਲਾ ਵਿਖੇ ਬੱਚਿਆਂ ਨੇ ਬਸੰਤ ਪੰਚਮੀ ਦੇ ਅਵਸਰ 'ਤੇ ਰੰਗ ਬਿਰੰਗੇ ਪਤੰਗ ਬਣਾਏ ਤੇ ਇਕੱਠੇ ਹੋ ਕੇ ਅਕਾਸ਼ 'ਚ ਉਡਾਏ | ਸਕੂਲ ਦੇ ਪਿ੍ੰਸੀਪਲ ਸ਼ਮਸ਼ੇਰ ਸਿੰਘ ਸਿੱਧੂ ਨੇ ਬਸੰਤ ਪੰਚਮੀ ਨੇ ਵਧਾਈ ਦਿੰਦਿਆਂ ਬੱਚਿਆਂ ਨੂੰ ਅਪੀਲ ਕੀਤੀ ਕਿ ਉਹ ਸੁਰੱਖਿਅਤ ਥਾਂ 'ਤੇ ਹੀ ਪਤੰਗ ਉਡਾੳਣ ਅਤੇ ਚਾਇਨਾ ਡੋਰ ਵਰਤਣ ਤੋਂ ਪ੍ਰਹੇਜ ਕਰਨ | ਇਸ ਮੌਕੇ ਸਮੂਹ ਸਟਾਫ਼ ਵੀ ਹਾਜ਼ਰ ਸੀ |
