ਫ਼ਰੀਦਕੋਟ, 12 ਅਪ੍ਰੈਲ (ਹਰਮਿੰਦਰ ਸਿੰਘ ਮਿੰਦਾ)-ਲਾਇਨਜ਼ ਕਲੱਬ ਫ਼ਰੀਦਕੋਟ ਦੀ ਮੀਟਿੰਗ ਲਾਇਨ ਭਵਨ ਆਦਰਸ਼ ਨਗਰ ਫ਼ਰੀਦਕੋਟ ਵਿਖੇ ਕਲੱਬ ਪ੍ਰਧਾਨ ਮੋਹਿਤ ਗੁਪਤਾ ਦੀ ਪ੍ਰਧਾਨਗੀ ਹੇਠ ਹੋਈ | ਮੀਟਿੰਗ ਦੀ ਸ਼ੁਰੂਆਤ ਬਿਕਰਮਜੀਤ ਸਿੰਘ ਢਿੱਲੋਂ ਨੇ ਸਾਰੇ ਮੈਂਬਰਾਂ ਨੂੰ ਜੀ ਆਇਆ ਨੂੰ ਆਖ ਕੀਤੀ | ਲਾਇਨ ਕਲੱਬਾਂ ਦੇ ਡਿਪਟੀ ਗਵਰਨਰ ਰਜਨੀਸ ਗਰੋਵਰ ਵਲੋਂ ਰੀਜਨਲ ਕਾਨਫ਼ਰੰਸ ਜੋ ਪਿਛਲੇ ਦਿਨੀਂ ਫ਼ਿਰੋਜ਼ਪੁਰ ਵਿਖੇ ਹੋਈ, ਦੌਰਾਨ ਲਾਇਨਜ਼ ਕਲੱਬ ਫ਼ਰੀਦਕੋਟ ਨੂੰ ਮਿਲੇ ਐਵਾਰਡਾਂ ਬਾਰੇ ਚਾਨਣਾ ਪਾਇਆ | ਨਵਦੀਪ ਸਿੰਘ ਰਿੱਕੀ ਨੂੰ ਰੀਜਨਲ ਕਾਨਫ਼ਰੰਸ ਦੌਰਾਨ ਲਾਇਨਜ਼ ਸੰਸਥਾਵਾਂ 'ਚ 20 ਸਾਲ ਪੂਰੇ ਕਰਨ 'ਤੇ ਸ਼ਾਨਦਾਰ ਸੇਵਾਵਾਂ ਦੇਣ 'ਤੇ ਐਵਾਰਡ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਡਾ. ਗੁਰਿੰਦਰ ਮੋਹਨ ਸਿੰਘ, ਪ੍ਰਦੱਮਣ ਸਿੰਘ, ਗੁਰਚਰਨ ਸਿੰਘ ਗਿੱਲ, ਗਰੀਸ ਸੁਖੀਜਾ, ਲੁਕਿੰਦਰ ਸ਼ਰਮਾ, ਗੁਰਮੇਲ ਸਿੰਘ ਜੱਸਲ ਅਤੇ ਸੰਜੀਵ ਅਰੋੜਾ ਹਾਜ਼ਰ ਸਨ | ਅੰਤ ਸਿੰਘ ਕਲੱਬ ਪ੍ਰਧਾਨ ਮੋਹਿਤ ਗੁਪਤਾ ਨੇ ਆਏ ਹੋਏ ਮੈਂਬਰਾਂ ਦਾ ਧੰਨਵਾਦ ਕੀਤਾ |
