ਸ੍ਰੀ ਮੁਕਤਸਰ ਸਾਹਿਬ, 4 ਅਪ੍ਰੈਲ (ਹਰਮਹਿੰਦਰ ਪਾਲ)-ਪੰਜਾਬ ਐਂਡ ਸਿੰਧ ਬੈਂਕ ਮੁਕਤਸਰ ਬਰਾਂਚ ਵਲੋਂ ਅੱਜ ਪ੍ਰਧਾਨ ਮੰਤਰੀ ਜੀਵਨ ਜੋਤੀ ਬੀਮਾ ਯੋਜਨਾ ਅਧੀਨ ਮਿ੍ਤਕ ਕਿਸਾਨ ਦੇ ਵਾਰਿਸ ਨੂੰ 2 ਲੱਖ ਰੁਪਏ ਦਾ ਚੈਕ ਬੈਂਕ ਦੇ ਜ਼ੋਨਲ ਮੈਨੇਜਰ ਅਮਿਤ ਨਾਗਰ ਵਲੋਂ ਦਿੱਤਾ ਗਿਆ | ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਸਥਾਨਕ ਬਰਾਂਚ ਮੈਨੇਜਰ ਹਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਮਿ੍ਤਕ ਕਿਸਾਨ ਰਛਪਾਲ ਸਿੰਘ ਵਲੋਂ ਪ੍ਰਧਾਨ ਮੰਤਰੀ ਜੀਵਨ ਜੋਤੀ ਬੀਮਾ ਯੋਜਨਾ ਤਹਿਤ ਆਪਣਾ ਬੀਮਾ ਕਰਵਾਇਆ ਹੋਇਆ ਸੀ | ਬੀਤੇ ਦਿਨੀਂ ਉਸ ਦੀ ਹਾਰਟ ਅਟੈਕ ਨਾਲ ਅਚਾਨਕ ਮੌਤ ਹੋ ਗਈ | ਜਦੋਂ ਉਸ ਦਾ ਵਾਰਿਸ ਇਕਬਾਲ ਸਿੰਘ (ਭਰਾ) ਉਸ ਦਾ ਖਾਤਾ ਬੰਦ ਕਰਵਾਉਣ ਆਇਆ, ਤਾਂ ਬੈਂਕ ਅਧਿਕਾਰੀਆਂ ਨੇ ਉਸ ਨੂੰ ਉਸ ਵਲੋਂ ਕਰਵਾਏ ਗਏ ਬੀਮੇ ਬਾਰੇ ਜਾਣਕਾਰੀ ਦਿੱਤੀ ਅਤੇ ਸਾਰੀ ਬਣਦੀ ਕਾਰਵਾਈ ਕਰਕੇ ਅੱਜ ਉਸ ਦੇ ਵਾਰਿਸ ਨੂੰ ਬੀਮੇ ਦੀ ਰਕਮ ਦਾ ਚੈੱਕ ਦੇ ਦਿੱਤਾ ਗਿਆ |
