ਸ੍ਰੀ ਮੁਕਤਸਰ ਸਾਹਿਬ, 28 ਮਾਰਚ (ਰਣਜੀਤ ਸਿੰਘ ਢਿੱਲੋਂ)-ਸ੍ਰੀ ਦੁਰਗਾ ਮੰਦਰ ਪਿੰਡ ਹਰੀਕੇ ਕਲਾਂ ਵਿਖੇ ਕੰਜਕ ਪੂਜਨ ਕੀਤਾ ਗਿਆ | ਚੇਤ ਦੇ ਨਰਾਤਿਆਂ ਨੂੰ ਮੁੱਖ ਰੱਖਦੇ ਹੋਏ ਪਹਿਲੇ ਨਰਾਤੇ ਤੋਂ ਮੰਦਰ ਵਿਚ ਸਮੂਹ ਭਗਤਾਂ ਵਲੋਂ ਜੋਤੀ ਪ੍ਰਚੰਡ ਕੀਤੀ ਜਾਂਦੀ ਹੈ ਅਤੇ ਹਰ ਰੋਜ਼ ਸਵੇਰੇ ਸ਼ਰਧਾਲੂਆਂ ਵਲੋਂ ਪੂਜਨ ਕਰਵਾਇਆ ਜਾਂਦਾ ਹੈ | ਸਾਰੇ ਨਰਾਤੇ ਮਾਤਾ ਦੇ ਦਰਬਾਰ ਵਿਚ ਰੌਣਕਾਂ ਲੱਗਦੀਆਂ ਰਹਿੰਦੀਆਂ ਹਨ | ਮੰਦਰ ਕਮੇਟੀ ਦੇ ਪ੍ਰਧਾਨ ਰਾਮ ਲਾਲ ਸ਼ਰਮਾ ਨੇ ਦੱਸਿਆ ਕਿ ਨੌਵੀਂ ਨਰਾਤੇ ਮੌਕੇ ਕੜਾਹੀਆਂ ਕੀਤੀਆਂ ਗਈਆਂ ਅਤੇ ਮਾਤਾ ਨੂੰ ਭੋਗ ਲਵਾ ਕੇ ਕੰਜਕਾਂ ਨੂੰ ਪੂੜੀਆਂ, ਹਲਵਾ ਤੇ ਛੋਲਿਆਂ ਦਾ ਪ੍ਰਸ਼ਾਦ ਅਤੇ ਫ਼ਲ ਦਿੱਤੇ ਗਏ | ਇਸ ਮੌਕੇ ਕੰਜਕਾਂ ਨੂੰ ਸਾਰੇ ਕਮੇਟੀ ਮੈਂਬਰਾਂ ਵਲੋਂ ਕਾਪੀਆਂ, ਪੈਨਸਲਾਂ ਪਲੇਟਾਂ ਤੇ ਫ਼ਲ ਵੰਡੇ ਗਏ | ਇਸ ਮੌਕੇ ਕਮੇਟੀ ਦੇ ਮੁੱਖ ਸਲਾਹਕਾਰ ਅਮਰਜੀਤ ਸ਼ਰਮਾ, ਖ਼ਜ਼ਾਨਚੀ ਧਰਮਵੀਰ ਸ਼ਰਮਾ, ਜਨਰਲ ਸਕੱਤਰ ਅੰਮਿ੍ਤਪਾਲ, ਮੰਦਰ ਦੇ ਪੁਜਾਰੀ ਵਿਜੇ ਕੁਮਾਰ ਸ਼ਰਮਾ, ਬਲਕਰਨ ਸ਼ਰਮਾ, ਬਲਜੀਤ ਸ਼ਰਮਾ, ਲਾਡੀ ਸ਼ਰਮਾ, ਪੰਮਾ ਬਰਾੜ ਅਤੇ ਪਾਲਾ ਰਾਮ ਸਮੇਤ ਵੱਡੀ ਗਿਣਤੀ ਵਿਚ ਸੰਗਤਾਂ ਹਾਜ਼ਰ ਸਨ |
