ਫ਼ਰੀਦਕੋਟ, 9 ਮਾਰਚ (ਜਸਵੰਤ ਸਿੰਘ ਪੁਰਬਾ)-ਆਰ.ਜੀ.ਆਰ. ਸੈਲ (ਰੀਵਾਇਵਿੰਗ ਗਰੀਨ ਰਿਵੈਲੂਏਸ਼ਠ ਸੈਲ) ਵਲੋਂ ਪਿੰਡ ਸੁੱਖਣਵਾਲਾ ਵਿਖੇ ਮਹਿਲਾ ਦਿਵਸ ਮਨਾਇਆ ਗਿਆ | ਜਿਸ ਵਿਚ ਵੱਡੀ ਗਿਣਤੀ 'ਚ ਮਹਿਲਾਵਾਂ ਸ਼ਾਮਿਲ ਹੋਈਆਂ | ਡਾ. ਜਸਵਿੰਦਰ ਕੌਰ ਬਰਾੜ ਰਿਟਾ: ਪੰਜਾਬ ਐਗਰੀਕਲਚਰ ਯੂਨੀਵਰਸਿਟੀ ਲੁਧਿਆਣਾ ਨੇ ਆਈਆਂ ਹੋਈਆਂ ਮਹਿਲਾਵਾਂ ਨੂੰ ਆਪਣੇ ਘਰ ਦੇ ਕੰਮ ਖੁਦ ਕਰਨ ਆਪਣੇ ਬੱਚਿਆਂ ਦੀ ਪ੍ਰਵਰਿਸ਼ ਸੁਚੱਜੇ ਢੰਗ ਨਾਲ ਕਰਦੇ ਹੋਏ ਬੱਚਿਆਂ ਨੂੰ ਫ਼ਾਸਟ ਫ਼ੂਡ ਤੋਂ ਦੂਰ ਰੱਖ ਕੇ ਘਰ ਦੀਆਂ ਦੇਸੀ ਖੁਰਾਕਾਂ ਜਿਵੇਂ ਕਿ ਦੁੱਧ ਘਿਉ ਆਦਿ ਦੇਣ ਲਈ ਉਤਸਾਹਿਤ ਕੀਤਾ, ਜਿਸ ਨਾਲ ਬੱਚਿਆਂ ਦਾ ਸਰਵ ਪੱਖੀ ਵਿਕਾਸ ਹੋ ਸਕੇ | ਇਸ ਮੌਕੇ ਸੀ.ਐਚ.ਓ. ਰਾਜਪਾਲ ਕੌਰ ਨੇ ਮਹਿਲਾਵਾਂ ਨੂੰ ਸਿਹਤ ਸਬੰਧੀ ਜਾਣਕਾਰੀ ਦਿੱਤੀ | ਅਕਾਲ ਅਕੈਡਮੀ ਸੁੱਖਣਵਾਲਾ ਦੇ ਪਿ੍ੰਸੀਪਲ ਗੁਰਜੀਤ ਕੌਰ ਨੇ ਮਹਿਲਾਵਾਂ ਨੂੰ ਆਪਣੇ ਬੱਚਿਆਂ ਨੂੰ ਸਿੱਖੀ ਸਰੂਪ ਵਿਚ ਰੱਖ ਕੇ ਗੁਰਬਾਣੀ ਨਾਲ ਜੋੜਣ ਲਈ ਪ੍ਰੇਰਿਤ ਕੀਤਾ | ਆਰ.ਜੀ.ਆਰ. ਸੈਲ ਦੇ ਡਿਸਟਿ੍ਕ ਮੈਨੇਜਰ ਲਖਵਿੰਦਰ ਸਿੰਘ ਨੇ ਏਰੀਆ ਮੈਨੇਜਰ ਹਰਮਨਦੀਪ ਸਿੰਘ ਸਰਾਂ ਦੀ ਅਗਵਾਈ ਵਿਚ ਕੰਮ ਕਰ ਰਹੀ ਆਰ.ਜੀ.ਆਰ. ਦੀ ਟੀਮ ਬਾਰੇ ਚਾਨਣਾ ਪਾਇਆ ਤੇ ਮੰਚ ਸੰਚਾਲਨ ਕੀਤਾ | ਇਸ ਮੌਕੇ ਮਨਿੰਦਰ ਦੀਪ ਸ਼ਰਮਾ, ਜ਼ਸਨਦੀਪ ਸਿੰਘ ਸੁੱਖਣ ਵਾਲਾ, ਆਰ.ਜੀ.ਆਰ ਸੈਲ ਦੇ ਖੇਤੀ ਦੂਤ ਕੁਲਦੀਪ ਸਿੰਘ, ਲਖਵਿੰਦਰ ਸਿੰਘ, ਸੁਖਮੰਦਰ ਸਿੰਘ, ਕਰਨਵੀਰ ਸਿੰਘ, ਆਂਗਣਵਾੜੀ ਵਰਕਰ ਬਲਜਿੰਦਰ ਕੌਰ, ਅਮਰਜੀਤ ਕੌਰ, ਰੁਪਿੰਦਰ ਰਾਣੀ, ਸਰਪੰਚ ਰਮਣਦੀਪ ਕੌਰ, ਵੀਰਪਾਲ ਕੌਰ ਅਤੇ ਡਾਕਟਰ ਪਰਮਿੰਦਰ ਸਿੰਘ ਸ਼ੇਰ ਸਿੰਘ ਵਾਲਾ ਆਦਿ ਹਾਜ਼ਰ ਸਨ |
