ਮਲੋਟ, 4 ਅਪ੍ਰੈਲ (ਪਾਟਿਲ)-ਮਲੋਟ ਦੇ ਇੰਦਰਾ ਰੋਡ 'ਤੇ ਚਾਹ, ਦੁੱਧ ਤੇ ਮਠਿਆਈ ਦੀ ਦੁਕਾਨ ਚਲਾਉਣ ਵਾਲੇ ਨੌਜਵਾਨ ਵਕੀਲ ਕੁਮਾਰ ਛਾਬੜਾ ਨੇ ਇਮਾਨਦਾਰੀ ਦੀ ਮਿਸਾਲ ਕਾਇਮ ਕੀਤੀ ਹੈ | ਇਕ ਦਿਨ ਉਸ ਦੀ ਦੁਕਾਨ 'ਤੇ ਕਿਸੇ ਵਲੋਂ ਭੁੱਲਵਸ਼ ਛੱਡੀ ਗਈ ਗਹਿਣਿਆਂ ਦੀ ਪੋਟਲੀ ਮਿਲੀ, ਜਿਸ ਵਿਚ ਸੋਨੇ ਤੇ ਚਾਂਦੀ ਦੇ ਕੀਮਤੀ ਗਹਿਣੇ ਸਨ | ਵਕੀਲ ਛਾਬੜਾ ਨੇ ਬਿਨਾਂ ਕਿਸੇ ਦੇਰੀ ਦੇ ਆਸਪਾਸ ਦੇ ਲੋਕਾਂ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ ਅਤੇ ਅਸਲ ਮਾਲਕ ਦੀ ਖੋਜ ਸ਼ੁਰੂ ਕਰ ਦਿੱਤੀ | ਕੁਝ ਸਮੇਂ ਬਾਅਦ ਗਹਿਣਿਆਂ ਦੇ ਮਾਲਕ ਖ਼ੁਦ ਹੀ ਉਥੇ ਪਹੁੰਚ ਗਏ | ਵਕੀਲ ਛਾਬੜਾ ਨੇ ਸਮਾਜ ਦੇ ਕੁਝ ਜ਼ਿੰਮੇਵਾਰ ਵਿਅਕਤੀਆਂ ਦੀ ਹਾਜ਼ਰੀ ਵਿਚ ਸਾਰੇ ਗਹਿਣੇ ਸੁਰੱਖਿਅਤ ਢੰਗ ਨਾਲ ਮਾਲਕਾਂ ਨੂੰ ਵਾਪਸ ਸੌਂਪ ਦਿੱਤੇ | ਗਹਿਣਿਆਂ ਦੇ ਮਾਲਕਾਂ ਨੇ ਇਸ ਨੇਕ ਕੰਮ ਲਈ ਵਕੀਲ ਛਾਬੜਾ ਦਾ ਧੰਨਵਾਦ ਕੀਤਾ |
