ਜੈਤੋ, 21 ਫ਼ਰਵਰੀ (ਗੁਰਚਰਨ ਸਿੰਘ ਗਾਬੜੀਆ, ਗੁਰਮੀਤਪਾਲ ਰੋੜੀਕਪੂਰਾ)- ਯੂਨੀਵਰਸਿਟੀ ਕਾਲਜ ਜੈਤੋ ਦੀ ਪ੍ਰੋ. ਗੁਰਦਿਆਲ ਸਿੰਘ ਲਾਇਬ੍ਰੇਰੀ 'ਚ ਰੁਜ਼ਗਾਰ ਚੋਣ ਪ੍ਰਕਿਰਿਆ ਸਫਲਤਾ ਪੂਰਵਕ ਸਮਾਪਤ ਹੋਈ | ਇਸ ਚੋਣ ਪ੍ਰਕਿਰਿਆ ਦੌਰਾਨ ਯੋਗ ਉਮੀਦਵਾਰਾਂ ਦੇ ਸਾਕਸ਼ਾਤਕਾਰ ਅਤੇ ਯੋਗਤਾ ਦੀ ਪੜਤਾਲ ਕੀਤੀ ਗਈ | ਚੋਣ ਕਮੇਟੀ ਵਲੋਂ ਪ੍ਰਾਪਤ ਅਰਜ਼ੀਆਂ ਦੀ ਸਮੀਖਿਆ ਅਤੇ ਇੰਟਰਵਿਊ ਉਪਰੰਤ ਕੰਪਿਊਟਰ ਫ਼ੈਕਲਟੀ ਵਜੋਂ ਮੁਸਕਾਨ ਸਿੰਗਲਾ ਅਤੇ ਅਕਾਉਂਟਸ ਕਲਰਕ ਵਜੋਂ ਤਰੁਣ ਦੀ ਚੋਣ ਕੀਤੀ ਗਈ | ਕਾਲਜ ਪ੍ਰਬੰਧਕ ਮੰਡਲ ਨੇ ਚੁਣੇ ਗਏ ਉਮੀਦਵਾਰਾਂ ਨੂੰ ਮੁਬਾਰਕਬਾਦ ਦਿੱਤੀ ਗਈ | ਪ੍ਰਕਿਰਿਆ ਦੌਰਾਨ ਬੀ.ਸੀ.ਏ. ਦੇ ਚਾਰ ਅਤੇ ਬੀ.ਕਾਮ ਦੇ ਛੇ ਵਿਦਿਆਰਥੀਆਂ ਨੂੰ ਸ਼ਾਰਟ ਲਿਸਟ ਕੀਤਾ ਗਿਆ ਸੀ | ਇੰਟਰਵਿਊ ਕਮੇਟੀ 'ਚ ਕਾਲ ਸੀ ਕੰਪਿਊਟਰ ਐਜੂਕੇਸ਼ਨ ਸੈਂਟਰ ਕੋਟਕਪੂਰਾ ਦੇ ਸੀ.ਐਮ.ਡੀ ਜਤਿੰਦਰ ਚਾਵਲਾ ਅਤੇ ਸੈਂਟਰ ਮੈਨੇਜਰ ਸਿਮਰਜੀਤ ਸ਼ਾਮਿਲ ਸਨ | ਪ੍ਰੋ. ਵਿਸ਼ਾਲ ਸਿੰਗਲਾ ਅਤੇ ਪ੍ਰੋ. ਸੁਮਨ ਨੇ ਇੰਟਰਵਿਊ ਦੌਰਾਨ ਪੂਰਾ ਸਹਿਯੋਗ ਦਿੱਤਾ | ਡਾ. ਪਰਮਿੰਦਰ ਸਿੰਘ ਤੱਗੜ, ਡਾ. ਸੁਭਾਸ਼ ਚੰਦਰ ਅਤੇ ਇੰਜੀ. ਅਰਸ਼ਦੀਪ ਬਰਾੜ ਨੇ ਚੁਣੇ ਗਏ ਵਿਦਿਆਰਥੀਆਂ ਨੂੰ ਮੁਬਾਰਕਬਾਦ ਦਿੱਤੀ | ਡਾ. ਸਮਰਾਟ ਖੰਨਾ, ਡਾ. ਰਾਜੀਵ ਕਪੂਰ ਅਤੇ ਅਭਿਤ ਜਿੰਦਲ ਨੇ ਇਸ ਉਪਰਾਲੇ ਸੰਬੰਧੀ ਦੱਸਿਆ ਕਿ ਇਸ ਤਰ੍ਹਾਂ ਦੇ ਪਲੇਸਮੈਂਟ ਸੈਲ ਕੈਂਪ ਕਾਲਜ 'ਚ ਲਗਾਤਾਰ ਲਗਦੇ ਰਹਿਣਗੇ |
